1 'Nhòng Bùa 3:2 - Sech Hadròih

² con ma piq: Ap-sa-lôm. Miq haq Ma-a-ca, con cadrì Tanmai, bùa gùng Gê-su-rò; con ma pôn: A-đô-ni-ja, miq haq Haghit;

1 'Nhòng Bùa 3:2 Iomraidhean Croise

2 Sa-mu-ên 13:1

Atìq ca aih i bìac cô: Ap-sa-lôm con calô Đawit, i mòiq toq oh cadrì hadrò lem lình, hiniq haq Tama. Amnôn con calô Đawit, enh waq haq.

2 Sa-mu-ên 13:38

Ap-sa-lôm mot ŏi ta gùng Gê-su-rò piq hanam.

2 Sa-mu-ên 14:23

Jôap padinh yòng lam trùh ta Gê-su-rò, 'ràng Ap-sa-lôm hlài ta Jê-ru-sa-lem.

2 Sa-mu-ên 14:32

Ap-sa-lôm doi ca haq: “Au thê mangai lam doi ca ìh: Thia ta cô beq, đòiq ìh lam trùh ta bùa anoi: Au khoi ŏi ta Gê-su-rò hlài ta cô broq cleq? Đòiq au ŏi ta aih yi hnao. 'Màng aih manàiq cô, au enh glàm bùa. Tàng au i tôiq cleq, xìn bùa jêh đac au.”

2 Sa-mu-ên 15:8

Ma jah 'màng aih jò au ŏi ta Gê-su-rò ta diac Siri, khoi i waiq khàn: ‘Tàng Chuaq 'ràng ahlài au ta Jê-ru-sa-lem, èh au jah cùh waiq Chuaq.’ ”

2 Sa-mu-ên 18:14

Èh Jôap dêh bàu tèu hlài: “Au pi pa'ngwan ca jò yòng jang cô tamàng bàu ìh hòm!” Tajòi 'mòi Jôap yŏc piq toq jaoq bìt troq plì nòih Ap-sa-lôm, jò Ap-sa-lôm ŏi rìh wa gwac ta hamenh long rayai.

2 Sa-mu-ên 18:18

Jò ŏi rìh, Ap-sa-lôm thê broq ca haq mòiq toq long jrang patô đòiq hmàng dađeh ŏi ta Thòng Bùa, ma jah 'màng aih haq doi: au ùh i ca con calô đòiq 'mŏt hiniq au, hi khoi haq yŏc dèh hiniq haq achìh ta long jrang patô aih, long aih ŏi trùh manàiq. Wì xôq ŏi doi aih: “long jrang patô đòiq hmàng Ap-sa-lôm.”

2 Sa-mu-ên 18:33

Bùa tamèt ta manoh xa-ŏch dèh ca con. Tajòi 'mòi lam haq tŏc ta làu yòng jang 'mang, crò hmoi. Haq rai lam rai capoch: “Ôi Ap-sa-lôm con calô au! Ôi con au, Ap-sa-lôm con calô au! Tàng ma jah, ngèh enh au cachìt thai con! Ôi Ap-sa-lôm! Con calô au! Con calô au!”

2 Sa-mu-ên 3:3

A-bi-ga-in, mai hadrô da Naban mangai Catmên, xa-ông ca con ma tìa, hiniq haq Ki-lê-ap. Con ma piq Ap-sa-lôm; miq haq Ma-a-ca, con cadrì da Tanmai, bùa Gê-su-rò.

2 Sa-mu-ên 3:4

Con ma pôn A-đô-ni-ja, con da Haghit. Con ma padam Sê-pha-tia con da A-bi-tan;

1 'Bài Bùa 1:5

Manàiq cô A-đô-ni-ja, con calô Haghit padèch dađeh doi: “Au cô èh broq bùa.” 'Màng aih, haq padon ca dađeh xê axêh tajêh, lình axêh wa 50 ngai cadàu adroi ca haq, đòiq pèh trong.

1 'Bài Bùa 1:6

Baq haq ùh jò leq trech haq mòiq nà bàu doi: “Gleq con ma broq 'màng 'mat?” Haq mangai gu radam i lem lình, xa-ông atìq ca Ap-sa-lôm.

1 'Bài Bùa 2:22

Mahaq Sa-lô-môn tèu dèh miq doi: “Hagleq miq ma xìn A-bi-sac mangai Sunem ca A-đô-ni-ja? Gleq miq ma ùh xìn dìq ca ta taneh Diac cô ca haq hloi, ma jah 'màng aih, haq daq au, joq ùh? Gleq ìh ùh xìn hloi ca pajàu A-bia-tha wa ca Jôap, con calô Xê-ru-ia mòiq yàng hloi!”

1 'Nhòng Bùa 2:23

Jàn Gê-su-rò wa Siri tablah yŏc phôq Jairò wa Kênat xam 'bài gùng haten ca aih jah 60 phôq. Wì cô dìq con xau Maki, baq da Ga-la-at.

1 'Nhòng Bùa 3:1

Cô 'bài con calô da Đawit xa-ông ta Hêprôn: Amnôn, con ramua calô, miq haq A-hi-nô-am, mangai Jê-rê-ên. Con ma baiq: Đa-ni-ên, miq haq A-bi-ga-in, mangai Catmên;

1 'Nhòng Bùa 3:3

con ma padam: Sê-pha-tia. Miq haq A-bi-tan; con ma tadràu It-rê-am. Miq haq Ecla, mai Đawit.

Jôsuê 13:13

Mahaq jàn Is-ra-ên ùh hnan jah jàn Gê-su-rò Ma-a-ca, taiq 'màng aih wì haq xôq ŏi rìh ta'ne jàn Is-ra-ên trùh hì cô.