1 'Bài Bùa 22:17 - Sech Hadròih

¹⁷ Èh Mi-ca-ja doi: “Au hnoq jàn Is-ra-ên lam lac ta rôm wang tìah ca trìu ùh i ca mangai wèq ban. Èh Chuaq doi: Wì haq ùh i đeh ca craq wèq ban. Đòiq rìm ngai hlài dèh ta hnem catèm.”

1 'Bài Bùa 22:17 Iomraidhean Croise

1 'Bài Bùa 22:16

Mahaq bùa doi: “Au ep thê ìh toq leq yàng đòiq ìh capoch ca au bàu joq 'nàng nhò hiniq Chuaq?”

Êsai 13:14

Jò aih, rìm ngai tìah ca jìu ragiang cadàu ca wì axan hnan tiaq, tìah ca trìu ùh i ca mangai ban. Cabô ji hlài dèh ta tamoi cla wa cadàu hlài dèh ta gùng cla.

Jê-rê-mi 28:8

'Bài mangai capoch thai Boc Plình adroi ca au wa adroi ca pì, enh calah nèh khoi, doi adroi bìac tajêh poh, bìac ranàc càn, wa jìq blôh, ca bàc taneh bàc Diac dìq jaq càn caiq ta crŏng taneh cô.

Jê-rê-mi 50:17

“Is-ra-ên con trìu pac lac, 'bìq baco hlari hnan rùp. Adroi dŏng bùa A-si-ri khoi rùp lŏn haq; atìq dŏng Nê-bu-cat-nêt-xa, bùa Ba-bi-lôn, khoi broq hech ca caxènh haq.”

Jê-rê-mi 50:6

Jàn Au khoi wìa calùh trìu lac hnhung; 'bài mangai ban trìu broq ca wì lac trong, đòiq wì haq lam lac ta 'bài bôi wang, lam enh wang trùh go, hèt dèh ca nòi padài.

Ê-xê-chi-ên 1:4

Ngan ta plình au hnoq i cayeo bahùt càn trùh enh pah 'ngeo ca mat mahì loh, i mòiq cato yùc caxop wê cato ùnh 'ngah ca-ah, èh ta'ne cato ùnh aih i cleq 'ngah ca-ah tìah ca mem ma bùh xreo ca-ah.

Nahum 3:18

Ô bùa A-si-ri, 'bài mangai aban da ìh khoi cùi! 'Bài mangai gù craq da ìh khoi padài; jàn ìh khoi lam lac ta 'bài bôi wang, ùh i ca cabô gop wì haq hlài.

Xa-cha-ri 10:2

Ma jah 'màng aih dua 'mù toq capoch bìac amòng, 'bài pajàu toq hnoq bìac lìq làn đòiq 'nùt; wì anoi 'noh bìac apô 'nùt, capoch bàu alòng ùh i ca lòiq cleq. Taiq 'màng aih jàn Au lam lac tìah ca con trìu xalep taiq ùh i ca mangai ban.

Xa-cha-ri 13:7

Chuaq ma wèq dìq ca 'bình plình doi: “Ô chang, yòng jêh mangai ban da Au beq, wa jêh mangai haten ca Au. Jêh mangai ban cađac trìu lam lac, Au hadai dèch tì tajraq hlài ca 'bài trìu 'yoh.”

Sôq Jàn 24:3

Haq capoch bàu loq adroi 'màng cô: “Bàu loq adroi da Ba-la-am, con calô Bêô; Mangai i mat khoi blèch.

Sôq Jàn 24:4

Mangai ma jah tàng bàu da Boc Plình; Mangai ma hnoq bìac mahno da Chuaq I Cwìang Itai Dìq Dŏng; 'Nhac ca haq tacro, mahaq mat haq xôq blèch.

Sôq Jàn 27:17

aih mòiq ngai ŏi ta'ne wì haq đòiq ajèn wì loh wa 'ràng wì mùt, đòiq ca jàn da Chuaq ùh tìah ca trìu ùh i ca mangai ban.”

Mathêu 9:36

Jò Haq hnoq mangai jàn bàc, Haq xa-ŏch ca wì, ma jah 'màng aih wì xalep, pac lac tìah ca trìu ùh i ca mangai ban.

Bàu Lem tiaq Mŏc Achìh Bìac Chuaq Jêxu Broq Wa Hnài 6:34

Chuaq Jêxu loh enh bong hnoq mangai jàn bàc. Haq xa-ŏch ca wì ma jah 'màng aih wì tìah ca trìu ùh i ca mangai ban. Haq hnài wì bàc trong.

1 Sa-mu-ên 9:9

Calah nèh, ta mangai Is-ra-ên, jò i mòiq ngai lam đòiq waiq bòch Boc Plình mòiq bìac cleq, mangai aih doi: “Beq ba lam chaq mangai loq bìac adroi, taiq calah nèh mangai capoch thai Boc Plình, wì creo mangai loq bìac adroi.”