1 'Bài Bùa 8:23 - Sech Hadròih

²³ waiq khàn doi: “Waiq Chuaq Boc Plình da Is-ra-ên, ùh i ca Yiang leq ma tìah ca Ìh ŏi ta plình ha'nhèq loq ŏi ta taneh ha'neq cô. Ìh wèq wêh jao, khoi èh mahno can xa-ŏch xam manoh loq waq dèh ca 'bài hapŏng Ìh, aih 'bài mangai cadiang lam dìq dèh ca manoh enh ngìa ca Ìh.

1 'Bài Bùa 8:23 Iomraidhean Croise

Bìac Baxèm 17:1

Jò Apram jah 99 hanam, Chuaq mahno loh ca haq, doi: “Au cô Boc Plình I Cwìang Itai Dìq Dŏng. Enh ngìa Au, ìh phai caq ŏi rìh dìq jaq xriu hadròih beq.

Bìac Baxèm 33:20

Ta nòi aih, haq broq mòiq toq ca'bŏng tadreo, hiniq aih Boc Plình da Is-ra-ên.

2 Sa-mu-ên 7:22

“Ô Chuaq, Ìh Boc Plình da au! Ìh Boc Plình ma enh 'nhèq dìq dŏng. Ùh i ca cabô tìah troi Ìh, wa ùh i ca Boc Plình 'noiq crài ca Ìh, tiaq don nhèn khoi lah tàng.

1 'Bài Bùa 2:4

'Màng aih Chuaq jah broq xìt dèh ca bàu hùaq Haq ma khoi rùp bàu ca au, Haq doi: ‘Tàng ìh, xau ìh, wèq dađeh enh ngìa ca Au, wa dìq ca manoh, dìq ca mahua yiang, cadiang lam tiaq bàu joq 'nàng enh ngìa ca Au, èh ìh ùh hìaq ep lo ùh i ca mangai thai ìh ha'ngui ta gèq bùa wèq cwìang jàn Is-ra-ên.’

1 'Bài Bùa 3:6

Sa-lô-môn padreo hlài bàu doi: “Ìh khoi i can xa-ŏch xam manoh loq waq ca hapŏng Ìh Đawit, baq au, ma jah 'màng aih baq au khoi dìq dèh ca manoh cadiang lam lem jang wa ta-atoq enh ngìa ca Ìh. Ìh xôq đòiq can xa-ŏch xam manoh loq waq càn caiq aih ca baq au, am ca baq au mòiq toq con calô đòiq ha'ngui ta gèq bùa da baq au trùh manàiq.

1 'Bài Bùa 6:12

“Hnem Cùh Waiq ìh ma 'nang broq cô, tàng ìh lam tiaq rìm 'bài ranenh da Au, iu tiaq trong broq troq da Au, wa dì tiaq rìm bàu thê da Au, èh Au jah broq gêh bàu Au ma khoi hùaq ca Đawit, baq ìh, ta 'nhòng rìh da ìh.

1 'Bài Bùa 8:24

Ìh khoi wèq dèh bàu wêh jao Ìh doi ca hapŏng Ìh, Đawit, baq au. Bàu cla Ìh ma khoi hùaq, aih raq Ìh khoi broq xìt hì cô.

2 'Bài Bùa 20:3

“Waiq Chuaq, xìn hmàng trùh ca au. Au khoi dìq manoh ca Chuaq, èh broq bìac lem jang enh ngìa ca Ìh.” Hi khoi Ê-xê-chia hmoi ua-ac.

Êxra 1:3

Ta pì, mangai leq da jàn Haq, xìn Boc Plình da mangai aih ŏi ti haq! Haq phai wìh hlài ta Jê-ru-sa-lem gùng Juđa beq, đòiq broq hlài hnem cùh waiq Chuaq. Haq Boc Plình da Is-ra-ên.

Nê-hê-mi 1:5

Au doi: “Waiq Chuaq Boc Plình ma dìq jaq ha'nhèq, Boc Plình i cwìang càn caiq. Ìh wèq bàu wêh jao wa i can xa-ŏch xam manoh loq waq ca mangai leq loq waq ca Ìh wa loq wèq tiaq bàu thê da Ìh!

