NEHEMIA 2:6 - PATHIAN LEKHABU IRTHIANG C.L. Bible (BSI)

⁶ Rengin ki kuang, “I dôr ten mo ni va iom hrang, itik tena mo ni ihong thei nôk hrang?” a tia. Khanchu rêngin lôm takin a nin fetira; keima’n hunbi kin danga.

NEHEMIA 2:6 Iomraidhean Croise

NEHEMIA 1:11

O ki Rengpa lungkham takin ni siahlo chongchaina le nir hming inlômtir hranga nei, ni siahlohai chongchaina hi ni mikuar lei sung ro; a vuan hin ni siahlo hi hlo nin chuktirin lân, hi mihai mithmua hin lungkham takin phûkdâina nin dongin lân,” ki tia. Kei chu rêng khilât inhlantu ki nia.

NEHEMIA 13:6

Khannisian, kha thil a om laia khan, Jerusalema om ma unga, Babulon rêng Artazerzia kum sômthum kum hni an lal kumin rêng kuang ki fea, sûn iza zoia phalna ki zonga

NEHEMIA 2:4

Khanchu rêng khan, “Imo ni izong?” a tia. Khanchu irvân Pathian kuang ki chongchai tâka.

NEHEMIA 2:5

Reng kuang khan, “Rengin a sa a iti lam a niin chu, ni siahlo hin ni mit ki lei tung ngaiin chu, Judai rama ki’rchihai thân omna khuaa nin fetir ro, khua la va inding nôk hi rong,” ki tia.

NEHEMIA 5:14

Kha ti no khomin Judai rama annihai optu hranga inkung ki ni ata, rêng Artazerzia kum sômhni an lal ata kum sômthum inhni an lal kum dênin, kum sômhleihni sûng chu kei le ki urênghaiin ram optu bu vai la ma unga.

ISAIA 58:12

Zoro sôttaka lei siat zoi tâk nin khuahai chu, nin mihaiin lungphûm saina hmuna inding thar nôk an ta, “Kul bang le a sûnga in siam insa nôktu,” nangni ti an ti.

ISAIA 61:4

Matona khua lei ramhai chu inding thar nôk ki ta, a lei chim siat zoihai khom sinsiam nôk ki ta, zoro sôttaka khopui lei ram tâk khom siam insa nôk an ti.

ISAIA 65:24

An ni koi mân, sâmhai ki ta, an hril zoi mân len hre ving ki ti.

DANIELA 9:25

Khasikin Jerusalem inding nôkna siam insat nôkna hranga thupêk a suak ata hriak inthek rêng a om nî tena hapta sari ni a ta, ti inhre thei ro; khan hapta sômruk le hapta hni, kholâi le irnênghai siam ni a ta, zoro buai lai taka khom.