1 'Bài Bùa 18:26 - Sech Hadròih

²⁶ 'Màng aih wì haq rùp mòiq toq 'bo ma khoi jah 'ràng jang aih, xah jam haq, hi khoi dang creo dèh ca kiac Ba-an enh daxroq trùh 'ne hì. Wì haq waiq 'màng cô: “Waiq kiac Ba-an xìn tèu hlài bàu nhèn!” Mahaq ùh i tàng bàu kiac cleq, hadai ùh i ca kiac leq tèu. Wì haq aplôh dudan dèh ca'bŏng tadreo wì haq ma khoi broq.

1 'Bài Bùa 18:26 Iomraidhean Croise

1 'Bài Bùa 18:24

Khoi èh pì creo dang hiniq can kiac da pì. Au creo dang dèh hiniq Chuaq da au. Ma leq ma tèu bàu xam ùnh, èh Haq Boc Plình.” Dìq dŏng ca jàn ma i mat ta aih doi: “Broq 'màng aih joq troq.”

1 'Bài Bùa 18:25

Jò aih Êli doi ca 'bài pajàu kiac Ba-an: “Pì ràih ca dađeh mòiq toq 'bo, khoi èh xah jam haq beq! Ma jah 'màng aih pì bàc, khoi èh dang creo ca hiniq can kiac da pì, mahaq ùh jah bùh ùnh.”

1 'Bài Bùa 18:27

Trùh 'ne hì, Êli halê wì haq, doi: “Waiq ma dêh tam toq 'biaq hòm beq! Ma jah 'màng aih Ba-an aih can kiac, broq braiq haq 'nang hèm bìac crài, loq haq khoi jiang lam ta nòi 'noiq, nòi hangai, loq haq 'nang cùi, ep padrìu haq yòng.”

Loh Enh Aicàp 8:14

Wì khua đòiq kìt đùng tang ha'ngùc, xua om jàp dìq ca gùng.

Êsai 37:38

Mòiq hì, jò San-chê-rip 'nang cùp gàu cùh waiq dèh kiac ta trom hnem cùh waiq Nitroc, èh 'bài con calô da cla bùa A-tra-mê-lec wa Sa-rêt-se yŏc chang gùm jêh đac bùa. Khoi èh wa cadàu mot ta gùng A-ra-rat. Con calô bùa Ê-sa-ha-đôn tŏc broq bùa thai dèh baq.

Êsai 44:17

Khoi èh, phàn ma ŏi, haq yŏc broq mòiq toq can kiac, aih dua 'mù can kiac. Haq cùh waiq dua 'mù aih, hadai waiq khàn: “Xìn dèch dŏih au, taiq ìh joq can kiac da au.”

Êsai 45:20

“Ô 'bài jàn lam mot ca bìac ranàc da 'bài Diac, gop dabau lam trùh beq, pajùm ca dabau thia haten! 'Bài mangai tòng dua 'mù xam long, waiq dang can kiac ùh i ca cwìang jah dèch, wì ùh loq cah cleq.

Êsai 46:7

Wì xùi dua 'mù aih ti plêh, 'ràng đòiq ti nòi haq, haq yòng ti aih, ùh daxìch khoi ca nòi haq. 'Nhac ca i cabô creo dang, èh dua 'mù aih ùh tèu bàu, ùh jah dèch wì claih ca can ranàc.

Jê-rê-mi 10:5

Dua 'mù da wì haq tìah ca ranom ma atua ta tamang pìt cachiq; dua 'mù aih ùh loq capoch, ep i mangai tòng, ma jah 'màng aih haq ùh 'nì cadiang lam. Apaq crè ca dua 'mù aih, taiq haq ùh jah broq raliang cleq ca pì, hadai ùh i ca cwìang jah am xôq ramŏt ca pì.”

Đa-ni-ên 5:23

Bùa khoi padèch dađeh tajraq hlài ca Chuaq ta Plình, thê 'ràng doi da hnem Chuaq đòiq bùa ôq alac ti 'bài mangai gù craq, 'bài mai xèm, wa mai yang da bùa. Bùa khoi padèch dua 'mù broq xam wang, 'bac, đùng, mem, long wa hmu aih ùh jah hnoq, ùh jah tàng, ùh jah loq 'nì, mahaq Boc Plình, Haq cadop wê ta tì Haq hihèm wa rìm trong da bùa, mahaq bùa ùh cùh waiq Haq.

Jôna 1:5

'Bài mangai wèq bong dìq jaq yùq crè, rìm ngai waiq dang dèh can kiac da wì haq; wì haq hwenh đac 'nah 'bài dahwèq ta bong ca'nìh ta diac raxìq, đòiq jah hèo tam ca bong. Mahaq Jôna khoi mùt ta trom chac bong, cùi hnia dìq jaq.

Ha-ba-cuc 2:18

“Dua 'mù ma thòq khoi pùng padì, i lòiq cleq ca haq ùh? Dua 'mù tùh aih trong đòiq 'nùt, mangai thòq broq loh dua 'mù patìah ca lùi canòm dèh ca bìac cla broq loh? Aih dua 'mù làu ùh loq capoch.

Ha-ba-cuc 2:19

Nan xa ca mangai leq ma doi ca apŏt long: ‘Rìu beq!’ Wa doi ca hmu làu: ‘Yòng beq!’ Dua 'mù i jah hnài ùh? Cô, haq jah lom wang wa 'bac, mahaq ùh i toq xìt hihèm ta haq.”

Sô-phô-ni 1:9

Ta hì aih, Au baxa dìq 'bài mangai ma cadiang cwa ca radua 'mang, wa 'bài mangai broq bình halùih ca cùng hang dèh ta hnem craq haq nhò bìac 'nùt amòng wa bìac jêh đac.”

Mathêu 6:7

Cô, jò pì waiq khàn, apaq capoch lam capoch hlài bàc yàng 'màng ca wì mangai ùh i tiaq Chuaq, ma jah 'màng aih wì xoh dèh capoch bàc, aih jah tàng wì haq.

1 Cô-rinh-tô 12:2

Oh daq loq jò pì ma 'nhòq tiaq Chuaq pì khoi 'bìq 'nong tiaq 'bài dua 'mù làu hi mac ca manoh pì enh waq.

1 Cô-rinh-tô 8:4

Bìac caq ngè tadreo ca dua 'mù, bèn loq dua 'mù ta crŏng taneh aih ùh loh cleq, toq i mòiq Boc Plình raq.

1 Sa-mu-ên 5:3

Xrŏih xroq hì atìq, jàn Achđôt hnoq Đagôn cro ca'nùng ti ha'neq hadrò cùp ta taneh jang ngìa hom wêh jao da Chuaq. Wì dèch Đagôn đòiq hlài ti nòi haq.