1 'Bài Bùa 9:7 - Sech Hadròih

⁷ èh Au hnan đac jàn Is-ra-ên loh khoi enh gùng Au ma khoi hnhu am ca wì haq, khoi ca aih Au raliang cađac Hnem Cùh Waiq cô, aih hnem Au ma khoi đòiq crài loh hadròih ca hiniq Au, èh jàn Is-ra-ên jah i nà đòiq hi halê pagôq waq ca jah do ŏi ta'ne dìq jàn 'noiq.

1 'Bài Bùa 9:7 Iomraidhean Croise

1 'Bài Bùa 11:10

wa khoi thê bùa: Apaq cùh waiq 'bài can kiac. Mahaq bùa ùh iu tiaq bàu thê aih da Chuaq.

1 'Bài Bùa 9:3

Chuaq doi ca Sa-lô-môn: “Au khoi tàng bàu waiq khàn wa bàu dang xìn da ìh, aih bàu ìh khoi dang xìn enh ngìa ca Au. Au khoi broq crài hadròih Hnem Cùh Waiq ìh ma khoi broq, đòiq ca hiniq Au jah ŏi ta aih hloi hloi, èh mat wa manoh Au hadai ŏi yôt ta aih.

2 'Bài Bùa 25:21

Èh bùa Ba-bi-lôn thê jêh đac wì haq ta Riplah gùng Hamat. 'Màng aih jàn Juđa 'bìq 'nong lam khoi dèh ca Diac.

2 'Bài Bùa 25:9

Haq bùh đac hnem cùh waiq da Chuaq, bùh hnem da bùa, xam hnem 'bài gu craq wa dìq ca hnem ma ŏi ta phôq Jê-ru-sa-lem.

2 'Nhòng Bùa 36:19

Lình Ba-bi-lôn bùh hnem cùh waiq Boc Plình, broq tacro ca panàt phôq Jê-ru-sa-lem, yŏc ùnh bùh 'bài hnem bùa, wa raliang đac 'bài ranac ma lem da hnem aih.

2 'Nhòng Bùa 7:20

èh Au bùiq pì loh khoi enh taneh Au khoi am ca pì. Au cađac Hnem Cùh Waiq cô enh ngìa ca Au, aih hnem Au khoi ràih wìa hadròih ca hiniq Au. Au jah broq hnem cùh waiq aih wìa bìac halê wa bàu jù lê ŏi ta'ne dìq ca jàn.

'Bŏi Calêu Plình 44:14

Chuaq broq ca nhèn wìa bàu tìang 'mèq ŏi ta'ne wì mangai Diac 'noiq, wì ngan nhèn èh do wa ngu ngìu gàu.

'Bŏi Calêu Plình 44:15

Xèq ca hì bìac camaih ŏi enh ngìa ca au, hadrò au bình halùih bìac camaih;

'Bŏi Calêu Plình 69:11

Jò au caxùnh eo bai briang ha-on, au jah wìa mangai broq do ca wì haq.

Êsai 65:15

Hiniq pì jah don hlài đòiq 'bài mangai jah ràih da Au broq bàu hanip; Chuaq jah jêh đac ìh, mahaq Haq jah creo dèh ca 'bài hapŏng xam mòiq toq hiniq 'noiq.

Jê-rê-mi 24:9

Au phùq wì haq đòiq 'bìq hwenh lam hwenh hlài ta rìm Diac ta crŏng taneh am ca wì haq xalep, 'bìq hanip, 'bìq camaih, 'bìq halê, ta rìm gùng Au drùh wì haq lam trùh.

Jê-rê-mi 25:9

Cô, Au thê dìq ca mangai nòi pah 'ngeo ca mat mahì loh wa hapŏng Au, aih Nê-bu-cat-nêt-xa, bùa Ba-bi-lôn, lam trùh ta'blêq ca gùng cô, ta'blêq ca jàn ta gùng cô, wa ca 'bài Diac ŏi dudan ca haq. Au jêh đac wì haq dìq dŏng, broq ca wì haq loh hidròt, ngè đòiq ca wì do lê, loh ca wang wê hloi hloi, Chuaq anoi 'noh 'màng aih.

Jê-rê-mi 26:18

“Mica ŏi Mô-rê-sêt, haq mangai capoch thai Boc Plình 'nhòng Ê-xê-chia, bùa Juđa, i anoi ca jàn Juđa: ‘Chuaq ma wèq dìq ca 'bình plình anoi 'noh 'màng cô: “ ‘Siôn jah 'bìq wì cai 'màng ca taneh đùng tamang, Jê-ru-sa-lem loh ca raliang piang, bôi wang da nòi hnem cùh waiq Chuaq loh ca rôm rim.’

Jê-rê-mi 26:6

'Màng aih Au jah broq ca hnem cô tìah ca Silô, wa broq ca phôq cô wìa bìac hanip ca rìm Diac ta crŏng taneh.’ ”

Jê-rê-mi 44:8

taiq pì broq ca Au nòih xam bìac tì pì broq loh, bùh nhŏng ca 'bài can kiac ta taneh Aicàp, aih nòi pì neo trùh ŏi đò; trùh 'mòi pì to yŏc ca dađeh bìac jêh đac, 'ràng dađeh broq nen waiq hanip wa palèu ta'ne 'bài jàn ta crŏng taneh?

