1 'Bài Bùa 16:26 - Sech Hadròih

²⁶ Haq lam tiaq trong da Jê-rô-bô-am, con calô da Nêbat, èh broq tiaq 'bài tôiq lôi bùa aih ma khoi 'nong jàn Is-ra-ên broq tôiq, leoq Chuaq Boc Plình da Is-ra-ên nhò wì haq tadreo wa cùh waiq 'bài dua 'mù.

1 'Bài Bùa 16:26 Iomraidhean Croise

1 'Bài Bùa 16:13

Aih taiq dìq dŏng tôiq lôi da Ba-ê-sa wa tôiq lôi da Êla con haq ma khoi broq, khoi èh broq ca jàn Is-ra-ên broq tiaq đeh dìq, leoq Chuaq Boc Plình da jàn Is-ra-ên xam bìac tadreo 'bài dua 'mù.

1 'Bài Bùa 16:19

Aih taiq tôiq lôi bùa ma khoi broq enh ngìa ca Chuaq, lam tiaq trong da Jê-rô-bô-am broq tôiq, khoi èh 'nong dìq ca Is-ra-ên broq tiaq dèh dìq.

1 'Bài Bùa 16:2

“Au khoi dèch atŏc ìh, enh blo taneh, am ca ìh wèq cwìang jàn Is-ra-ên, mahaq ìh khoi cadiang tiaq teo jènh Jê-rô-bô-am, adràc jàn Is-ra-ên da Au broq tôiq đòiq Au nòih,

1 'Bài Bùa 16:27

Bìac ma 'noiq da Ômri ma broq wa 'bài cwìang broq bùa da haq, dìq khoi achìh đòiq ta Sech 'Nhòng Bùa da 'bài bùa Is-ra-ên.

1 'Bài Bùa 16:7

'Màng aih Boc Plình yŏc mangai capoch thai Boc Plình, aih Jêhu con Ha-na-ni, lech ca Ba-ê-sa wa ca hnem haq, ùh xài toq bìac dù bùa ma khoi broq đòiq broq Chuaq nòih, mahaq hadai taiq bùa khoi tiaq teo jènh hnem Jê-rô-bô-am broq tôiq, wa taiq haq khoi jêh đac dŏng hnem Jê-rô-bô-am.

'Bŏi Calêu Plình 31:6

Au git ca wì ma cùh waiq dua 'mù, aih bìac dech 'ngwan, mahaq au lùi canòm Chuaq.

Jê-rê-mi 10:3

Bìac broq da mangai jàn joq 'nàng dech 'ngwan, taiq aih bìac mangai thòq coh long ta rôm, yŏc chòng trah, yŏc panùng pùng padì.

Jê-rê-mi 10:8

Dìq ca jàn aih loh ca blùng, loh ca ranhùa, mòiq apŏt long broq loh dua 'mù, aih bìac 'ngwan, ùh i ca lòiq cleq.

Jê-rê-mi 14:22

Ta dìq ca dua 'mù da Taneh Diac, i ma leq loq da tamoi leq jah broq mè ùh? Plình jah broq loh mè ùh? Waiq Chuaq toq Ìh raq Ìh Boc Plình da nhèn broq jah bìac aih! Nhèn canòm ca Ìh.

Jê-rê-mi 16:19

Chuaq ôi Ìh joq padren wa nòi hanình da au; ŏi ta Ìh aih nòi mot da au ta hì yùq crè. Enh xèm plình rìm jàn jah trùh wì haq doi ca Ìh: “ 'Bài can kiac ma boc yaq nhèn khoi cùh waiq aih kiac 'nùt, kiac ùh loh cleq hadai ùh jah jùp cleq ca nhèn.

Jê-rê-mi 18:15

Mahaq jàn Au hèt ca Au; wì haq bùh jreo xua thùm tadreo ca 'bài can kiac ùh loh cleq, 'màng aih wì haq khoi tacro, ùh tiaq trong troq enh calah nèh, mahaq wì lam trong crài trong ùh troq.

Jê-rê-mi 8:19

Ngan cô! Tamàng! Aih bàu creo dang da jàn Au, da con cadrì Au, enh taneh Diac nòi hangai wì doi: “ Ta Siôn i ca Chuaq ùh?? I ca bùa da Siôn ta aih ùh? “Gleq wì hùa leoq Au xam dua 'mù wì haq, xam dua 'mù da jàn 'noiq?”

Mica 6:16

Taiq pì ŏi wèq ranenh da Ômri, wa broq tiaq bìac broq da hnem Ahap, pì cadiang lam ta trong pađim da wì haq; taiq 'màng aih Au broq ca pì loh ca wang wê, jàn pì 'bìq palèu, wa pì jah pòq can camaih da jàn Au.”

Bìac Yiang Hadròih 14:15

“Oh daq ôi, hagleq ma broq 'màng 'mat? Ma hadai mangai troi pì. Ma toq anoi hnài bàu Chuaq đòiq pì cađac bìac hù hnhung cô jah tawìh hlài ti Boc Plình ma rìh hloi, Haq ma khoi broq loh plình crŏng taneh, diac raxìq wa rìm ngè ma rìh ŏi ta aih.

Ranenh Achìh Hlài 32:21

Wì haq broq Au tagrình ca yiang mahaq ùh xài Boc Plình; wì haq broq ca Au nòih taiq wì cùh waiq dua 'mù. Au hadai yŏc mòiq toq tamoi ùh nèn đòiq wì haq tagrình, yŏc mòiq jàn ma blùng leoq đòiq wì haq nòih.