1 'Bài Bùa 10:9 - Sech Hadròih

⁹ Manè apôi Chuaq, Boc Plình da bùa khoi lem manoh ìh wa dèch ìh ha'ngui ŏi ta gèq bùa da Is-ra-ên! Ma jah 'màng aih Chuaq loq waq ca jàn Is-ra-ên hloi hloi, 'màng aih Haq khoi dèch atŏc ìh đòiq broq bùa wèq cwìang tiaq bìac ta-atoq.”

1 'Bài Bùa 10:9 Iomraidhean Croise

2 Sa-mu-ên 23:3

Boc Plình da Is-ra-ên khoi doi: Hmu Talach da Is-ra-ên khoi doi ca au: ‘Haq ma wèq cwìang ta-atoq enh 'nhèq ca con mangai, Haq ma wèq cwìang xam manoh loq crè ca Boc Plình.

2 Sa-mu-ên 5:12

Jò cô Đawit canao loq Chuaq khoi yŏc haq tŏc broq bùa Is-ra-ên wa broq Diac haq jah dèch ha'nhèq taiq nen jàn Is-ra-ên, jàn da Boc Plình.

2 Sa-mu-ên 8:15

Đawit broq bùa jàn Is-ra-ên, wèq cwìang tiaq trong jang wa ta-atoq am ca jàn haq.

1 'Bài Bùa 3:28

Jò dìq ca jàn Is-ra-ên tàng bàu bùa doi 'màng aih, wì haq dìq ca jaq iu crè ca bùa, ma jah 'màng aih, wì hnoq bùa i can khôn rabiaq da Boc Plình hadrah ta-atoq.

1 'Bài Bùa 5:7

Jò bùa Hiram tàng bàu aih hi gêh, haq dìq jaq manè apôi haq doi: “Manè apôi Chuaq, hì cô Ìh khoi am ca Đawit mòiq toq con i khôn rabiaq đòiq wèq cwìang enh 'nhèq ca mòiq taneh Diac càn 'màng cô!”

1 'Nhòng Bùa 17:22

Chuaq khoi ràih jàn Is-ra-ên broq dèh jàn hloi hloi, èh Chuaq wìa Boc Plình da wì haq.

2 'Nhòng Bùa 2:11

Hiram, bùa Tirò achìh jàiq padreo bàu tèu bùa Sa-lô-môn: “Taiq Chuaq xa-ŏch dèh ca jàn Haq, ma jah Haq khoi dèch ìh tŏc broq bùa ca wì haq.”

'Bŏi Calêu Plình 18:19

Haq 'ràng au trùh nòi rùng anàh, Chuaq dèch au claih taiq Haq loq waq ca au.

'Bŏi Calêu Plình 22:8

“Haq khoi canòm ca Chuaq đòiq Chuaq dèch haq, ma jah 'màng aih Chuaq bùi manoh ca haq, đòiq Chuaq dèch haq.”

'Bŏi Calêu Plình 72:2

Đòiq au, bùa jah wèq cwìang jàn da Ìh tiaq trong lem jang wa hadrah mangai pa tiaq trong ta-atoq.

Êsai 42:1

“Cô hapŏng au, mangai au ma payòng, mangai au khoi ràih khoi troq manoh ca mahua yiang au. Au khoi đòiq Yiang au ta haq, haq jah pa'noh bìac ta-atoq ca 'bài jàn rìm diac.

Êsai 62:4

Wì pi hìaq creo ca ìh: “Mangai 'bìq cađac,” wa pi hìaq doi: “Taneh Catù;” mahaq jah creo ìh: “Mangai Lem Manoh ca Au,” wa jah creo ca taneh ìh: “taneh khoi i ŏng”. Taiq Chuaq lem manoh ca ìh, èh gùng taneh ìh jah ta'nèp ca Haq.

Êsai 9:6

Ma jah 'màng aih jah xa-ông ca bèn mòiq toq Con Nga; jah am ca bèn mòiq toq Con Calô; cwìang wèq cwìang dìq ŏi ta Haq. Jah hiniq ca Haq: Mangai Tah Bàu Lem Lình, Boc Plình I Cwìang Itai Dìq Dŏng, Baq Hloi Hloi, Chuaq Da Can Catèm.

Êsai 9:7

Cwìang wèq wa can catèm da Haq bàc tam ùh hêq, ta gèq bùa Đawit wa 'bài diac haq, đòiq broq ca taneh diac cajap, wa broq loh ta bìac ta-atoq, pàng manàiq trùh hloi hloi. Manoh dêh nhang da Chuaq ma wèq dìq ca 'bình plình jah broq gêh bìac aih!

Jê-rê-mi 31:3

Enh calah nèh Chuaq mahno loh ca wì haq anoi 'noh doi: “Joq 'nàng, Au khoi loq waq ca ìh xam manoh loq waq hloi hloi; Taiq 'màng aih, Au khoi dùi 'noh ìh xam manoh loq waq wa can xa-ŏch.

Ma-la-chi 1:2

Chuaq doi: “Au loq waq ca pì.” Mahaq pì doi: “Chuaq loq waq ca nhèn 'màng leq?” Chuaq doi: “Êsau ma ùh xài daq Jacôp 'mòh? Mahaq Au khoi loq waq Jacôp;

Ranenh Achìh Hlài 7:8

mahaq aih taiq Chuaq loq waq ca pì, wèq bàu pachac ca boc yaq pì, dài haq Chuaq hnhu tì i cwìang itai dèch pì loh, wa rŏt hlài pì claih enh gùng broq hapŏng dìch, dèch pì claih enh tì Pha-ra-ôn bùa Diac Aicàp.