1 'Bài Bùa 5:3 - Sech Hadròih

³ “Tìah ca ìh ma khoi loq, bùa Đawit baq au ùh jah broq ca Chuaq Boc Plình da haq mòiq toq Hnem Cùh Waiq, taiq bìac tajêh poh, aih 'bài mangai ma enh ta'blêq ca Haq ŏi dudan pôn pah, trùh hloi jò Boc Plình broq ca 'bài mangai ma enh ta'blêq ca haq ŏi dìq enh 'neq ca jènh haq.

1 'Bài Bùa 5:3 Iomraidhean Croise

1 'Bài Bùa 8:19

Mahaq ìh ùh jah broq hnem aih ca Au, con calô ìh ma loh enh cla ìh, haq jah broq hnem aih đòiq padèch hiniq Au.’

1 'Nhòng Bùa 22:8

Mahaq Chuaq doi ca au: Ìh khoi broq mahem ta-ùc bàc. Khoi tajêh bàc, 'màng aih ìh ùh jah broq Hnem Cùh Waiq ca hiniq Au.

1 'Nhòng Bùa 28:2

Đawit yòng enh ngìa ca wì haq, doi: “Ôi oh daq wa dìq ca jàn tamàng bàu au. Au khoi tình ta manoh jah broq mòiq toq hnem cùh waiq, aih nòi hi đòiq Hom Wêh Jao da Chuaq, wa broq long thòt am ca Boc Plình bèn. Au khoi padon tôm tàu dahwèq đòiq hi broq.

1 'Nhòng Bùa 28:3

Mahaq Boc Plình doi ca au: ‘Ìh ùh jah broq hnem cùh waiq ca hiniq Au, ma jah 'màng aih ìh mangai lình, tì ìh khoi broq mahem ta-ùc bàc.’

2 'Nhòng Bùa 9:4

dahwèq caq ta ca'bŏng bùa, bìac broq da 'bài cwan ma patìh ca bùa, eo cwàn wì haq, 'bài cwan ma dèch am alac, eo cwàn wì haq, 'bài ngè tadreo bùh bùa ma dèch am ta Hnem Cùh Waiq, haq dìq jaq hamàih.

Nê-hê-mi 5:17

Hadai i 150 mangai Yothaiq wa 'bài mangai cwan càn caq pajùm ti au, 'nhòq tình 'bài tamoi ma ŏi dudan ca nhèn.

Nê-hê-mi 5:18

Mòiq hì caq dìq mòiq toq 'bo, tadràu toq trìu lem, xam ia wa chìm, cadan 10 hì i tôm ca hiniq alac ôq bàc. 'Nhac ca 'mang aih, au xôq ùh bòch 'bac da tình trùang, ma jah 'màng aih bìac am thèq broq trap hrìn ca mangai jàn.

'Bŏi Calêu Plình 110:1

Chuaq Boc Plình doi ca Chuaq au: “Ha'ngui pah 'ma Au beq, trùh jò leq Au đòiq mangai ma git ca Ìh enh 'neq ca jènh Ìh.”

'Bŏi Calêu Plình 8:6

Chuaq am ca haq wèq cwìang enh 'nhèq rìm bìac tì cla Chuaq khoi broq loh; Ìh khoi broq rìm bìac ŏi enh 'neq ca haq.

Ma-la-chi 4:3

Pì jah jôiq nunit đac 'bài mangai ngang dù, ma jah 'màng aih ta hì da Au, wì haq tìah ca blo taneh ŏi enh 'neq ca jènh pì,” Chuaq ma wèq dìq ca 'bình plình doi 'màng aih.

1 Cô-rinh-tô 15:25

Ma jah 'màng aih Haq phai wèq cwìang trùh jò leq đòiq mangai ma git ca Haq ŏi enh ca'nàm jènh Haq.

Ê-phê-sô 1:22

Boc Plình khoi rùp rìm ngè bìac đòiq enh 'neq ca jènh Chuaq Jêxu Crich wa am ca Haq broq gàu rìm bìac ta Tagop Hadròih.

Ranenh Achìh Hlài 14:5

jŏi, jìu ragiang, jìu calô, bubi brì, bubi calô, kêh wa trìu wang.

Jôsuê 10:24

Jò wì 'ràng trùh 'bài bùa aih enh ngìa ca Jôsuê, haq tagop dŏng dìq 'bài con calô da jàn Is-ra-ên wa 'noh bàu doi ca 'bài mangai ma broq gàu 'bài lình ma khoi tiaq haq: “Trùh beq, jôiq aranŏng 'bài bùa cô.” 'Màng aih, wì haq trùh haten yŏc jènh jôiq aranŏng 'bài bùa aih.