1 'Bài Bùa 6:13 - Sech Hadròih

¹³ Au jah ŏi ta'ne jàn Is-ra-ên, Au ùh cađac jàn Is-ra-ên, jàn Au.”

1 'Bài Bùa 6:13 Iomraidhean Croise

1 'Bài Bùa 8:27

“Mahaq Boc Plình i ŏi ta taneh cô ùh? Plình wa dìq ca 'bài plình xôq 'nhòq jah padràng Ìh ŏi, ùh dùh dèh ca hnem au ma broq ca Ìh cô.

1 'Nhòng Bùa 28:20

Bùa Đawit doi ca Sa-lô-môn: “Cajap manoh wa dêh padren đòiq hi broq oq, apaq crè yùq wa hŏnh manoh, ma jah 'màng aih Chuaq Boc Plình da au jah ŏi ti con. Haq ùh hèt broq bìac lem ca ìh, hadai ùh cađac ìh trùh jò ìh broq gêh rìm bìac da Hnem Cùh Waiq Haq.

1 'Nhòng Bùa 28:9

“Mahaq ca Sa-lô-môn, ôi con calô da au, con ep 'nì loq ca Boc Plình da baq, phai dìq ca manoh wa dìq ca manoh ngèh enh ma patìh ca Haq, ma jah 'màng aih Chuaq ngan hnoq ta manoh wa loq rìm hiniq ta manoh hèm da rìm ngai. Tàng con chaq Haq, èh jah hnoq Haq, mahaq tàng con cađac Haq, Haq jah cađac con hloi hloi.

'Bŏi Calêu Plình 68:18

Ìh khoi tŏc ŏi ta nòi wang ha'nhèq, 'ràng tiaq wì mangai khoi 'bìq rùp; Ìh khoi nhàn yŏc bìac hnhu am enh bàc ngai, xam da mangai ma tajraq hlài ca Ìh, đòiq Chuaq Boc Plình jah ŏi hloi ta aih.

Loh Enh Aicàp 25:8

“Wì haq phai broq ca Au mòiq toq Hnem Traiq Cùh Waiq Hadròih đòiq Au jah ŏi ta'ne wì haq.

Loh Enh Aicàp 29:45

Au jah ŏi ta'ne jàn Is-ra-ên, broq Boc Plình da wì haq.

Êsai 57:15

Chuaq ma jah padèch Haq ŏi nòi yi ha'nhèq dŏng dìq, hiniq Haq Hadròih, doi: “Au ŏi ta nòi ma ha'nhèq wa hadròih, hadai ŏi ti mangai i manoh lem jang wa paha'neq dađeh, đòiq Au ha'naoq da 'bài mangai paha'neq dađeh, wa ha'naoq manoh mangai lem jang.

Lêwi 26:11

Au broq nòi Au ŏi ta 'ne pì, èh manoh Au ùh i jò leq ramòt ca pì loq 'noh đac pì.

2 Cô-rinh-tô 6:16

Hnem cùh waiq Boc Plình wa dua 'mù da kiac dù jah pajùm ti dabau 'mòh? Ma jah 'màng aih bèn hnem cùh waiq da Boc Plình ma rìh hloi, troi Boc Plình khoi doi: “Au jah ŏi enh dalam ca wì haq wa lam hlài ta'ne wì haq. Au jah broq Boc Plình da wì haq, wì haq broq jàn Au.”

Ranenh Achìh Hlài 31:6

Dràng cajap wa tanuq manoh beq. Apaq crè cleq, apaq ramòt jang ngìa wì aih, ma jah 'màng aih Chuaq Boc Plình pì lam ti pì. Haq ùh hangai ca pì wa ùh jò leq cađac pì.”

Ranenh Achìh Hlài 31:8

Chuaq raq jah lam adroi ca pì. Haq jah ŏi ti ìh, ùh hangai ca ìh. Apaq crè wa apaq ramòt.”

Hêbru 13:5

Apaq i manoh loq ham ca 'bac jèn, mahaq khòh i manoh lem bùi dìq ca hiniq ma 'nang i, ma jah 'màng aih, Boc Plình khoi doi: “Au ùh jò leq hangai ca ìh. Au ùh jò leq cađac ìh!”

Jôsuê 1:5

Lùch ca 'nhòng ìh, ùh i ca mangai leq ma nui yòng tajraq hlài ca ìh. Au khoi ŏi ti Môise 'màng leq, Au hadai ŏi ti ìh 'màng aih. Au ùh jò leq hangai ca ìh loq cađac ìh.

Bìac Mahno 21:3

Au tàng bàu dêh enh gèq bùa doi: “Ngan cô, hnem traiq cùh waiq da Boc Plình ŏi ti con mangai. Haq jah rìh ŏi ti wì; wì jah broq jàn Haq; cla Haq ŏi ti wì ma jah 'màng aih Haq Boc Plình da wì.

1 Sa-mu-ên 12:22

Boc Plình ùh cađac dèh jàn, taiq hiniq càn caiq da Haq, wa Chuaq hadai lem bùi jò dèch pì broq jàn da Haq.