1 'Bài Bùa 18:18 - Sech Hadròih

¹⁸ Êli tèu: “Ùh xài au broq manhài ca jàn Is-ra-ên, mahaq cla ìh wa mangai da hnem baq ìh, ma jah 'màng aih ìh wa baq ìh khoi cađac bàu thê da Chuaq hi lam tiaq 'bài kiac Ba-an.

1 'Bài Bùa 18:18 Iomraidhean Croise

1 'Bài Bùa 16:31

Bùa xoh bìac broq tiaq 'bài tôiq lôi da Jê-rô-bô-am, con Nêbat, aih ùh hìaq troq cleq, trùh 'mòi haq lam yŏc Jê-sa-bên con cadrì Êch-ba-an, bùa Siđôn, broq mai. Khoi èh haq lam patìh bìac cùh waiq kiac Ba-an.

1 'Bài Bùa 16:32

Ahap broq mòiq toq ca'bŏng tadreo ca Ba-an ta hnem cùh waiq Ba-an ta Sa-ma-ri.

1 'Bài Bùa 21:25

Joq ùh i ca mangai leq tìah ca Ahap ma khoi tech dađeh đòiq broq bìac dù enh ngìa ca Chuaq, 'bìq dèh mai Jê-sa-bên paclùc.

1 'Bài Bùa 21:26

Ahap khoi broq dìq jaq ramòt aih, haq lam tiaq 'bài dua 'mù, troi jàn A-mô-rit khoi broq, aih jàn ma Chuaq khoi hnan đac enh ngìa ca jàn Is-ra-ên.

1 'Bài Bùa 9:9

Èh wì tèu: ‘Ma jah 'màng aih taiq wì haq khoi cađac Chuaq Boc Plình da wì haq, Haq ma khoi 'ràng boc yaq wì haq loh khoi enh gùng Aicàp. Manàiq wì haq lam tiaq 'bài can kiac, cùh waiq wa patìh ca 'bài can kiac aih, ma jah Chuaq khoi am bìac ranàc cô trùh ta wì haq.’ ”

2 'Nhòng Bùa 15:2

hi khoi A-xa-ri trùh ta bùa Asa, hi doi: “Ôi bùa Asa, xam dìq ca mangai Juđa wa mangai Bên-ja-min, tamàng au cô! Chuaq ŏi ti pì tàng pì ŏi ta Haq. Tàng pì chaq Haq, èh jah glàm Haq. Tàng pì cađac Haq, Haq hadai cađac pì.

2 'Nhòng Bùa 28:19

Taiq nen Acha bùa da mangai Is-ra-ên, Chuaq khoi paha'neq Juđa, ma jah 'màng aih Acha khoi broq 'mèq ca jàn Juđa, broq tôiq càn ca Chuaq wa haq ùh wèq dèh manoh tiaq Chuaq.

Bàu Rabiaq 11:19

Mangai leq cajap manoh caq ŏi ta-atoq jah nhàn can rìh, mahaq mangai leq tiaq trong dù broq ca dađeh cachìt.

Bàu Rabiaq 13:21

Bìac jìq xa hnan tiaq mangai i tôiq; mahaq mangai ta-atoq jah i cùng baha padrŏng can.

Bàu Rabiaq 28:4

Mangai cađac tiaq Bàu Ranenh, manè padèch mangai ngang dù; mahaq mangai wèq Bàu Ranenh tajraq hlài ca wì haq.

Bàu Rabiaq 5:22

Mangai ngang dù jah 'bìq dèh bìac ngang dù cla rùp yŏc, èh haq 'bìq dèh caxi tôiq lôi cla càt grap.

Êsai 3:11

Nan xa am ca mangai ngang dù taiq ùh claih ca baxa! Ma jah 'màng aih wì haq jah pòq hlài dèh bìac tì wì haq broq loh!

Jê-rê-mi 2:13

Ma jah 'màng aih jàn Au khoi broq baiq tôiq ngang dù: Wì haq khoi cađac Au, aih tamŏc diac ma rìh, èh broq òn ca dađeh nòi đòiq diac ma crài, aih nòi đòiq diac hađah hađech nòi diac ùh jah ŏi.

Jê-rê-mi 2:19

Cô bàu Chuaq doi: “Tôiq ngang dù ìh jah baxa cla ìh, bìac manoh talùi da ìh jah lech ca ìh. Ep 'nì loq ma ro rang jò ìh i manoh cađac Chuaq, Boc Plình da ìh, wa ùh i manoh loq yùq crè ca Haq, aih bìac dìq jaq 'mèq wa ranàc ca ìh!”

Jê-rê-mi 23:13

“Au khoi hnoq bìac ranhùa da mangai capoch thai Boc Plình ta gùng Sa-ma-ri; wì haq canòm hiniq Ba-an capoch bàu doi adroi, broq ca jàn Is-ra-ên lam lac.

Jê-rê-mi 38:4

Èh 'bài cwan bòch bùa: “Xìn 'noh bàu thê jêh đac mangai cô beq, taiq haq anoi bàu 'màng aih, broq ca 'bài lình ŏi ta phôq wa ca 'bài jàn loh ca ìuq; taiq mangai cô ùh chaq bìac dŏih claih am ca jàn, mahaq chaq bìac raliang.”

Ê-xê-chi-ên 3:8

Cô Au jah broq ca hadrò ìh cadoq tìah ca hadrò wì haq, wa ngòng ìh cadoq tìah ca ngòng wì haq.

Mathêu 14:4

Ma jah 'màng aih Jon khoi doi ca bùa: “Tiaq ranenh, ìh ùh khòh yŏc mangai aih broq mai.”

Bìac Yiang Hadròih 24:13

Èh wì ji ùh jah patô ca ro rang bìac cleq wì ma kìan au.

Bìac Yiang Hadròih 24:20

Loq thê wì 'bài craq hadrah enh 'nhèq cô anoi hlài, i tôiq lôi cleq ŏi ti au, jò au yòng enh ngìa ca wì.

Ranenh Achìh Hlài 31:16

Chuaq doi ca Môise: “Khoi ten trùh jò ìh lam ŏi ti 'bài boc yaq ìh. Cô èh jàn cô jah yòng cùh waiq 'bài can kiac ta gùng wì haq padon mùt, èh cađac Au wa blàq wêh jao Au ma khoi broq ca wì haq.

1 Sa-mu-ên 14:29

Jô-na-than doi: “Baq au khoi broq bìac ùh lem ca jàn cô: Ngan cô, au loh ca prau hwao nhò caq toq biaq diac xùt cô!