1 'Bài Bùa 18:24 - Sech Hadròih

²⁴ Khoi èh pì creo dang hiniq can kiac da pì. Au creo dang dèh hiniq Chuaq da au. Ma leq ma tèu bàu xam ùnh, èh Haq Boc Plình.” Dìq dŏng ca jàn ma i mat ta aih doi: “Broq 'màng aih joq troq.”

1 'Bài Bùa 18:24 Iomraidhean Croise

Bìac Baxèm 4:26

Sêt hadai i mòiq toq con calô hiniq haq Ênot. Pàng cô, con mangai baxèm loq waiq khàn dang creo ca hiniq Chuaq.

2 Sa-mu-ên 14:19

Bùa bòch: “I joq Jôap thê ìh broq bìac cô ùh?” Gu cadrì aih tèu: “Bùa craq au ôi! Au patô can rìh da bùa, au pachac, wì ùh jah tawìh pah 'ma loq pah 'ngeo, đòiq claih ca bàu bùa neo doi aih. Joq 'nàng, aih Jôap, hapŏng da bùa khoi thê au, wa đòiq bàu cô ta hacùng au.

1 'Bài Bùa 18:23

Manàiq cô phai am ca nhèn baiq toq 'bo calô, hi khoi đòiq ca wì haq ràih adroi mòiq toq, xah 'bo aih loh tang ha'nech đòiq enh 'nhèq ca long ùnh, mahaq ùh jah bùh ùnh. Au xah 'bo ma tau đòiq jam aih enh 'nhèq ca long ùnh, mahaq ùh bùh ùnh.

1 'Bài Bùa 18:25

Jò aih Êli doi ca 'bài pajàu kiac Ba-an: “Pì ràih ca dađeh mòiq toq 'bo, khoi èh xah jam haq beq! Ma jah 'màng aih pì bàc, khoi èh dang creo ca hiniq can kiac da pì, mahaq ùh jah bùh ùnh.”

1 'Bài Bùa 18:38

Wop jò aih ùnh da Chuaq mahno loh bùh hreo dŏng ngè tadreo bùh, long ùnh, hmu, blo taneh, èh broq xŏt ca diac ta mùang.

1 'Bài Bùa 18:39

Jò dìq ca jàn hnoq 'màng aih, wì haq bla-op dèh hadrò ta taneh rai doi: “Chuaq, joq 'nàng Boc Plình, Chuaq, joq 'nàng Boc Plình!”

1 'Bài Bùa 2:38

Si-mê-i tèu bùa: “Bàu da ìh troq joq 'nàng, ìh craq da au, ìh doi 'màng leq au xìn broq tiaq troq 'màng aih.” 'Màng aih Si-mê-i rìh ŏi ta Jê-ru-sa-lem dùnh hì.

1 'Nhòng Bùa 21:26

Đawit broq mòiq toq ca'bŏng tadreo ta aih. Èh dèch am ngè tadreo bùh, ngè tadreo catèm wa ngè tadreo waiq dang hiniq Chuaq. Chuaq tèu hlài bàu Đawit xam ùnh enh plình loh ta ca'bŏng tadreo.

2 'Nhòng Bùa 7:1

Jò bùa Sa-lô-môn waiq khàn bu gêh, ùnh enh plình loh trùh bùh cheo ngè tadreo bùh wa can 'ngah 'ngai da Chuaq bình halùih ta Hnem Cùh Waiq.

2 'Nhòng Bùa 7:3

Jò jàn Is-ra-ên hnoq ùnh loh enh plình wa can 'ngah 'ngai da Chuaq ta Hnem Cùh Waiq, wì haq hacùn cràng cùp mat ta taneh, cùh waiq Chuaq wa manè Haq, doi: “Waiq Chuaq, Ìh joq lem, can xa-ŏch xam manoh loq waq da Ìh ŏi trùh hloi hloi.”

Êsai 39:8

Ê-xê-chia tèu Êsai: “Bàu Chuaq ma ìh neo anoi aih lem.” Ma jah 'màng aih bùa Ê-xê-chia hèm: “Ta 'nhòng au jah i bàu joq 'nàng wa can catèm.”

Jê-rê-mi 27:18

Tàng wì haq joq 'nàng mangai capoch bàu doi adroi da bàu Chuaq wa bàu Chuaq ŏi ti wì haq, thê wì haq waiq khàn xìn Chuaq ma wèq dìq ca 'bình plình beq, đòiq 'bài ranac ta hnem cùh waiq Chuaq ta hnem bùa Juđa wa ta phôq Jê-ru-sa-lem, claih ca 'ràng trùh Diac Ba-bi-lôn.

Lêwi 9:24

Hi khoi, mòiq pla ùnh enh ngìa ca Chuaq loh bùh cheo dŏng ngè tadreo wa ramaq ta ca'bŏng tadreo. Jò dìq ca jàn hnoq 'màng aih, wì haq dêh bàu manè apôi, rai bla-op dèh hadrò ta taneh.

'Bài Cwan Hadrah 6:21

'Bình Plình da Boc Plình yŏc long canhra chùq jang nòi jam wa 'benh ùh tah blo. Ùnh enh hmu plôh tŏc bùh cheo 'benh wa jam ùh tah blo. Tajòi 'mòi 'Bình Plình da Chuaq hnhung.