NEHEMIA 8:10 - PATHIAN LEKHABU IRTHIANG C.L. Bible (BSI)

¹⁰ Khanchu an kuang khan, “Fe unglân, thil thâi fa unglân thil thum in roi, ite suang hrang boihai hrangin thonhai unglân, a vuan hin Rengpa ta hrangin sûn irthiang a ni, nin milung insiat no unglân; Rengpa chunga lômna kha nin hrâtna a ni,” a tia.

NEHEMIA 8:10 Iomraidhean Croise

1 RÊNGHAI 8:66

Sûn riat nî tena chu Solomona’n mipuihai chu a tîrhai nôk ta, Rengpa khan a siahlo Davida le ar chihai chu sat a vur sikin raifân takin an chîn theia, Solomona chu an inpâk ok a ni.

1 THURCHI SUINA 16:27

Roiinpuina le chôiindômnahaiin a tuama, a hmun irthiang chu, sinthotheina le lômnain a sip.

NEHEMIA 8:11

Khanchu Levi haiin, “Dâihrek roi, a vuan hin sûn irthiang a ni; nin milung inzîngtir no roi,” mipui murdi chu dâihrekin an irngaia.

NEHEMIA 8:12

Khanchu a thu hrilfia kha an inhriat thei sikin mipuihai kha fâk hrang le in hrang, mihai thon hrang le raifân taka omin an chîn thei ta.

ESTHERI 9:19

Khasika khan kho sûnga om Judahai chu Adar tha, tarik sômkhat minli nî hi omnî an neia, raifân takin hruai an inthea, thilpêk an irpêk irhlôm ngai.

ESTHERI 9:22

Hi sûnhaia hin Judahaiin an râlhai ata an zôka, beidong le chardong tha chu raifânna le lômna tha inchang nî a ni. Hruaihai an inthea, raifân taka hmangin fâk nêk irpêk irhlôm hrangin a hrila; mi inriang khom fâk nêk pêk hrangin a hril saa.

INPÂKNA HLAHAI 149:2

Israelhai chu anni siamtu chunga khan lômhai sianlân; Zion nâihai chu an rêng chunga khan lôm ri sehai.

INPÂKNA HLAHAI 89:17

Nang chu an hrâtna roiinpuina ni nia: Ni ikanbîkna sikin chôiindômin kin om ngai.

THUVÂRHAI 17:22

Lungrîl irthafânna hi damna satak a nia; lungrîl ngûina’n chu ru an chârtir ngai.

THUHRILTU 11:2

Ni inpunghai hrang chu hmun dang danga le hmun tamtaka semin lân, hnuai chunga hin i ang siatna mo a hong itung hrang ti nin hriat no sikin.

THUHRILTU 2:24

Mihriam ta hranga satak chu fâk le nêka raifân taka a ihmang hi a ni. Khannisian hi khom hi Pathian ata a nih ti kin hriat suaka.

THUHRILTU 3:13

Khanchu, mi tinin fâk le nêka an sin sôlna murdihai lômtaka an iom chu Pathian thilpêk a ni.

THUHRILTU 5:18

Irngai ta, mihriamhai ta hranga satak ki ihmu chu, Pathianin an hring sûng sôtnote a ipêk sûnga an sintho suakhai fâk le nêka, nunkhonhoi taka an ihmang hi a ni; kha kha mihriamhai tong hranga om chu a ni.

THUHRILTU 9:7

Fe’n lân, lôm takin ni bai fa ro, ni uain chu milung raifân takin in ro; ni sinthohai chu Pathianin a pom tâk sikin.

HLAHAI HLA 5:1

O ki lungdi le ki rualnu, ki’rhuan sûnga ki lûta, rimhoi le mura-hai chu ki’rkhôma; Ki uain tui le ki sehrât irhnutui chu ki ina. Rual lungthung takhaio! fa unglân, in unglân, lungkhamna nin inrui mâsenga chu.

ISAIA 49:5

Ki suak mân khan, siahlo hrangin Rengpa’n a ni lei inkung ta; Jakoba chu hruai kîr hrang le Israelhai chu hruaikhôm hrangin Rengpa’n a ni chôiindôma, ki Pathian chu ki hrâtna hnâr a ni.

ISAIA 61:10

Rengpaa khan lôm tak tak ki ta, ki Pathian chunga hin lôm ok ki ti. Moineitu ochai anga irvô le moi a irvô ang hin, Jerusalem khua chu saninhringna le inhnêna puanin a hong ituam tâk a ni.

JOELA 2:23

Nangni, Zion nâihaio, lôm roi, Rengpa nin Pathiana khan raiinfân roi: rotui masa kha a ruk bakin nangni a pêka, nin ta hrangin rua an thotira, tha khatnaa rua masa le rua hnungkhôn kha.

ZAKARIA 14:21

Jerusalem le Judai ram murdia bêl le bûrhai chu Rengpa Pathian biakna hranga ison ni ta a ti. Thilinhlan inhlantuhaiin thilinhlan hmêhai suangna hrangin hmang an ti. Kha zoro kha a hong tung tena chu Rengpa Pathian tempila khan Kanaan mihai rêng rêng om ta no nihai.

LUKA 11:41

Ni khilât le khêng sûnga thil om kha mi’nrianghai pe unglân chu nin ta hrangin itinrêng a irthiang mai hrang a ni.

2 KORINTH 8:2

Buaina an tonga khan fia tak takin an oma, khannisianlân, an raifânna a lian tak tak sikin inriang tak ni khomhai sian, tikhoina tak neiin pêkna an inei a ni.

FILIPI 3:4

Nuam inlân chu kei khomin pên tianga thil chu ki isong thei kêng. Mi’n pên tiang thil song theia an inhriatin chu kei khom kin hre nôk ual a ni.

THUPHUANG 11:10

Kha inhnihai thi sika khan irnênga omhai lôm an ta, raifânin thilpêkhai irthon irhlôm an ti. Kha deipu inhnihai khan irnênga omhai deng an intheitir ok ngai sikin.

1 SAMUELA 25:8

Ni ruathartehai irdonhaiin lân, nang hril zêl an ti. Khasika khan ruathartehai hi lunginkhamhaiin lân; hruaithe nî sûn takin kin ihong a ni. Irngaihoi takin, ni inei lam ang takin ni suakhai le ni rualpa Davida hi lei pe ro. Davida’n a ti va ti roi,” a tia.