1 'Bài Bùa 8:57 - Sech Hadròih

⁵⁷ Waiq xìn Chuaq Boc Plình da bèn ŏi ti bèn, tìah ca Haq ma khoi ŏi ti boc yaq bèn. Waiq xìn Haq ùh hangai ca bèn, hadai ùh cađac bèn.

1 'Bài Bùa 8:57 Iomraidhean Croise

1 'Nhòng Bùa 28:9

“Mahaq ca Sa-lô-môn, ôi con calô da au, con ep 'nì loq ca Boc Plình da baq, phai dìq ca manoh wa dìq ca manoh ngèh enh ma patìh ca Haq, ma jah 'màng aih Chuaq ngan hnoq ta manoh wa loq rìm hiniq ta manoh hèm da rìm ngai. Tàng con chaq Haq, èh jah hnoq Haq, mahaq tàng con cađac Haq, Haq jah cađac con hloi hloi.

'Bŏi Calêu Plình 46:11

Chuaq ma wèq dìq ca 'bình plình, Haq ŏi ti bèn; Boc Plình da Jacôp aih đôn hanình da bèn.

'Bŏi Calêu Plình 46:7

Chuaq ma wèq dìq ca 'bình plình, Haq ŏi ti bèn; Boc Plình da Jacôp aih đôn hanình da bèn.

Êsai 41:10

Apaq crè, i Au ŏi ti ìh; paq hlè lèt, taiq Au Boc Plình ìh. Au am tam padren ca ìh, Au joq 'nàng jùp đò ìh, Au joq 'nàng hnhè tì pah 'ma ta-atoq dèch ìh.

Êsai 8:10

Adràc dabau hatình trong beq, mahaq ùh jah gêh; capoch 'noh trong beq, mahaq bàu aih ùh jah cajap, ma jah 'màng aih Boc Plình ŏi ti nhèn.

Mathêu 1:23

“Cô èh, i mòiq ngai gu adrùh xriu ŏi jiang, xa-ông mòiq toq Con Calô.” Khoi èh wì hiniq ca Con Calô aih hiniq: “Em-ma-nu-ên, aih Boc Plình ŏi ti bèn.”

Mathêu 28:20

wa anoi hnài wì wèq dìq rìm bìac Au khoi hnài pì. Au ŏi hloi ti pì enh cô trùh hì atìq lùch.”

Rôma 8:31

'Màng aih èh bèn phai anoi 'màng leq? Tàng Boc Plình ŏi ti bèn, èh ŏi i cabô nui tajraq ca bèn?

Ranenh Achìh Hlài 31:17

Jò aih, can nòih Au jah plôh tŏc ta wì haq. Au cađac wì haq. Au cadoc dèh hadrò, broq wì haq jah wìa hanùm ca tamoi 'noiq broq wì haq 'bìq lŏn hnhung đac, èh bàc bìac hinìq ranàc wa mango jah glàm mùt ta wì haq. Jò aih wì jah doi: ‘I joq taiq Boc Plình pi ŏi ta'ne nhèn, dài 'bài hinìq ranàc cô ma jah glàm mùt ta nhèn 'mòh!’

Ranenh Achìh Hlài 31:6

Dràng cajap wa tanuq manoh beq. Apaq crè cleq, apaq ramòt jang ngìa wì aih, ma jah 'màng aih Chuaq Boc Plình pì lam ti pì. Haq ùh hangai ca pì wa ùh jò leq cađac pì.”

Ranenh Achìh Hlài 31:8

Chuaq raq jah lam adroi ca pì. Haq jah ŏi ti ìh, ùh hangai ca ìh. Apaq crè wa apaq ramòt.”

Hêbru 13:5

Apaq i manoh loq ham ca 'bac jèn, mahaq khòh i manoh lem bùi dìq ca hiniq ma 'nang i, ma jah 'màng aih, Boc Plình khoi doi: “Au ùh jò leq hangai ca ìh. Au ùh jò leq cađac ìh!”

Jôsuê 1:5

Lùch ca 'nhòng ìh, ùh i ca mangai leq ma nui yòng tajraq hlài ca ìh. Au khoi ŏi ti Môise 'màng leq, Au hadai ŏi ti ìh 'màng aih. Au ùh jò leq hangai ca ìh loq cađac ìh.

Jôsuê 1:9

Au ma ùh khoi thê ìh 'mòh? Cajap manoh wa tanuq oq! Apaq yùq crè wa hadai apaq hŏnh ta manoh, ma jah 'màng aih Chuaq Boc Plình ŏi ti ìh rìm nòi ìh ma lam.”

Jôsuê 24:23

Jôsuê doi tam: “Manàiq cađac dŏng dìq can kiac pì ma 'nang cùh waiq 'mat beq, hi khoi dìq dèh ca manoh cùh waiq Chuaq, Boc Plình da jàn Is-ra-ên.”

1 Sa-mu-ên 12:22

Boc Plình ùh cađac dèh jàn, taiq hiniq càn caiq da Haq, wa Chuaq hadai lem bùi jò dèch pì broq jàn da Haq.