NEHEMIA 4:2 - PATHIAN LEKHABU IRTHIANG C.L. Bible (BSI)

² Khanchu a urênghai le Samari sipaihai makunga thu a hrila, “Hi Juda mi siat le sahai hin i zât mo an itho? khopui siam insa nôk an itum ma ni? An irbôl thei hrang mo an isôn? Sûn khat sûnga hin hlo mo chuk thei nihai? Sahrok om khômna vai a sa tâk hi, lung kâng zoi saihai hi, an indingthar thei nôk hrang mo?,” a tia.

NEHEMIA 4:2 Iomraidhean Croise

EZRA 4:4

Khanchu kha rama mihai khan Judahai kut an irzaltir pehaia, an inbuaihai ta.

NEHEMIA 12:27

Jerusalem kul an inhlana khan, têngrep hai, perkhuang hai, belem hai le hlasaka lômthu hrila lôm taka inhlanna inkhôm hmang hranga Jerusalema hong hrangin Levihai chu an zong suakhaia.

NEHEMIA 12:43

Kha nî khan irbôlna a sate’n an inhlana, an râi a fân ta taka; Pathianin raifân theina a pêkhaia; nupang le nâipanghai khom an lôma; khanchu Jerusalem lômna chu ram hlatak ata an inhriata.

NEHEMIA 4:10

Khan Juda khan, “Sinthotu sahai an irzala, sahrok lak a tama, kul chu kin isin siam thei ta loi hrang kêng,” a tia.

NEHEMIA 6:15

Khanchu kul kha sûn sômringa sûn hnina, Elul tha sûn sômhni le ringa ni sûn tena chu irzoi a ni tâka.

INPÂKNA HLAHAI 83:4

“Thoi, an nam irhmang rakin inboihai ei ti! Israelhai irhming rêng rêng hi inhriat chiana a om ta loina hrangin,” an tia.

JEREMIA 26:18

“Hezekia kha Judai ram rêng a ni laiin, Moreset mi deipu Mika khan Rengpa itinrêng thothei iti kha mipuihai kha a hrila, ‘Zion chu loi anga inrît inphit chit ni a ta, Jerusalem chu thil saloi bukkhômna ang ni a ta, Tempila ruathartehai chu rampui chang an ti,’ tiin a hrila.

JEREMIA 33:24

“Mihaiin ki inthang, in sûngkua inhnihai Israel le Juda ki ihnôlhai ang khan an lei insîr hi nin hriat ngai mo? Khasikin ki mihai chu hmûsit takin an ni ena, nam ang khomin an ni ibe loi a ni.

DANIELA 9:25

Khasikin Jerusalem inding nôkna siam insat nôkna hranga thupêk a suak ata hriak inthek rêng a om nî tena hapta sari ni a ta, ti inhre thei ro; khan hapta sômruk le hapta hni, kholâi le irnênghai siam ni a ta, zoro buai lai taka khom.

HABAKUKA 3:2

O Rengpa, ni chong kin hriata ki chi tâka, O Rengpa, hi kum sûng hin ni sin tho inthar nôkin lân, Hi kum sûnghai hin inlârtir nôkin lân, Ninginmurnaa khan za’rngaina kha inhre mai roh.

ZAKARIA 12:8

Kha tena chu Rengpa’n Jerusalema omhai chu hrunghai a ta, an laia hrât loi tak khom Davida angin la hrât a ti. Khanchu Rengpa vântirtôn, Pathian ang dên khan, Davida irchi suanpâra mihaiin anni chu la hruaihai an ti.

ZAKARIA 4:10

Thil chîn terek zorohai hi tu’n mo a hmusit? Râifân takin om an ta, Jerubabela kuta dâr irhlûm inkhâi kha an ihmu hrang a nia; Hi sarihai ngei hi Rengpa mit kha an ni saa, irnêng pumpui chunga hin an irvâk vêl ngai, tiin.

1 KORINTH 1:27

Pathianin chu rammual mihai irngaia thil invêthai kha mi vârhai mualinphoina hrangin an thanga, rammuala thil hrât loihai kha thil hrâthai mualinphoina hrangin an thang saa.