1 'Bài Bùa 8:39 - Sech Hadròih

³⁹ èh enh plình, nòi Ìh ma 'nang ŏi, xìn Ìh tamàng wa baxŏng tôiq wì haq, èh ca'naih hlài da wì haq bìac broq hi mac ca wì haq ma khoi broq, tiaq Ìh ma khoi loq ŏi ta manoh wì haq. Ma jah 'màng aih, toq Ìh raq ma loq ro rìm bìac ta rìm manoh cliac con mangai,

1 'Bài Bùa 8:39 Iomraidhean Croise

1 'Bài Bùa 8:32

èh enh plình xìn Ìh tamàng bàu, hadrah da 'bài hapŏng Ìh, khoi èh baxa 'bài mangai ma i tôiq, mahaq ca'naih mangai ta-atoq ma ùh i ca tôiq.

1 'Bài Bùa 8:36

èh enh plình xìn Ìh tamàng bàu, xìn Ìh baxŏng tôiq da 'bài hapŏng Ìh, aih Is-ra-ên jàn da Ìh. Waiq xìn Ìh hnài wì haq lam trong ma troq, aih trong wì haq ma ep lam, èh 'noh mè ta gùng Ìh ma khoi hnhu am ca con jàn Ìh broq xôxech.

1 'Bài Bùa 8:38

tàng i mangai leq, loq dìq ca jàn Is-ra-ên dìq ca manoh canao loq dèh ca bìac jìq xa dađeh, khoi èh dèch tì 'nah ta Hnem Cùh Waiq cô, waiq khàn dang xìn,

1 'Bài Bùa 8:40

waq ca wì loq yùq crè ca Ìh lùch ca 'nhòng wì haq, èh rìh ta gùng Ìh ma khoi hnhu am ca boc yaq wì haq.

1 'Nhòng Bùa 28:9

“Mahaq ca Sa-lô-môn, ôi con calô da au, con ep 'nì loq ca Boc Plình da baq, phai dìq ca manoh wa dìq ca manoh ngèh enh ma patìh ca Haq, ma jah 'màng aih Chuaq ngan hnoq ta manoh wa loq rìm hiniq ta manoh hèm da rìm ngai. Tàng con chaq Haq, èh jah hnoq Haq, mahaq tàng con cađac Haq, Haq jah cađac con hloi hloi.

2 'Nhòng Bùa 6:30

xìn Chuaq ŏi ta plình, nòi Ìh ŏi, tamàng bàu, èh baxŏng tôiq wa baha loq baxa ca rìm ngai tiaq dèh bìac wì haq khoi broq, ma jah 'màng aih Chuaq loq ca manoh wì haq, joq toq Chuaq raq loq ca manoh con mangai.

'Bŏi Calêu Plình 130:4

Mahaq Chuaq bùi manoh baxŏng tôiq đòiq wì crè yùq ca Ìh.

'Bŏi Calêu Plình 139:1

Ôi Chuaq, Ìh khoi ngan hlài au, canao loq ca au.

'Bŏi Calêu Plình 28:4

Xìn ca'naih hlài da wì haq tiaq bìac broq wa bìac ngang dù da wì haq; ca'naih hlài da wì haq tiaq bìac tì wì haq khoi broq, èh 'ràng hlài ca wì haq bìac baxa tajì ca wì khoi broq.

'Bŏi Calêu Plình 33:14

Enh nòi Haq ŏi, Haq jah ngan wèq dìq ca con mangai crŏng taneh.

Jê-rê-mi 17:10

“Au cô Chuaq ti ha'mrìh đòiq ngan, manoh hèm da con mangai, èh am ca rìm ngai, tiaq bìac broq da haq broq.”

Jê-rê-mi 32:19

Trong tình wa bìac broq da Ìh càn caiq; mat Ìh ngan hnoq dìq dŏng rìm trong broq da con mangai, đòiq am ca tang ngai tiaq troi trong wì haq broq, wa plì lem da bìac broq.

Ê-xê-chi-ên 18:30

“ 'Màng aih Ô hnem Is-ra-ên Au hadrah ìh, Au jah hadrah pì tiaq dèh bìac broq da tang ngai. Canao loq dèh ca tôiq lôi beq, paq blàq blènh hòm, paq broq tôiq hòm đòiq tôiq ùh wìa bìac catŏih cro da pì.

Bàu Lem tiaq Jon Achìh Bìac Chuaq Jêxu Broq Wa Hnài 21:17

Yàng piq, Haq doi ca Simôn hòm: “Simôn con Jon, manoh ìh loq waq ca Au ùh?” Pêtrô loh ca mango jò haq tàng Chuaq bòch khoi piq yàng: “Manoh ìh loq waq ca Au ùh?” Pêtrô doi ca Haq: “Waiq Chuaq, Ìh loq dìq dŏng rìm bìac. Chuaq loq ca manoh au loq waq ca Ìh.” Chuaq Jêxu doi ca haq: “Ìh phai am dahwèq caq ca trìu Au.

Bìac Yiang Hadròih 1:24

hi khoi wì waiq khàn doi: “Waiq Chuaq, Ìh loq dìq ca manoh mangai. Xìn Ìh am ca nhèn loq wa baiq ngai cô, mangai leq Ìh ma khoi ràih,

Jôsuê 22:22

“Chuaq Boc Plình i cwìang itai loq ro bìac aih, Is-ra-ên hadai loq ro! Tàng cô mòiq bìac enh blàq, loq ùh wèq dèh bàu ca Chuaq, èh xìn Haq apaq đòiq nhèn rìh.

Bìac Mahno 2:23

Au jah jêh cađac con caiq haq. Rìm Tagop Hadròih jah loq, Au ngan hnoq manoh cliac rìm ngai, èh Au ca'naih hlài ca rìm tang ngai hi mac ca bìac wì haq khoi broq.

Bìac Mahno 22:12

“Ngan cô, Au renh trùh, 'ràng bìac baha lam tiaq đòiq am ca rìm ngai, tiaq dèh bìac broq da wì haq.

1 Sa-mu-ên 16:7

Mahaq Chuaq doi ca Sa-mu-ên: “Apaq ngan hnoq hadrò wa chac hamac càn caiq da haq. Au ùh ràih haq, ma jah 'màng aih Chuaq ùh ngan mangai troi con mangai. Con mangai ngan hnoq enh gùng, mahaq Chuaq ngan hnoq enh dalam.”

1 Sa-mu-ên 2:3

“Hêq, apaq capoch bàu catèh, paq đòiq bàu rataoq loh hòm enh hacùng pì, taiq Chuaq, Haq Boc Plình loq dŏng rìm bìac. Haq ngan hadrah rìm bìac broq da con mangai.