1 'Bài Bùa 3:28 - Sech Hadròih

²⁸ Jò dìq ca jàn Is-ra-ên tàng bàu bùa doi 'màng aih, wì haq dìq ca jaq iu crè ca bùa, ma jah 'màng aih, wì hnoq bùa i can khôn rabiaq da Boc Plình hadrah ta-atoq.

1 'Bài Bùa 3:28 Iomraidhean Croise

1 'Bài Bùa 10:9

Manè apôi Chuaq, Boc Plình da bùa khoi lem manoh ìh wa dèch ìh ha'ngui ŏi ta gèq bùa da Is-ra-ên! Ma jah 'màng aih Chuaq loq waq ca jàn Is-ra-ên hloi hloi, 'màng aih Haq khoi dèch atŏc ìh đòiq broq bùa wèq cwìang tiaq bìac ta-atoq.”

1 'Bài Bùa 3:27

Jò aih bùa hi doi: “Am con nga ma ŏi rìh cô ca mangai cadrì ma adroi tau beq, apaq jêh haq. Mangai cô raq miq haq.”

1 'Bài Bùa 4:1

Bùa Sa-lô-môn wèq cwìang dìq ca Diac Is-ra-ên.

1 'Nhòng Bùa 29:24

Dìq ca mangai broq gàu, 'bài lình can dêh wa dìq ca con bùa Đawit iu bùa Sa-lô-môn.

Êxra 7:25

Phàn ìh, ôi Êxra, phai yŏc can khôn rabiaq da Boc Plình khoi am ca ìh, ìh phai pachì atŏc mangai broq mangai hadrah wa 'bài mangai rabiaq ca ranenh da Boc Plình ìh, đòiq wì hadrah mangai jàn ŏi ta gùng pah mat mahì mùt ca Cròng Diac; aih wì ma khoi canao loq ranenh da Boc Plình pì; phàn mangai leq ùh 'nì ca ranenh, pì ep hnài wì haq đòiq wì loq.

'Bŏi Calêu Plình 72:2

Đòiq au, bùa jah wèq cwìang jàn da Ìh tiaq trong lem jang wa hadrah mangai pa tiaq trong ta-atoq.

'Bŏi Calêu Plình 72:4

Waiq haq jah wèq wiang pah mangai pa hamoq ta jàn haq, dèch mangai tagah lep wa hnan đac mangai loq padit padiang.

Loh Enh Aicàp 14:31

Jàn Is-ra-ên hnoq bìac Chuaq khoi broq ca mangai Aicàp. Wì haq dìq jaq yùq crè ca Chuaq wa lùi Chuaq wa Môise hapŏng Haq.

Bàu Rabiaq 16:10

Bàu da Chuaq ŏi ti blìa hacùng bùa; hacùng haq ùh khòh hadrah ùh troq jò haq hadrah.

Bàu Rabiaq 24:21

Ô con, crè yùq ca Chuaq wa bùa beq; paq alùh ti mangai blàq blènh;

Bàu Rabiaq 25:2

'Ngah 'ngai da Boc Plình aih cadoc mòiq bìac hlèp, mahaq 'ngah 'ngai da 'bài bùa aih chaq loh mòiq bìac hlèp.

Bàu Rabiaq 8:15

Nhò au, 'bài bùa wèq cwìang, wa 'bài cwan càn 'noh pajaq bìac ta-atoq.

Bàu Anoi Hnài 7:19

Mòiq ngai canòm dèh ca khôn rabiaq broq padren, yi dêh ca 10 ngai wèq cwìang ta phôq.

Êsai 28:6

Haq jah wìa Yiang lem jang ca mangai ha'ngui ti nòi tình hiniq, wa am padren dêh ca 'bài mangai ŏi nòi tajêh poh ca lình wì ti 'mang phôq.

Đa-ni-ên 1:17

Boc Plình am ca pôn ngai gù radam aih jah loq 'nì rìm trong ma hŏc chù wa trong khôn rabiaq. Đa-ni-ên loq tam dìq dŏng ca bìac mahno 'noh wa bìac apô hnoq.

Đa-ni-ên 2:21

Haq tablàq jò wa mùa, cađac wa dèch atŏc 'bài bùa; Haq am khôn rabiaq ca mangai khôn rabiaq wa am bìac 'nì loq ca mangai 'nì loq.

Đa-ni-ên 2:47

Bùa doi ca Đa-ni-ên: “Joq 'nàng Boc Plình da ìh Haq Boc Plình enh 'nhèq dìq ca yiang amòng, Chuaq enh 'nhèq ca 'bài bùa; Haq mahno bìac jrùq hlèp, nhò Haq ìh jah anoi 'noh bìac jrùq hlèp cô.”

Đa-ni-ên 5:11

Ta Diac bùa i mòiq ngai i Yiang da Boc plình ma hadròih ŏi ta haq. Ta 'nhòng baq bùa, wì hnoq mangai cô i can 'ngah, ragài, tìah ca can rabiaq da Boc Plình. 'Màng aih bùa Nê-bu-cat-nêt-xa, baq bùa, khoi yŏc haq broq gàu 'bài mangai amòng broq bìac halac, wa pajàu ngan plình anoi 'noh bìac adroi da mangai Canđê.

1 Cô-rinh-tô 1:24

mahaq da 'bài mangai ma khoi jah ràih, ùh kè mangai Yothaiq loq mangai Hilap, Chuaq Crich Haq cwìang itai wa can khôn rabiaq da Boc Plình.

1 Cô-rinh-tô 1:30

Nhò Boc Plình pì jah ŏi ta Chuaq Jêxu Crich, Haq ma Boc Plình khoi broq gêh dèh bìac khôn rabiaq, can ta-atoq, can hadròih, wa bìac rŏt hlài enh tôiq lôi am ca bèn.

Cô-lô-se 2:2

waq ca manoh 'bài mangai aih jah parông, jah yùp mòiq manoh ta can loq waq, wa jah loq bìac can padrŏng da bìac 'nì loq ro rang bìac halac halùai da Boc Plình, aih cla Chuaq Jêxu Crich,

Cô-lô-se 2:3

ta Haq khoi cadoc hlèp rìm bìac khôn rabiaq wa bìac 'nì loq ro rang.

Jôsuê 4:14

Hì aih Chuaq padèch Jôsuê enh ngìa dìq ca jàn Is-ra-ên ma jah wì iu bàu haq lùch dèh ca 'nhòng tìah ca wì ma khoi iu bàu Môise.

1 Sa-mu-ên 12:18

Khoi ca aih Sa-mu-ên waiq dang creo ca Chuaq, hi khoi Chuaq am plình cađah wa mè 'noh xèq ca hì aih. Rìm ngai dìq yùq crè Chuaq wa ca Sa-mu-ên.