1 'Bài Bùa 11:18 - Sech Hadròih

¹⁸ Wì haq cadàu enh Ma-đi-an trùh Paran, hi khoi wì haq rùp toq 'biaq mangai Paran tiaq wì haq, hi lam trùh Aicàp, glàm Pha-ra-ôn bùa Aicàp. Bùa aih am wì haq hnem ŏi, dahwèq caq wa đùng taneh.

1 'Bài Bùa 11:18 Iomraidhean Croise

Bìac Baxèm 14:6

wa jàn Hôrit ŏi ta wang Sirò, trùh nòi Ên-pha-ran ŏi haten ca braih càn.

Bìac Baxèm 21:21

Haq rìh ŏi ta nòi braih càn Paran. Miq haq ta'nèp ca haq mòiq toq mai enh gùng Aicàp.

Bìac Baxèm 25:2

Haq xa-ông ca Ap-ra-ham Ximran, Jocsan, Mêđan, Ma-đi-an, Ichbac, Suah.

Bìac Baxèm 25:4

Con calô da Ma-đi-an, aih Êpha, Êphe, Hanoc, A-bi-đa wa Ênđa. Dìq ca mangai cô raq xinoi da Kê-tu-ra.

1 'Bài Bùa 11:17

mahaq Hađat wa toq 'biaq ngai Êđôm, hapŏng baq haq, cadàu mot ta Aicàp. Jò aih Hađat ŏi 'yoh.

1 'Bài Bùa 11:19

Hađat lem manoh bùa Pha-ra-ôn, taiq 'màng aih ma jah Pha-ra-ôn taprŏi dèh oh mai haq ca Hađat, aih oh cadrì da mai bùa, Tah-pê-ne.

Loh Enh Aicàp 2:15

Pha-ra-ôn hìa bàu aih, haq chaq jêh đac Môise, mahaq Môise khoi mot claih ca Pha-ra-ôn, lam gùng Ma-đi-an, ha'ngui haten ca mòiq toq diac adràm.

Ha-ba-cuc 3:3

Boc Plình trùh enh Têman, Chuaq Hadròih trùh enh wang Paran. Can 'ngah 'ngai Haq ca-iang dìq ca lòp plình, Bàu calêu padèch Ìh atêh jàp ta crŏng taneh.

Sôq Jàn 10:12

Jàn Is-ra-ên hi dŏih 'noh traiq loh enh braih càn Sinai, èh cato yùc yòng jang braih càn Paran.

Sôq Jàn 22:4

Bùa Moap anoi ca mangai broq craq da Ma-đi-an: “Mangai jàn bàc cô èh caq bèn tìah ca 'bo caq nhat ta đùng taneh.” Jò aih Balac, con Xippo, broq bùa Moap.

Sôq Jàn 25:14

Hiniq mangai Is-ra-ên ma 'bìq jêh pajùm ti gù cadrì Ma-đi-an, aih Ximri, con calô Salu ma broq gàu ta mòiq xinoi Si-mê-ôn,

Sôq Jàn 25:18

ma jah 'màng aih wì haq khoi ngan pì tìah ca mangai enh ta'blêq ca wì haq, jò wì haq broq bìac padô 'nùt pì, ta bìac cùh waiq Ba-an da Pêo, wa taiq bìac da Côtbi, con cadrì da mangai broq gàu Ma-đi-an, aih mangai cadrì ma 'bìq jêh ta hì loh bìac ranàc 'mèq, taiq bìac cùh waiq ŏi ta Pêo.”

Sôq Jàn 25:6

Jò dìq ca jàn 'nang creo hmoi jang 'mang Hnem Traiq Cùh Waiq, i mòiq ngai Is-ra-ên ahlài mòiq ngai gù cadrì Ma-đi-an hlài ta hnem dađeh enh ngìa ca Môise wa dìq ca jàn Is-ra-ên.

Ranenh Achìh Hlài 1:1

Cô bàu Môise doi dìq ca jàn Is-ra-ên pah tau cròng diac Jôđan, ta braih càn ta jang ca Sup, ta'ne hagan Paran wa Tôphên, Laban, Hat-sê-rôt wa Đi-xa-hap.

Ranenh Achìh Hlài 33:2

Haq doi: “Chuaq trùh enh Sinai, enh Sirò Haq can 'ngah xreo ngah enh 'nhèq ca jàn Haq, enh wang Paran Haq xreo loh; Haq loh enh ta'ne 10.000 'bình plình hadròih; ta tì pah 'ma da Haq i can 'ngah da ranenh.