1 'Bài Bùa 9:9 - Sech Hadròih

⁹ Èh wì tèu: ‘Ma jah 'màng aih taiq wì haq khoi cađac Chuaq Boc Plình da wì haq, Haq ma khoi 'ràng boc yaq wì haq loh khoi enh gùng Aicàp. Manàiq wì haq lam tiaq 'bài can kiac, cùh waiq wa patìh ca 'bài can kiac aih, ma jah Chuaq khoi am bìac ranàc cô trùh ta wì haq.’ ”

1 'Bài Bùa 9:9 Iomraidhean Croise

1 'Bài Bùa 18:18

Êli tèu: “Ùh xài au broq manhài ca jàn Is-ra-ên, mahaq cla ìh wa mangai da hnem baq ìh, ma jah 'màng aih ìh wa baq ìh khoi cađac bàu thê da Chuaq hi lam tiaq 'bài kiac Ba-an.

2 'Bài Bùa 22:17

Ma jah 'màng aih, taiq wì haq khoi cađac Au đòiq cùh waiq 'bài can kiac. Wì haq broq loh 'bài dua 'mù khoi èh cùh waiq đòiq Au nòih. 'Màng aih can nòih da Au khoi patep đòiq hi tajraq hlài ca nòi cô, èh can nòih aih ùh jò leq pat.’

2 'Nhòng Bùa 29:8

Taiq 'màng aih can nòih da Chuaq ùc ta Juđa wa Jê-ru-sa-lem. Haq 'mùt wì mùt ta can yùq crè, bìac hidròt wa bìac jù lê, tìah troi mat pì khoi hnoq.

2 'Nhòng Bùa 7:22

Wì tèu: ‘Taiq wì haq cađac Chuaq Boc Plình da Boc yaq wì haq, aih Yiang khoi dèch wì haq claih enh Diac Aicàp. Wì haq lam tiaq 'bài can kiac, cùh waiq wa patìh wì. Taiq 'màng aih Chuaq 'noh bìac ranàc cô trùh ca wì haq.’ ”

Jê-rê-mi 2:19

Cô bàu Chuaq doi: “Tôiq ngang dù ìh jah baxa cla ìh, bìac manoh talùi da ìh jah lech ca ìh. Ep 'nì loq ma ro rang jò ìh i manoh cađac Chuaq, Boc Plình da ìh, wa ùh i manoh loq yùq crè ca Haq, aih bìac dìq jaq 'mèq wa ranàc ca ìh!”

Jê-rê-mi 22:8

“I jàn enh bàc Diac lam cwa haten ca phôq cô, bòch dabau: ‘Gleq Chuaq khoi broq ca phôq càn cô 'màng cô?’

Jê-rê-mi 44:23

Aih taiq pì khoi bùh nhŏng wa khoi broq tôiq tajraq hlài ca Chuaq, taiq pì ùh iu bàu Chuaq, wa ùh rìh tiaq ranenh, bàu thê, wa bìac hnài da Haq, taiq 'màng aih, can ranàc cô khoi trùh ta pì troi hì cô.”

Jê-rê-mi 5:19

Jò wì bòch: ‘Gleq Chuaq, Boc Plình nhèn, ma am bìac ranàc trùh ca nhèn?’ Ìh doi: ‘Taiq pì khoi cađac Au đòiq cùh waiq 'bài can kiac ta gùng pì 'màng leq, 'màng aih èh pì hadai patìh mangai ta gùng 'noiq, aih ùh xài gùng pì.’

Jê-rê-mi 50:7

Cabô glàm wì haq xôq lŏn wì haq, wa 'bài mangai tagit ca wì haq doi: ‘Bèn ùh pòq tôiq, mahaq wì haq khoi broq tôiq tajraq hlài ca Chuaq, aih Chuaq bìac ngèh gòm da boc yaq wì haq.’

Bàu Ha-on 2:15

Dìq ca mangai lam trong tep tì, ngu ngìu gàu wa hanip Jê-ru-sa-lem, rai doi: “Cô joq phôq wì ma doi dìq jaq lem wa tôm gêh, aih nòi jah broq lem bùi da crŏng taneh 'mòh?”

Ranenh Achìh Hlài 29:23

Ta dìq ca đùng taneh i dahwèq ngèq wa boh, nòi loq cheo, ùh i ca adrech rai, ùh i ca ngè tamìt leq, ùh i ca mòiq hadrang nhat leq hon, tìah ca bìac raliang đac da Sôđôm wa Gô-mô-ra, Atma wa Xê-bô-im 'bìq Chuaq jêh palùch đac dŏng jò Haq nòih.