1 'Bài Bùa 14:15 - Sech Hadròih

¹⁵ Chuaq jah baxa Is-ra-ên, tìah ca long drê ŏi ta'ne rayaq diac. Haq tabùiq đac xèm da jàn Is-ra-ên loh khoi enh nòi gùng taneh jìang lem, gùng Boc Plình khoi am ca boc yaq wì haq, èh Haq hadai palac đac wì haq pah tau ca Cròng Diac U-phra-tê, ma jah 'màng aih taiq wì haq khoi broq loh dua 'bài 'mù kiac cadrì A-sê-ra đòiq hi broq Chuaq nòih.

1 'Bài Bùa 14:15 Iomraidhean Croise

1 'Bài Bùa 14:9

Ìh khoi broq bìac dù yi hnao dìq dŏng ca 'bài mangai ma adroi ca ìh. Ìh khoi tiaq 'bài can kiac wa tùh dua 'mù wì haq, đòiq broq Au nòih, hi khoi cađac Au enh cloh dađeh.

2 'Bài Bùa 15:29

Ta 'bài hanam da Pêca ma broq bùa Is-ra-ên, Ticlat Phi-lê-se broq bùa A-si-ri trùh blah yŏc Ijôn, Abên-bêt-ma-ca, Ja-nô-a, Cađê, Hatso, Ga-la-at wa Ga-li-lê, xam dìq ca taneh gùng Nep-ta-li. Bùa rùp 'bài jàn ma ŏi ta nòi aih, 'ràng wì haq trùh A-si-ri.

2 'Bài Bùa 17:11

Wì haq bùh jreo xua thùm ta 'bài hnem tadreo roc go ha'nhèq tìah ca jàn Chuaq khoi 'nong lam khoi dèh ca Diac enh ngìa ca wì haq. Wì haq broq bàc bìac ngang dù broq ca Chuaq nòih.

2 'Bài Bùa 17:16

Wì haq cađac bàu thê da Chuaq Boc Plình da wì haq, tùh ca dađeh baiq toq dua 'mù xam 'bo wa jrang dua 'mù kiac cadrì A-sê-ra đòiq cùh waiq. Wì haq hadai cùh waiq mat mahì, mat khê wa mat hlŏng ta plình wa can kiac cadrì Ba-an hòm.

2 'Bài Bùa 17:17

Wì haq bùh rìh dèh con calô con cadrì dađeh ta ùnh. Wì haq lùi tiaq 'bài pajàu kiac dù wa pajàu ngan tì. Wì tech dađeh đòiq broq bìac ngang dù enh ngìa ca Chuaq, wa taleoq ca Haq.

2 'Bài Bùa 17:23

trùh jò Chuaq hnan đac wì haq lam khoi enh ngìa ca Haq, troi Haq khoi doi adroi nhò 'bài mangai capoch thai Boc Plình, aih 'bài hapŏng Haq. 'Màng aih mangai Is-ra-ên 'bìq mangai 'bìq rùp 'nong lam khoi dèh ca Diac cla, lam ta A-si-ri trùh manàiq.

2 'Nhòng Bùa 7:20

èh Au bùiq pì loh khoi enh taneh Au khoi am ca pì. Au cađac Hnem Cùh Waiq cô enh ngìa ca Au, aih hnem Au khoi ràih wìa hadròih ca hiniq Au. Au jah broq hnem cùh waiq aih wìa bìac halê wa bàu jù lê ŏi ta'ne dìq ca jàn.

'Bŏi Calêu Plình 52:5

Mahaq Boc Plình èh jêh đac gè hloi hloi; Haq rùp gè, hwenh gè loh khoi dèh ca nòi traiq, wa bùiq gè loh khoi ca nòi taneh gè 'nang rìh ŏi.

Bàu Rabiaq 2:22

Mahaq mangai dù jah 'bìq hnan đac khoi ca taneh, wa mangai blàq blènh jah 'bìq bùiq đac khoi ta taneh aih.

Jê-rê-mi 24:10

Au thê pla chang gùm, pangot hrah, wa jìq blôh ŏi ta 'ne wì haq, trùh jò wì haq raliang piang khoi ca taneh Au khoi am ca wì haq wa boc yaq wì haq.’ ”

Jê-rê-mi 28:8

'Bài mangai capoch thai Boc Plình adroi ca au wa adroi ca pì, enh calah nèh khoi, doi adroi bìac tajêh poh, bìac ranàc càn, wa jìq blôh, ca bàc taneh bàc Diac dìq jaq càn caiq ta crŏng taneh cô.

Lêwi 26:43

Taneh ma khoi ŏi dech jah padài dìq ca hanam Sabat, tiaq dèh pàng hanam wì haq ma cađac nòi aih. Jò aih wì haq anoq hlài dèh manoh taiq tôiq lôi dađeh, ma jah 'màng aih wì haq tajraq hlài ca bìac ep broq da Au, wa manoh wì haq ramòt ca bàu thê Au.

Amôt 2:9

“ 'Nhac 'màng aih Au khoi jêh đac mangai A-mô-rit ca wì haq, aih adrech mangai ca'nhòng càn 'màng ca long hùang nam wa dêh tìah ca long rayai; Au raliang đac plì haq enh 'nhèq wa riah haq enh 'neq.

Amôt 5:27

Taiq 'màng aih, Au broq ca pì 'bìq 'nong lam broq hapŏng pah tau ca Đamat.” Chuaq doi 'màng aih, hiniq Haq Boc Plình ma wèq dìq ca 'bình plình.

Sô-phô-ni 2:4

Joq 'nàng, Gaxa jah ŏi clôi, Ach-ca-lôn loh ca wang wê; wì jah hnan đac mangai jàn Achđôt jò 'ne hì, Ecrôn 'bìq bùiq đac.

Mathêu 11:7

Jò mangai hŏc tiaq Jon khoi hlài, Chuaq Jêxu men anoi hlài bìac Jon am ca mangai jàn tàng: “Pì khoi lam ngan ta đùng hawit jah hnoq cleq? I joq lam ngan cayeo hlôi long blùm tadroq ùh?

Mathêu 15:13

Haq padreo bàu doi: “Long leq Baq Au ŏi ta Plình ùh pìt, ep bùiq đac.

Luca 7:24

Jò wa mangai hŏc tiaq Jon khoi lam, Chuaq Jêxu anoi bìac Jon am ca mangai pajùm tàng: “Pì lam enh ngan cleq nòi đùng hawit? Ngan long drê 'bìq cayeo hlôi ra'nhùn 'mòh?

Bìac Yiang Hadròih 7:43

Pì khoi tòng gèq cùh waiq da can kiac Molec, wa mat halŏng can kiac Rompha, aih dìq 'bài dua 'mù tì pì broq đòiq cla pì cùh waiq. Taiq 'màng aih, Au 'nong palac pì hangai pah tau gùng Ba-bi-lôn.’

Ranenh Achìh Hlài 28:36

Chuaq 'nong pì wa bùa pì ma khoi tŏc broq enh 'nhèq ca pì, 'bìq rùp lam trùh ta mòiq Diac pì wa boc yaq pì 'nhòq lah 'nì. Ŏi ta aih, pì patìh bìac 'bài can kiac xam long, xam hmu.

1 Sa-mu-ên 12:25

Mahaq tàng pì broq tôiq, èh pì wa bùa pì joq 'nàng phai 'bìq cachìt dŏng.”