1 'Bài Bùa 15:3 - Sech Hadròih

³ Haq lam tiaq trong tôiq lôi dèh troi baq haq ma khoi broq adroi ca haq. Manoh haq ùh lem lam tiaq Chuaq, troi Đawit boc da haq.

1 'Bài Bùa 15:3 Iomraidhean Croise

1 'Bài Bùa 11:33

ma jah 'màng aih taiq haq khoi cađac Au, cùh waiq At-tac-tê, kiac cadrì da jàn Siđôn, Kêmôt, can kiac da jàn Moap, wa Mincôm, kiac da Amôn; haq khoi pi lam trong ti Au, ùh broq bìac lem jang enh ngìa ca Au, ùh wèq trong ranenh Au, wa trong broq troq da Au troi Đawit, baq haq ma khoi broq.

1 'Bài Bùa 11:4

Jò bùa khoi craq, 'bài mai da bùa broq ca manoh bùa loh ca tawìh tiaq 'bài can kiac da wì haq, haq pi dìq ca manoh loq dì tiaq Chuaq Boc Plình da haq, troi manoh da Đawit baq haq.

1 'Bài Bùa 15:14

Mahaq bùa ùh cađac 'bài hnem tadreo ta 'bài nòi ha'nhèq, 'nhac ca 'màng aih, manoh da Asa xôq dìq ca jaq dèh ca Chuaq lùch dèh ca 'nhòng bùa.

1 'Bài Bùa 3:14

Tàng ìh cadiang lam trong da Au, broq tiaq ranenh wa bàu thê da Au tìah ca Đawit baq Ìh ma khoi broq, èh Au jah am ca Ìh rìh halình dùnh.”

1 'Bài Bùa 3:3

Sa-lô-môn loq waq ca Chuaq, cadiang lam tiaq bàu hnài da Đawit, mahaq Sa-lô-môn xôq ŏi dèch am ngè tadreo ta nòi ha'nhèq wa bùh jreo xua thùm.

2 'Bài Bùa 20:3

“Waiq Chuaq, xìn hmàng trùh ca au. Au khoi dìq manoh ca Chuaq, èh broq bìac lem jang enh ngìa ca Ìh.” Hi khoi Ê-xê-chia hmoi ua-ac.

2 'Nhòng Bùa 25:2

Haq broq bìac lem ŏi jang ngìa Chuaq, mahaq ùh dìq ca manoh.

'Bŏi Calêu Plình 119:80

Waiq ca manoh au jah gêh tôm ta 'bài ranenh da Ìh đòiq au ùh hìaq camaih.

Ranenh Achìh Hlài 17:20

đòiq manoh bùa ùh hìaq loq catèh, wìh pah 'ma, loq pah 'ngeo cađac bàu thê cô, waq ca bùa wa con xau haq jah wèq cwìang dùnh ta'ne jàn Is-ra-ên.

1 Sa-mu-ên 25:28

“Xìn ìh baxŏng tôiq ca mangai hapŏng cadrì da ìh, ma jah 'màng aih joq 'nàng Chuaq jah broq ca ìh jah cajap, ma jah 'màng aih ìh jah tajêh poh am ca Chuaq, ùh chaq hnoq bìac dù leq ta lùch ca'nhòng da ìh.