Jê-rê-mi 52:13

Haq thê bùh hnem Chuaq, hnem bùa, wa dìq dŏng hnem ta phôq Jê-ru-sa-lem; hnem càn dìq haq bùh đac.

Bàu Ha-on 1:8

Jê-ru-sa-lem khoi broq bàc tôiq, taiq 'màng aih haq khoi loh ca ramòt. Dìq ca wì ma loq iu haq, manàiq jù lê haq taiq wì haq khoi hnoq can rahòng; cla haq hràng rayoih wa tawìh lam khoi ca aih.

Bàu Ha-on 2:17

Chuaq broq bìac Haq khoi pachì, Haq pagêh dèh Haq khoi anoi calah nèh, Haq hacùp đac ùh toq xìt manoh xa-ŏch, Haq broq ca mangai tagit ca ìh jah lem bùi; Haq broq tadêh tam aki wì haq.

Ê-xê-chi-ên 24:21

Anoi 'noh ca hnem Is-ra-ên beq: ‘Chuaq Boc Plình doi 'màng cô: Cô, Au padon broq amùa hnem cùh waiq Au, aih nòi pì yŏc broq catèh dèh cwìang itai, mat pì enh ngan, manoh pì enh waq; wa 'bài con calô con cadrì pì khoi đòiq hlài, èh jah tacro taiq chang gùm.

Ê-xê-chi-ên 5:15

Ìh jah wìa teo waiq hanip, do lê, pa'yèp wa hidròt ca 'bài Diac ma ŏi dudan ca ìh jò Au pa'noh can nòih, nòih xrông wa bìac hadrah baxa ca gè dìq jaq trap, cô Au Chuaq doi bàu aih.

Ôsê 9:3

Wì haq ùh jah ŏi ta taneh da Chuaq; Ep-ra-im cô èh hi wìh hlài ta Aicàp, caq dahwèq padrùh ta A-si-ri.

Jôên 2:17

'Bài pajàu Chuaq, 'bài mangai patìh bìac Chuaq, khòh hmoi nòi 'mang ngo hnem cùh waiq, wa ti nòi ca'bŏng tadreo, doi: “Ô Chuaq, xìn xa-ŏch ca con jàn Ìh, xìn paq đòiq con jàn Ìh ep camaih, 'bìq 'bài Diac 'noiq wèq cwìang! Gleq ma đòiq 'bài Diac 'noiq doi: ‘Boc Plình wì haq ŏi ta leq?’ ”

Mica 3:12

'Màng aih, taiq pì, Siôn 'bìq cai tìah ca wì cai taneh; Jê-ru-sa-lem loh ca hech hoch! Ta nòi wang da hnem cùh waiq jah plôh drudrèn!

Mathêu 23:38

Cô èh hnem pì ùh i cabô ŏi.

Mathêu 24:2

Mahaq Chuaq Jêxu doi ca wì: “Pì i hnoq dìq ca bìac 'mat ùh? Joq 'nàng Au doi ca pì, ùh jah i mòiq toq hmu leq ŏi raxon enh 'nhèq ca hmu 'noiq, ma ùh taclìh dŏng.”

Luca 21:24

'Nah ngai cachìt ca chang gùm, 'nah ngai wì rùp 'ràng ŏi tù ta 'bài Diac 'noiq. Phôq Jê-ru-sa-lem èh 'bìq jàn 'noiq jôiq, trùh jò 'nhòng da mangai jàn 'noiq khoi gêh ca wèq cwìang.

Ranenh Achìh Hlài 28:37

Nòi leq Chuaq ma hnan pì trùh, pì jah wìa bìac hidròt, jù lê wa do racaih, jò wì hnoq can xa ca pì.

Ranenh Achìh Hlài 4:26

èh hì cô au waiq creo plình wa taneh ngan hnoq au khoi pa'yèp pì: Tàng pì ŏi broq tôiq taleoq ca Chuaq aih pì joq 'nàng renh cachìt wa hnhung đac khoi ca gùng pì ma padon lam nhàn yŏc ŏi pah tau cròng diac Jôđan. Pì ùh jah ŏi ta aih dùnh, mahaq phai 'bìq jêh đac dìq.

Jôsuê 23:16

Tàng pì blàq bìac wêh jao da Chuaq Boc Plình da pì khoi thê, èh cađac bìac cùh waiq Haq, hi khoi pì lam cùh waiq 'bài can kiac, èh can nòih da Haq jah plôh loh ta'blêq ca pì, jêh đac pì loh khoi enh taneh gùng lem jìang Haq khoi hnhu am ca pì.”

1 Sa-mu-ên 15:11

“Au dìq jaq rawòi taiq khoi dèch Saulò tŏc broq bùa, ma jah 'màng aih haq khoi tawìh ùh tiaq Au, ùh broq tiaq bàu thê da Au.” Bìac cô broq ca Sa-mu-ên mango ta manoh dìq jaq, haq creo dang ca Chuaq 'ngah mang aih.