Nê-hê-mi 9:32

“ 'Màng aih manàiq cô, ôi Boc Plình da nhèn! Ìh Boc Plình càn, itai dìq jaq wa đang ca crè. Ìh wèq hloi wêh jao wa can xa-ŏch xam manoh loq waq. Xìn apaq ngan 'yoh dìq ca bìac nan xa khoi ùc ca nhèn, ca 'bài bùa wa cwan nhèn, ca 'bài pajàu, wa 'bài mangai capoch thai Boc Plình nhèn, ca boc yaq nhèn, wa dìq ca mangai jàn da Chuaq ŏi jang ngìa Ìh, enh 'nhòng bùa A-si-ri trùh hì cô, loh tìah ca 'ngwan enh ngìa ca Ìh.

'Bŏi Calêu Plình 113:5

Cabô nui dàng Chuaq, Haq Boc Plình da bèn, Chuaq ma ha'ngui ta gèq wèq enh 'nhèq.

'Bŏi Calêu Plình 35:10

Dìq ca caxènh au jah doi: “Chuaq ôi, cabô jah tìah ca Ìh, Chuaq ma dèch mangai ìuq hamoq claih enh mangai dêh padren, Chuaq ma dèch mangai pa nan claih ca mangai loq tacaq ca haq?”

'Bŏi Calêu Plình 86:8

Chuaq ôi! ùh i ca yiang leq tìah ca Ìh; hadai ùh i ca bìac broq leq tìah ca bìac broq da Ìh.

Loh Enh Aicàp 15:11

Ôi Chuaq, ta'ne dìq ca 'bài yiang, ma leq tìah ca Ìh? Ta bìac hliang hadròih, cabô jah 'ngah ngai troi Ìh, đang ca crè, đang ca manè, broq bàc teo halac?

Loh Enh Aicàp 3:15

Boc Plình doi hòm ca Môise: “Ìh jah anoi ca jàn Is-ra-ên 'màng cô: ‘Chuaq, Boc Plình da boc yaq pì, Boc Plình da Ap-ra-ham, Boc Plình da Isac, Boc Plình da Jacôp, thê au trùh ti pì.’ “Aih hiniq hloi hloi da Au đòiq hmàng hloi ca au cwa dìq ca 'nhòng.

Êsai 40:18

Pì alìah Boc Plình tìah ca cabô? Yŏc dua 'mù leq achùa ca Haq?

Êsai 40:25

Chuaq hadròih doi: “Pì achùa Au wa cabô? Cabô ma dàng Au?”

Jê-rê-mi 10:16

Mahaq phàn xôxech da Jacôp ùh xài 'màng aih, ma jah 'màng aih Boc Plình raq ma khoi broq loh rìm ngè bìac, Is-ra-ên aih hadròng hadrech da xôxech Haq, hiniq Haq aih Chuaq ma wèq dìq ca 'bình plình.

Jê-rê-mi 10:6

Waiq Chuaq, joq 'nàng ùh i cabô dàng Ìh, Ìh joq càn caiq, Ìh joq 'nàng i cwìang itai; hiniq Ìh enh 'nhèq dŏng dìq.

Đa-ni-ên 9:4

'Màng aih, au waiq dang Chuaq Boc Plình, au pa'noh dèh tôiq enh ngìa ca Haq doi: “Waiq Boc Plình ma enh 'nhèq dìq dŏng wa đang ca yùq crè! Ìh wèq bàu wêh jao wa can loq waq am ca mangai leq loq waq ca Ìh wa wèq ranenh Ìh.

Luca 1:72

Haq pa'noh manoh xa-ŏch trùh ti boc yaq bèn, hmàng hlài bàu wêh jao hadròih,

Ranenh Achìh Hlài 7:12

Tàng pì tamàng, wèq wa broq tiaq 'bài ranenh cô, èh Chuaq Boc Plình pì wèq bàu wêh jao wa can xa-ŏch xam manoh loq waq Haq ma khoi pachac am ca boc yaq pì.

Ranenh Achìh Hlài 7:9

'Màng aih pì phai loq: Chuaq Boc Plình pì, Haq Boc Plình wèq dèh bàu, wèq bìac wêh jao wa can xa-ŏch xam manoh loq waq trùh bình ngŏng 'nhòng ca mangai leq loq waq wa wèq bàu thê da Haq;

1 Sa-mu-ên 2:2

“Ùh i ca cabô hadròih tìah ca Chuaq; Joq 'nàng ùh i ca Chuaq leq enh gùng ca Ìh! Ùh i ca Cato Hmu leq tìah ca Chuaq da bèn.