1 'Bài Bùa 14:24 - Sech Hadròih

²⁴ Ta gùng hadai i bàc gu calô broq đì patìh ta nòi tadreo wì. Wì haq broq bìac dìq jaq ramòt, ùh i crài cleq ca jàn adroi cô nèh Chuaq ma khoi hnan đac enh gùng, enh ngìa ca jàn Is-ra-ên.

1 'Bài Bùa 14:24 Iomraidhean Croise

Bìac Baxèm 19:5

'Bài mangai aih creo ca Lot, bòch: “Baiq tamoi khoi mùt ta hnem ìh xèq cô ŏi ta leq? 'Ràng wa haq 'nòh jang cô beq, đòiq nhèn tango ca wa haq.”

1 'Bài Bùa 15:12

Bùa hnan dŏng dìq mangai đì calô ŏi ta nòi tadreo loh khoi enh gùng wì haq, khoi èh cađac dŏng dìq 'bài dua 'mù boc yaq da bùa ma khoi broq.

1 'Bài Bùa 22:46

Haq hnan đac dŏng khoi ca taneh gùng 'bài mangai calô broq đì patìh ta 'bài nòi tadreo ma ŏi xrong hlài ta 'nhòng baq haq.

2 'Bài Bùa 23:7

Jôsia hadai raliang cađac 'bài hnem da mangai calô broq đì ta hnem cùh waiq Chuaq, aih nòi 'bài mangai cadrì ma tenh brai ca jrang dua 'mù cadrì A-sê-ra.

Lêwi 18:26

Mahaq pì ep wèq cajap dìq ca ranenh wa bàu thê da Au. Pì loq tamoi ŏi đò ti pì apaq broq bìac đang ca ramòt aih,

Lêwi 18:30

'Màng aih èh pì phai wèq bàu thê da Au, wa apaq broq tiaq mòiq ta bìac 'mèq đang ca ramòt aih ma jàn aih khoi broq adroi ca pì. 'Màng aih, pì apaq taiq bìac 'mèq aih broq ca dađeh amùa ti wì haq. Au Chuaq Boc Plình pì.’ ”

1 Cô-rinh-tô 6:9

Pì ma ùh 'nì 'bài mangai dù ùh jò leq jah mùt Diac Boc Plình 'mòh? Apaq 'nùt dađeh, 'bài mangai tango anang, mangai waiq dua 'mù, mangai calô tango ca mangai calô, mangai cadrì tango ca mangai cadrì,

Ranenh Achìh Hlài 23:17

Ta con cadrì Is-ra-ên, apaq i mòiq ngai leq tango yŏc 'bac. Ta con calô Is-ra-ên hadai apaq i mòiq ngai leq tango yŏc 'bac.

Ranenh Achìh Hlài 23:18

Pì apaq 'mùt ta hnem Chuaq pì 'bac cùng da mòiq ngai gu cadrì loq gu calô tango yŏc 'bac, ma jah 'màng aih baiq bìac aih dìq jaq ramòt ca Chuaq pì.

'Bài Cwan Hadrah 19:22

'Nang jò wì caq ôq lem bùi ti dabau, tajòi 'mòi i mòiq calùh mangai lam ròi wa ùh loh cleq ŏi ta phôq, aih 'bài calô ma loq tango ca mangai calô trùh dudan ca hnem rai clôq 'mang. Wì doi ca mangai craq hnem: “Am mangai gu calô ma mùt ta hnem ìh loh ta cô đòiq nhèn tango ti haq.”