1 'Bài Bùa 21:20 - Sech Hadròih

²⁰ Ahap doi ca Êli: “Ôi mangai ma git ca au, ìh khoi chaq jah hnoq au 'mòh?” Êli mangai capoch thai Boc Plình tèu: “Au khoi chaq jah hnoq ìh broq bìac 'mèq aih, taiq ìh khoi tech dađeh đòiq broq bìac ngang dù enh ngìa ca Chuaq.

1 'Bài Bùa 21:20 Iomraidhean Croise

2 Sa-mu-ên 11:27

Jò khoi dìq ca ha-on hmoi, Đawit thê creo Bat-sê-ba mùt ta hnem haq. Bat-sê-ba wìa mai haq, hi khoi haq xa-ông ca bùa mòiq toq con calô. Mahaq bìac Đawit broq aih bìac ngang dù enh ngìa ca Chuaq.

1 'Bài Bùa 16:30

Ahap con calô bùa Ômri broq bìac dù enh ngìa ca Chuaq yi ùh hnao ca 'bài bùa ma adroi ca haq.

1 'Bài Bùa 18:17

Jò Ahap bu hnoq Êli, Ahap bòch haq: “Ìh mangai ma broq manhài ca jàn Is-ra-ên, joq ùh?”

1 'Bài Bùa 21:25

Joq ùh i ca mangai leq tìah ca Ahap ma khoi tech dađeh đòiq broq bìac dù enh ngìa ca Chuaq, 'bìq dèh mai Jê-sa-bên paclùc.

1 'Bài Bùa 22:8

Bùa Is-ra-ên doi ca Jê-hô-sa-phat: “Ŏi i mòiq ngai hòm bèn ma jah waiq bòch manoh Chuaq, aih Mi-ca-ja, con da Jêmla, mahaq au git ca mangai aih, ma jah 'màng aih haq ùh jò leq capoch bàu Boc Plình lem ca au, mahaq toq bìac dù.” Jê-hô-sa-phat doi: “Xìn ìh apaq doi 'màng aih.”

2 'Bài Bùa 17:17

Wì haq bùh rìh dèh con calô con cadrì dađeh ta ùnh. Wì haq lùi tiaq 'bài pajàu kiac dù wa pajàu ngan tì. Wì tech dađeh đòiq broq bìac ngang dù enh ngìa ca Chuaq, wa taleoq ca Haq.

2 'Bài Bùa 21:2

Ma-na-se broq bàc bìac ngang dù enh ngìa ca Chuaq, tiaq trong ramòt da jàn ma khoi 'bìq Chuaq hnan đac yŏc taneh am ca jàn Is-ra-ên.

2 'Nhòng Bùa 18:17

Bùa Is-ra-ên doi ca Jê-hô-sa-phat: “Au ma ùh khoi doi ca ìh, mangai cô ùh 'noh bàu lem ca au, toq doi trong 'mèq 'mòh?”

2 'Nhòng Bùa 18:7

Bùa Is-ra-ên tèu bùa Jê-hô-sa-phat: “Ŏi i mòiq ngai, hiniq haq Mi-ca-ja con da Jêmla, nhò haq bèn jah waiq bòch Chuaq. Mahaq au git ca haq, taiq haq ùh lah capoch bàu lem ca au, mahaq toq bàu 'mèq.” Jê-hô-sa-phat doi: “Xìn bùa paq doi 'màng aih!”

2 'Nhòng Bùa 33:6

Haq dèch am dèh con ta ùnh broq ngè tadreo bùh ta thòng Hinôm; waiq pajàu anoi ca can kiac, wa pajàu ngan plình anoi 'noh bìac adroi, tiaq pajàu 'nùt loq creo can kiac, mangai creo ca mahua mangai cachìt, wa mangai anoi ca yiang dù; haq broq trong dù hrìn hran jang ngìa Chuaq, broq Chuaq dìq jaq nòih.

Êsai 50:1

Chuaq doi 'màng cô: “Ta leq jàiq Au ma cađac miq pì? Loq Au khoi tech pì ca cabô? Cô, pì 'bìq tech taiq tôiq lôi cla pì; miq pì 'bìq cađac taiq pì blàq blènh.

Êsai 52:3

Ma jah 'màng aih Chuaq doi 'màng cô: “Pì khoi 'bìq tech dech wa pì jah dèch rŏt hlài ùh xài xam 'bac.”

Jê-rê-mi 38:4

Èh 'bài cwan bòch bùa: “Xìn 'noh bàu thê jêh đac mangai cô beq, taiq haq anoi bàu 'màng aih, broq ca 'bài lình ŏi ta phôq wa ca 'bài jàn loh ca ìuq; taiq mangai cô ùh chaq bìac dŏih claih am ca jàn, mahaq chaq bìac raliang.”

Ê-xê-chi-ên 14:4

'Màng aih, doi ca wì haq: ‘Bàu Chuaq doi: Dìq ca mangai Is-ra-ên ma khoi đòiq dua 'mù ta manoh wa broq ca dađeh catŏih tacro, èh trùh glàm mangai capoch thai Boc Plình, Au cô raq Boc Plình jah anoi 'noh bìac cùh waiq dua 'mù da haq.

Amôt 5:10

Pì git ca mangai hadrah ta-atoq, wa ramòt ca mangai capoch 'noh bàu joq 'nàng.

Bàu Lem tiaq Mŏc Achìh Bìac Chuaq Jêxu Broq Wa Hnài 12:12

'Bài mangai broq gàu jàn Yothaiq chaq trong rùp Haq, ma jah 'màng aih wì loq Haq bàu aih alìah ca wì haq. Mahaq wì crè ca mangai jàn, èh wì loh lam.

Rôma 7:14

Taiq bèn loq Ranenh aih hadròih, mahaq au mangai chac xech khoi 'bìq tech đòiq broq dìch ca tôiq lôi.

Ga-la-ti 4:16

Mahaq manàiq pì ngan au tìah ca mangai tagit ca pì, taiq au anoi bìac joq 'nàng ca pì 'mòh?

Ê-phê-sô 4:19

taiq wì haq cadoq manoh; wì haq khoi cađac dađeh ta mòiq 'nhòng manhài trài, loq enh broq dìq rìm bìac ùh hadròih wa manoh ham.

Bìac Mahno 11:10

Wì mangai ŏi crŏng taneh bùi lem hnoq bìac cô, wì hi bùi ca dabau, gòi bìac am dech ca dabau taiq baiq toq ngai cô ma anoi bàu loq adroi, khoi broq ca wì mangai ŏi crŏng taneh chìuq xalep.