1 'Bài Bùa 7:21 - Sech Hadròih

²¹ Hi khoi haq pa'nàng baiq toq jrang aih nòi hawài da Hnem Cùh Waiq. Haq pa'nàng mòiq pah 'ngeo ca mat mahì loh wa mòiq toq pah 'ma ca mat mahì loh. Jrang pah 'ngeo ca mat mahì mat haq hiniq Jakin, jrang pah 'ma ca mat mahì loh haq hiniq Bô-ach.

1 'Bài Bùa 7:21 Iomraidhean Croise

2 Sa-mu-ên 7:12

Jò 'bài hì ìh rìh khoi dìq, ìh cùi padài ti boc yaq ìh, Au jah yŏc xinoi ìh tŏc wèq cwìang thai ìh, aih xinoi xa-ông enh ìh, èh Au broq ca taneh Diac haq jah hagao hagình.

1 'Bài Bùa 6:3

Hawài enh ngìa da Hnem Cùh Waiq dàng wàu dang yôh da-adàng ca Hnem Cùh Waiq, aih 20 hagat; enh Hnem Cùh Waiq, hawài loh enh ngìa 10 hagat.

1 'Bài Bùa 7:12

Panàt da xàn ma càn pôn pah i piq lòp hmu wa mòiq trong long pang enh 'nhèq xam long hùang nam, tìah ca xàn enh trom Hnem Cùh Waiq da Chuaq wa hawài da Hnem Cùh Waiq.

1 'Bài Bùa 7:22

Rìm gàu jrang i 'mù riang tacreo. 'Màng aih bìac broq baiq toq jrang aih jah gêh.

2 'Nhòng Bùa 3:17

Bùa dèch baiq toq jrang aih enh ngìa hnem cùh waiq, mòiq toq pah 'ngeo, mòiq toq pah 'ma; jrang pah 'ma jah hiniq Jakin, pah 'ngeo jah hiniq Bô-ach.

2 'Nhòng Bùa 4:13

atua 400 toq plì ôi rôm jang baiq toq hlàm; mòiq toq hlàm atua baiq brong, đòiq padì ca baiq toq gàu jrang.

Êsai 45:24

Mangai crŏng taneh jah anoi doi: ‘Ŏi ta Chuaq men i can ta-atoq wa padren dêh.’ ” Mangai crŏng taneh jah trùh ta Haq; 'bài mangai ma nòih ca Haq dìq jah camaih.

Êsai 9:7

Cwìang wèq wa can catèm da Haq bàc tam ùh hêq, ta gèq bùa Đawit wa 'bài diac haq, đòiq broq ca taneh diac cajap, wa broq loh ta bìac ta-atoq, pàng manàiq trùh hloi hloi. Manoh dêh nhang da Chuaq ma wèq dìq ca 'bình plình jah broq gêh bìac aih!

Mathêu 16:18

Au hadai doi ca ìh: Ìh Pêtrô. Au jah broq Tagop Hadròih Au enh crŏng hmu cô, èh 'bài 'mang da Cwìang Ngang Dù ùh jah 'blêq Tagop Hadròih aih.

Ga-la-ti 2:9

Canao loq bìac am dech da Boc Plình khoi am ca au, èh Jacò, Pêtrô wa Jon, aih wì jah padèch doi tìah ca jrang càn da Tagop Hadròih, khoi rùp cajap tì au wa 'Ba-na-ba, waq ca ma lam trùh anoi hnài bàu Chuaq ca mangai jàn 'noiq, phàn wì haq èh lam anoi ca 'bài mangai chìuq cat akia.

Bìac Mahno 3:12

Mangai leq ma ta'blêq, Au broq haq tìah ca long jrang ŏi ta hnem cùh waiq Boc Plình Au, haq ùh loh enh gùng hòm. Au jah achìh hiniq Boc Plình Au ŏi ta haq, wa hiniq phôq Boc Plình Au, aih Jê-ru-sa-lem ma neo loh enh plình. Au hadai achìh hiniq neo Au ta haq.

Rut 2:19

Miq ŏng haq doi: “Hì cô pình tŏch 'mau ta leq? Pình abroq ta leq? Xôq ramŏt am ca mangai ma nhàn pình abroq!” Haq anoi dèh ca miq ŏng loq haq abroq nòi cadraq leq? Haq doi: “Cla cadraq au ma broq hì cô, hiniq haq Bô-ô.”

Rut 4:21

Sanmôn xa-ông ca Bô-ô, Bô-ô xa-ông ca Ôbêt.