1 'Bài Bùa 22:22 - Sech Hadròih

²² “Chuaq bòch kiac aih: ‘Ìh padô haq 'màng leq?’ “Kiac aih padreo bàu doi: ‘Au broq kiac capoch amòng ta hacùng 'bài mangai patìah capoch thai Boc Plình da haq.’ “Èh Chuaq doi: ‘Joq, ìh padô haq jah, lam beq broq troi bàu ìh ma doi.’

1 'Bài Bùa 22:22 Iomraidhean Croise

1 'Bài Bùa 13:18

Mangai capoch thai Boc Plình doi: “Au hadai mangai capoch thai Boc Plình troi ìh. I mòiq bình lình da Chuaq khoi doi ca au bàu cô: ‘ 'Ràng mangai aih tiaq ìh hlài hnem ìh beq, đòiq mangai aih jah caq 'benh, ôq diac.’ ” Mahaq mangai aih capoch amòng ca haq.

1 'Bài Bùa 22:20

Chuaq bòch: ‘Ma leq ma lam padô Ahap, đòiq haq tŏc ta Ramôt Ga-la-at, èh cachìt ta nòi aih?’ “Ma cô tèu 'màng cô, ma tau tèu 'màng tau.

1 'Bài Bùa 22:21

Jò aih i mòiq toq kiac yòng enh ngìa ca Chuaq haq doi: ‘Đòiq ca au lam padô haq.’

2 'Bài Bùa 3:13

Ê-li-sê doi ca bùa Is-ra-ên: “Ìh loh broq cleq ta cô? Lam bòch 'bài mangai capoch thai Boc Plình da baq ìh, loq da miq ìh beq!” Mahaq bùa Is-ra-ên tèu: “Ùh xài 'màng aih! Ma jah 'màng aih Chuaq khoi creo ca piq ngai bùa loh ta cô đòiq hi jao am ca jàn Moap.”

Sech Jop 1:12

Chuaq doi ca Satan: “Cô, 'bài ngè leq haq ma i, au jao mùt ta tì ìh, mahaq ìh paq troq chac haq.” Tajòi 'mòi Satan lùi khoi jang ngìa Chuaq.

Sech Jop 12:16

Haq i cwìang itai wa i khôn rabiaq; Haq wèq cwìang mangai lac trong wa mangai ma broq ca wì lac trong.

'Bŏi Calêu Plình 109:17

Haq loq enh ca bìac waiq hanip, èh haq 'bìq waiq hanip hlài; haq ùh enh waiq xôq, waiq enh xôq ramŏt hangai ca haq,

Êsai 19:14

Chuaq khoi 'mùt bìac blàq blènh ta Aicàp, dài wì broq ca Aicàp lam lac ta rìm bìac, 'màng ca mangai bù rai hac rai lam loh ca tinh tong jènh.

Ê-xê-chi-ên 14:9

“ ‘Tàng i mangai capoch thai Boc Plình leq 'bìq padô ma capoch mòiq bàu leq, Au cô Chuaq raq dèch tì tajraq hlài ca haq hnan đac haq loh khoi ca jàn Au.

Xa-cha-ri 13:2

Chuaq ma wèq dìq ca 'bình plình doi: “Ta hì aih, Au jah broq hnhung dŏng dìq 'bài dua 'mù khoi ca taneh cô, wì pi ràu trùh hòm. Au hadai hnan đac 'bài pajàu amòng wa kiac padrùh khoi ca taneh cô.

Bàu Lem tiaq Jon Achìh Bìac Chuaq Jêxu Broq Wa Hnài 8:44

Pì loh enh baq pì. Haq can kiac Satan wa manoh pì ham tiaq manoh haq. Enh calah baxèm haq jêh cađac mangai taiq haq ùh chìuq yòng pah bìac joq 'nàng taiq ùh i ca bìac joq 'nàng ŏi ti haq. Jò haq capoch amòng, aih haq capoch tiaq manoh haq, ma jah 'màng aih haq xèm capoch amòng taiq haq broq baq da bàu capoch amòng.

1 Ti-mô-thê 4:1

Yiang Hadròih doi ro rang, 'nhòng atìq lùch cô èh, bàc ngai cađac trong Chuaq, tiaq 'bài yiang amòng, wa tiaq trong hnài da can kiac,

1 Jon 4:6

Bèn ŏi ta Boc Plình. Mangai leq canao loq ca Boc Plình èh mangai aih tamàng bèn. Mangai leq ùh ŏi ta Boc Plình, èh ùh tamàng bèn. Nhò jang aih bèn canao loq yiang da bàu joq 'nàng wa yiang da bàu ùh troq.

Bìac Mahno 13:14

Haq padô 'nùt con mangai ŏi crŏng taneh nhò broq bàc trong halac enh ngìa ca ngè yat, èh thê wì broq dua 'mù can kiac ma khoi loh habau xam chang gùm, mahaq ŏi rìh.

Bìac Mahno 17:17

ma jah 'màng aih Boc Plình khoi đòiq ca wì haq broq tiaq manoh enh da Haq, broq ca wì haq pajùm mòiq manoh, am cwìang itai da wì haq ca ngè yat, trùh jò bàu Boc Plình jah xìt jua.

Bìac Mahno 20:10

Khoi èh can kiac Satan ma padô 'nùt wì haq, khoi 'bìq hwenh cađac haq nòi 'bau ùnh wa ngè ngèq 'nang ùnh bùh, ta aih khoi i ngè yat wa mangai amòng capoch bàu loq adroi 'bìq hwenh ca'nìh adroi. Wì haq chìuq jìq xa enh dahì trùh damang trùh hloi hloi.

Bìac Mahno 20:3

'Bình plình aih hwenh ca'nìh haq ta hàm jrùq, khwaq wa clep baxìa, waq ca haq pi jah lam padô 'nùt mangai jàn ta rìm Diac hòm, trùh jò leq mòiq ngŏng hanam khoi gêh, haq men jah ca'naih loh toq 'biaq jò hòm.

Bìac Mahno 20:7

Jò mòiq ngŏng hanam khoi gêh, can kiac Satan jah ca'naih loh enh tù,

'Bài Cwan Hadrah 9:23

Jò aih Chuaq broq ca mòiq kiac dù trùh ta'ne A-bi-mê-lec wa wì ma broq gàu da Sichem. 'Mang aih wì ma broq gàu da Sichem loh manoh blàq hlài A-bi-mê-lec.

1 Sa-mu-ên 16:14

Yiang Hadròih da Chuaq wia hangai ca Saulò, èh Chuaq thê mòiq toq can kiac dù loh manhài manhèp ca haq.

1 Sa-mu-ên 18:10

Hì atìq, Boc Plình đòiq mòiq kiac dù loh tabroq ca Saulò, taiq 'màng aih haq loh ca capoch bàu lìq làn. Jò aih Đawit 'nang rawêh broc tìah ca rìm yàng adroi, wa Saulò wê jaoq ta tì.

1 Sa-mu-ên 19:9

Atìq ca aih, mòiq kiac dù enh Chuaq trùh ti Saulò jò haq 'nang ha'ngui ta hnem wa wê jaoq ta tì. Đawit rawêh broc ca haq.