NEHEMIA 9:2 - PATHIAN LEKHABU IRTHIANG C.L. Bible (BSI)

² Israel namhai chu nam danghai rengata a bingin an oma, an ngîra, an sualnahai le an pi le pu sin insiatnahai ngaidam an irzonga.

NEHEMIA 9:2 Iomraidhean Croise

1 RÊNGHAI 8:47

ni mihai chongchaina chu sâmhaiin lân, kha an omna ram ata an sual an irleta, an insiatnahai ata thupha an hong zongin chu, O Rengpa, an chongchaina lei sâmhai roh.

EZRA 10:11

Khasikin Rengpa nin pi le puhai Pathian kuanga khan ngaidam irzong unglân, a nuamlam sin ta roi; hi rama nam dang le an nupanghai ata hi irdîn ta roi,” a tia.

EZRA 6:21

Israel irchi sala zôk nôkhai le Rengpa Israelhai Pathian zong hranga kha rama Pathian thu zômloi porchena ata irthianga, anni zômhai murdi kha an fâka,

EZRA 9:1

Khahai kha a’rzoiin chu, mi lianhaiin, “Israel mihai le ochaihai, Levi irchihai chu hitaka mihai leh hin ite danglamna boiin, Kanaan hai, Hit hai, Periz hai, Jebus hai, Amon hai, Moab hai, Aigupta hai, Amor hai sintho intirom an itho angin an thoa.

EZRA 9:15

O Rengpa Israelhai Pathian, nang chu ni fela; a la zôk thei kin nia, a vuana keini ang hin, irngai ro, theiloi changin ni kôla kin oma, hihai sikin tûte ni makunga ngîr thei kin iom loi a ni,” ki tia.

EZRA 9:2

An nâinuhai khom an nâipasalhai leh an irneipola; kha irchi irthianghai kha, hi rama mihai leh hin an irneipol tâka; an milianhai le roirêltuhai hi irneinahai hin a tu tak mo an inih ti an ni hong hrila.

NEHEMIA 1:6

Israel irchihai sualna, ni chunga kin inchâina ngaidam ki’rzong sûng hin ni mit mengin ni mikuar lei sungin lân, ni siahlo chongchaina, a sûn a zânin ni siahlo Israel irchihai ki zong pehai hi, le’rngaiin lân; kei leh ka pa in sûng mihai kin sual tâka.

NEHEMIA 10:28

Khan, mi dang, ochaihai, Levihai, mikot hrungtuhai, hlasaktuhai, Nethinim hai le Pathian dân zôm tuma kha rama mihai lak ata irkiang murdihai, an dôngma le an nâihai, a sia le sa inhriat thei dôrhaiin,

NEHEMIA 10:29

an urênghai, an milian hai kha mahai loiin Pathian siahlo Mosia pêk Pathian dân zôm hranga, Rengpa kin Rengpa thupêk murdi le a roirêlnahai le a thu’nkung chu zôm le vonga,

NEHEMIA 13:3

Khanchu hiang hin a nia, dân an irngai zoiin chu Israel mihai laia lei irzêl tâkhai nam dang mihai an zenhaia.

NEHEMIA 13:30

Khaang khan ram dang mihai ata ni’rthiangtirhai, ochaihai, Levihai sin thôna murdia sin tho hrang dân ki zêk pehaia.

INPÂKNA HLAHAI 144:11

Ki râl ata chu ni sansuakin lân; Ram dang mihai kut ata ni saninzôk ro, An bâi khan milak an hrila, An kut chang tiang chu kut chang tiang dik loi a ni.

INPÂKNA HLAHAI 144:7

Chung tianga irthokin ni kutin zun banin lân, Tuilianhai ata ni kaisua’n lân, ni sansuak ro; Ram dang mihai irchamneina ata hi ni saninzôk ro.

THUVÂRHAI 28:13

An siatna irthuphai chu tuanintung ngai mahai. Ip loia inpuanga irlettuhai chu Pathian lungkhamna dong an ti.

ISAIA 2:6

Ni mi Jakoba nâihai hih ni mâkhaia, nisua tianga mihai le, Filistia mihai dôi an hmanga, nam danghai an kop tâk sikin.

JEREMIA 14:20

Rengpa ni chunga kin isual a ni ta; kin sualnahai le kin irchibulhai sualna kin inpuang a ni.

JEREMIA 3:13

Ni itho insual a nih ti le Rengpa ni Pathian chunga ni tehel a nih ti inlang roh. Thingkung hringhai hnuaia nam dang pathianhai lung ni la thung maia, ki thupêk ni izôm loi dânhai irphuang suak ta ro, Keima Rengpa’n ki iti a ni.

DANIELA 9:20

Keima le ni mi Israelhai sualna sikin thuphachôia, chongchaia, thuhrila, Rengpa ki Pathian kuanga Pathian tâng irthiang hranga ki zong lai takin,

HOSEA 5:7

Rengpa chunga vâr irlet takin an ichai a ni, nam dang nâihai an neia; tha thar khan an loihai le ileh irhmangna tung a ti.