1 'Bài Bùa 3:15 - Sech Hadròih

¹⁵ Sa-lô-môn rìu, haq loq aih bìac apô. Haq hlài ta Jê-ru-sa-lem yòng enh ngìa ca hom wêh jao da Chuaq, dèch am ca Chuaq 'bài ngè tadreo bùh wa ngè tadreo waiq catèm, hi khoi Sa-lô-môn broq mòiq hiniang càn akhen dèh ca 'bài cwan càn wa cwan 'yoh ma ŏi ti haq.

1 'Bài Bùa 3:15 Iomraidhean Croise

Bìac Baxèm 28:16

Jacôp rìu enh cùi, doi: “Joq 'nàng Chuaq i ŏi ta nòi cô, mahaq adroi au ùh 'nì.”

Bìac Baxèm 31:54

Khoi èh Jacôp am ngè tadreo ta bôi wang, akhen dèh ca 'bài oh daq cla caq 'benh. Mang aih wì ŏi ta bôi wang 'ngah ca mang.

Bìac Baxèm 40:20

Trùh hì piq, aih hì xa-ông ca bùa Pha-ra-ôn don 'noh hiniang caq dìq dŏng ca 'bài cwan. Pha-ra-ôn 'noh cwan 'nình alac wa cwan awìh caq loh khoi nòi ma clêh wa.

Bìac Baxèm 41:7

Tapèh hadròc 'mau manùh lŏn tapèh hadròc 'mau chac. Pha-ra-ôn cadrat rìu, khoi loq aih mòiq bìac apô.

1 'Bài Bùa 3:16

Jò aih i baiq ngai mangai cadrì tango yŏc 'bac trùh yòng enh ngìa ca bùa.

1 'Bài Bùa 8:63

Sa-lô-môn dèch am ca Chuaq 22.000 toq 'bo, 120.000 trìu wa bubi broq ngè tadreo waiq catèm. 'Màng aih, bùa wa dìq dŏng ca jàn Is-ra-ên dèch am Hnem Cùh Waiq ca Chuaq.

1 'Bài Bùa 8:65

'Màng aih bùa Sa-lô-môn wa dìq ca jàn Is-ra-ên rìm nòi enh gùng Hamat ma trùh cròng diac Aicàp rawìn rawoih adràc dabau trùh enh ngìa ca Chuaq caq lè aih tapèh hì, khoi èh tam tapèh hì hòm.

1 'Nhòng Bùa 16:3

Bùa am dìq ca mangai jàn Is-ra-ên, xam gu calô wa gu cadrì, mòiq ngai mòiq toq 'benh, mòiq ha'nech jam wa mòiq toq 'benh xam plì nho croh.

2 'Nhòng Bùa 7:5

Bùa Sa-lô-môn dèch am ca Chuaq 22.000 toq 'bo, 120.000 toq trìu. 'Màng aih bùa wa dìq ca jàn broq lè dèch am Hnem Cùh Waiq ca Boc Plình,

Êxtê 1:3

wop hanam ma piq 'nhòng da bùa A-xê-ru bùa padon hiniang càn am ca dìq con bùa, cwan càn ta hnem bùa, cwan lình enh Batu wa Mêđi, mangai rahù wa con bùa enh dìq gùng ŏi enh ngìa bùa.

Jê-rê-mi 31:26

Jò tàng bàu aih au rìu, hi khoi au jah cùi hlài dìq jaq jìang.

Đa-ni-ên 5:1

Bùa Bên-sat-xa broq mòiq hiniang càn am ca 1.000 ngai gù craq da haq, bùa ôq alac jang ngìa 'bài cwan.

Sôq Jàn 12:6

Haq doi: “Tamàng ma ro bàu Au cô. “Tàng ta pì i mangai leq loq capoch bàu thai ca Boc Plình, cla Au cô Chuaq jah mahno loh ca haq ta bìac jah hnoq. Au doi ca haq jò haq apô.

Bàu Lem tiaq Mŏc Achìh Bìac Chuaq Jêxu Broq Wa Hnài 6:21

Mahaq ta'nàih ca hì caq hiniang manè hì xa-ông ca bùa Hêrôt, bùa broq hiniang akhen ca 'bài cwan càn, 'bài cwan wèq lình, wa 'bài gu craq ta gùng Ga-li-lê.