NEHEMIA 4:23 - PATHIAN LEKHABU IRTHIANG C.L. Bible (BSI)

²³ Khaang khan keima khom, ki urênghai khom, ki ruathartehai khom, a ni zuia ni hrunghai leh, tûte’n kin tukrivô irkhek loiin hriamhrei irbel pumin tui tiang khan kin irvâk ngai a ni.

NEHEMIA 4:23 Iomraidhean Croise

NEHEMIA 4:22

Kha lai taka khan, mipuihai laia, “Zâna an ni hrunga, sûna sinthoin tukhom an siahlohai leh Jerusalem sûnga riak ving ri sehai,” ki tia.

NEHEMIA 5:1

Khanchu mipuihai le an dôngmahai chu an urêng Judahai chunga nuarin an khêk sup supa.

NEHEMIA 5:16

Hi kul sintho hrang hin ki om maia, ram khom ite ircho ma unga; ki ruathartehai khom sintho’n kha hmuna khan an iom a ni.

NEHEMIA 7:2

ki urênghai Hanania le Kul irsâng hruaitu Hanania chu Jerusalem kin optira: mi iamom tak, Pathian chi mi a nia.

JOELA 2:8

Irhneng ual loiin; mâni lampuia fe senga: hriamhreihai an paltana, lôi mahai.

1 KORINTH 15:10

Khannisianlân, Pathian lungkhamna sikin ki ini nih ki ni ta. A lungkhamna ni pêk hi a korong ni mak e, tirtôn danghai nêkin ki sin intam kêng, khannisianlân, keima isin ni mah, ki kuanga om Pathian lungkhamna isin a ni ual.

ROIRÊLTUHAI 5:11

Tuikhura irhâi irsê sup sup khan, Rengpa sintho satzia an hril, Israel rama thil roiinpui a itho chu an insîra. Kul mikothaia khom an irbukkhôm tâka.

ROIRÊLTUHAI 9:48

Zalmon tânga khan Abimeleka chu a hong luia, a mihai murdi’n an zuia, Abimeleka’n hrei lian a lâka, thing ôn a tuk thâka, a dâra a’rputa; a mihai kuang, “Ki itho lam ang takin nangni khom tho roi,” a tia.