1 'Bài Bùa 4:20 - Sech Hadròih

²⁰ Jàn Juđa wa Is-ra-ên bàc tìah ca braih diac raxìq. Wì haq caq ôq rai bùi manoh.

1 'Bài Bùa 4:20 Iomraidhean Croise

Bìac Baxèm 13:16

Au jah broq am xinoi ìh bàc tìah ca blo taneh. Tàng mangai leq nui rèn blo ta crŏng taneh, hadai nui rèn xinoi ìh 'màng aih.

Bìac Baxèm 15:5

Khoi ca aih, Chuaq 'nong Apram loh enh gùng hi doi: “Ìh ngoi ngan ta plình. Tàng jah, ìh rèn dìq ca halŏng beq.” Haq doi hòm: “Xinoi ìh hadai jah bàc tìah 'màng aih èh.”

Bìac Baxèm 22:17

jah am xôq ramŏt ca ìh, tam xinoi ìh bàc tìah ca halŏng ta plình, bàc tìah ca braih ta 'bò diac raxìq, wa xinoi ìh jah tablah yŏc 'mang ngo phôq lình ma git ca wì.

Bìac Baxèm 32:12

Taiq Chuaq khoi rùp bàu: ‘Joq 'nàng Au jah broq am xôq ramŏt ca ìh, broq am ca xinoi ìh cràm tìah ca braih diac raxìq, pi nui rèn.’ ”

1 'Bài Bùa 3:8

Hapŏng Ìh cô 'nang ŏi ta'ne jàn Ìh, aih jàn Ìh ma khoi ràih mòiq jàn càn wa cràm dìq jaq, rèn ùh nui dìq.

1 'Bài Bùa 4:29

Boc Plình am bìac khôn rabiaq ca Sa-lô-môn, bìac 'nì loq ha'nhèq xam manoh loq rùng rai da haq tìah ca braih ta 'bò diac raxìq.

1 'Bài Bùa 5:9

'Bài hapŏng au 'ràng 'bài long aih enh Liban èh 'noh ta diac raxìq. Khoi ca aih nhèn broq rakìt 'ràng long aih trùh nòi bùa ma enh, trùh nòi nhèn raliang cađac rakìt, èh bùa yŏc long. Khoi èh phàn da bùa xìn bùa broq tiaq troi bàu au ma enh, aih am dahwèq caq dìq ca hnem da Au.”

2 'Bài Bùa 18:31

“Apaq tàng bàu Ê-xê-chia, mahaq tamàng bàu A-si-ri beq! Ma jah 'màng aih bùa A-si-ri hùaq, doi: Tàng pì hatroq ca au wa broq tiaq bàu au, èh mangai leq yi jah caq plì nho wa plì pŏc ta wia dađeh wa ôq diac adràm cla,

1 'Nhòng Bùa 12:39

Wì haq ŏi ta aih ti Đawit piq hì caq ôq dahwèq cadraq cla khoi padon am ca wì.

1 'Nhòng Bùa 22:9

Mahaq èh i mòiq con calô xa-ông loh am ca ìh. Haq jah catèm wa jah hatroq ca mangai git ca haq. Au am ca haq jah catèm ŏi ta'ne rìm ngai enh tajraq hlài ŏi dudan ca haq. Hiniq haq Sa-lô-môn. Au jah am ca jàn Is-ra-ên catèm lùch ca'nhòng da haq.

Sech Jop 1:18

Mangai cô ŏi raq anoi, èh i mòiq ngai ma 'noiq cadàu trùh anoi: “ 'Bài con calô wa con cadrì ìh 'nang acaq ta hnem daq calô wì haq,

Bàu Rabiaq 14:28

Mangai jàn bàc, aih can 'ngah 'ngai da bùa; mangai jàn 'biaq, aih broq ca mangai wèq cwìang raliang.

Bàu Anoi Hnài 2:24

Ùh bìac cleq lem yi hnao ca mangai aih caq, ôq wa hùang dèh bìac tì cla ma broq loh. Au hnoq bìac cô trùh enh Boc Plình.

Êsai 22:13

Mahaq pì lem bùi pàc 'bo, pàc trìu, caq jam, ôq alac. Pì doi ca dabau: “Caq wa ôq beq, ma jah 'màng aih hì da èh bèn jah cachìt!”

Mica 4:4

Rìm ngai jah ha'ngui dèh ti xèm long nho wa long pŏc cla, pi i ca cabô broq ca wì yùq crè hòm; Chuaq i cwìang itai khoi doi 'màng aih.

Xa-cha-ri 3:10

“Chuaq ma wèq dìq ca 'bình plình doi: ‘Ta hì aih, rìm ngai ta pì dìq jah akhen dèh ca mangai haten thia ha'ngui ti yàp long nho wa long pŏc pì.’ ”

Xa-cha-ri 9:15

Chuaq ma wèq dìq ca 'bình plình jah wèq ban wì haq, wì haq jah caq panàc wa jôiq nunit đac 'bài hmu đòiq penh xam panenh penh hmu; wì haq ôq caq wa broq awàn tìah ca mangai bù, wa jah bình halùih tìah ca doi chê, jah ta-ùc diac tìah ca 'bài mùm ca'bŏng tadreo.

Bìac Yiang Hadròih 2:46

Rìm hì, wì tagop ta Hnem Cùh Waiq, khoi èh enh hnem cô trùh hnem tau wì pajùm ti dabau broq lè caq 'benh hadròih đòiq hmàng bìac cachìt da Chuaq Jêxu, wa caq pua pajùm. Wì haq dìq jaq joq 'nàng lem bùi ti dabau,

1 Sa-mu-ên 30:16

'Màng aih mangai radam aih ajèn Đawit trùh jang nòi wì lình aih đòiq traiq. Lình aih lam jàp jìa ta aih. Wì haq caq ôq, wa nhaiq muaq taiq wì haq khoi jah yŏc dìq jaq bàc cùng hang ta gùng Phi-li-tin wa ta gùng da mangai Juđa.