NEHEMIA 13:10 - PATHIAN LEKHABU IRTHIANG C.L. Bible (BSI)

¹⁰ Khan Levihai le, hla saktuhai chu an dongtum an pêkhai no sikin, a ni loi lam tiang an rot tah ti kin hriata.

NEHEMIA 13:10 Iomraidhean Croise

2 THURCHI SUINA 31:4

Rengpa dânin a inphût angin, an zoro nei an hmang theina hrangin, ochaihai le Levi irchihai dongtum thilinhlan chu pe mai hrangin Jerusalema mihai chu Hezekia’n a hrila.

NEHEMIA 10:37

Kin Pathian in tentana ochaihai le kin bai fâk hrang masa tak, kin ngaihoi thilinhlan hrang chi tinrêng rahai le, uain le sahriak chôi hrang hai; kin loia mi sôma inkhat Levi hai pêk hranghai dân kin siama, Levi haiin kin kho sûnga loi tho ngai khua murdia sôma inkhat an lâk ngaia.

NEHEMIA 10:39

Israel irchihai le Levi irchihaiin bu le uain le sahriak vôka thil inhlan chu hmun irthiang bêlbûr le sinthotu ochaihai, mikot hrungtu hai, hlasaktu hai, omna tentana khan an isia hrang a ni; hihai anga hin a ni, kin Pathian in chu masan loi hranga dân kin isiam a ni.

NEHEMIA 12:47

Zerubabela dam lai le Nehemia dam laiin Israel murdihaiin hla saktuhai le mikot hrungtuhai chu a nitina an irhoipui lamin thu an neia: khan Levihai dongtum chu a dangin a siaa; khan Levi haiin Arona nâipahai dongtum an indanglamtir pehaia.

ISAIA 43:23

Hâlirvômna hrangin kêlbelra ni pe mak chea, irbôlnahaiin ite ni chôiindôm mak che. Nin laia thil inhlan chu nangni inphût ma unga, mirimhoi khom nangni insôltir ma ung.

MALAKIA 3:8

Mihriamin Pathian ta kha a inrûk pe hrang ma ni? Khannisian nangni’n chu nin ni inrûk pe ngai? Nangni rêkin chu, Ia hin mo kin inrûk pe? nin tia, Sôma inkhat le thilinhlanhaia hin.

NAMBAR 35:2

“Israel irchihai kha thu pehaiin lân, an ramhaia khan Levi mihai omna hrangin khopui senkhathai kha pe ri sehai. Khakhêla sa vâina hrangin khopui kôlhai khom kha an ipêk sahai hrang a ni.

DÂN INHNINA 12:19

Nin rama nin om sûng chu Levia irchihai hi uksak loiin om no roi.