1 'Bài Bùa 2:44 - Sech Hadròih

⁴⁴ Bùa doi tam ca Si-mê-i: “Ìh khoi loq ca manoh, ìh hadai khoi ro bìac dù ìh ma khoi broq ca Đawit, baq au, joq ùh? Manàiq Chuaq jah ca'naih hlài da ìh bìac dù ìh ma khoi broq,

1 'Bài Bùa 2:44 Iomraidhean Croise

1 'Bài Bùa 2:43

'Màng aih gleq ìh ma ùh iu ùh wèq dèh bàu ìh ma khoi pachac aih enh ngìa ca Chuaq, hi khoi hadai ùh broq tiaq bàu thê au ma khoi doi ca ìh aih?”

2 'Bài Bùa 11:1

Jò aih A-tha-li, miq da A-cha-xia hnoq dèh con calô khoi cachìt, haq padinh yòng jêh dŏng dìq 'bài xinoi da bùa.

2 'Bài Bùa 11:12

Hi khoi Jê-hô-a-đa 'noh con bùa, pacôi cadoh bùa ca haq, am ca haq mòiq cwìang sech ranenh, èh padèch haq broq bùa, xùt dàu ca haq, hi khoi tep tì cachech dêh bàu doi: “Bùa rìh halình! Bùa rìh halình!”

'Bŏi Calêu Plình 109:20

Waiq xìn Chuaq broq 'màng aih ca mangai leq ta'mòq tôiq ca au, wa broq 'màng aih ca mangai leq capoch bàu dù enh raliang can rìh au.

'Bŏi Calêu Plình 7:16

Bìac dù haq khoi broq jah ùc hlài ta gàu haq; bìac xòt ngang haq khoi rai, jah ùc hlài ta gàu haq.

Bàu Rabiaq 5:22

Mangai ngang dù jah 'bìq dèh bìac ngang dù cla rùp yŏc, èh haq 'bìq dèh caxi tôiq lôi cla càt grap.

Ê-xê-chi-ên 17:19

“ ‘Taiq 'màng aih Chuaq doi bàu cô: Tìah ca Au ma rìh hloi, Au jah ùc 'noh ta gàu haq bìac haq ngan ùh loh cleq ca bàu pachac wa hùa raliang đac bìac wêh jao.

Ôsê 4:9

Cô èh, jàn 'màng leq pajàu hadai 'màng aih; èh Au baxa wì haq taiq bìac broq wì haq, jêh chao wì haq taiq bìac wì haq broq.

Bàu Lem tiaq Jon Achìh Bìac Chuaq Jêxu Broq Wa Hnài 8:9

Wì ma tàng bàu cô, wì tiaq dabau loh lam tang ngai mòiq, mangai craq loh lam adroi. Chuaq Jêxu ŏi hlài mòiq ngai, wa gu cadrì aih xôq ŏi yòng ti aih.

Rôma 2:15

Wì haq pa'noh ro bìac Ranenh ma hnài khoi achìh ta manoh wì haq, manoh loq cla wì haq anoi hlài 'màng aih, bìac wì ma hèm ta manoh cla i jò pa'noh ro dèh tôiq lôi cla, i jò palem dađeh.

1 Jon 3:20

mahaq tàng bèn 'bìq dèh manoh ta'mòq tôiq, èh Chuaq hnoq ro yi hnao ca manoh bèn hòm, ma jah 'màng aih Haq loq rìm bìac.

1 Sa-mu-ên 25:39

Jò Đawit hìa Naban khoi cachìt, Đawit doi: “Manè pôi Chuaq, taiq Ìh khoi wiang ti au jò Naban broq au camaih. Ìh khoi tàt hapŏng ìh broq bìac dù! Joq 'nàng Chuaq khoi 'ràng bìac dù da Naban, ùc hlài ta gàu haq.” Khoi ca aih Đawit thê mangai 'ràng bàu xìn A-bi-ga-in broq mai haq.