NEHEMIA 13:1 - PATHIAN LEKHABU IRTHIANG C.L. Bible (BSI)

¹ Kha nî khan chu mipuihai mikuar inhriatin Mosia lekhabu a tepa; hi lai hin Amon mihai, Moab mihai chu Pathian mihai inkhômnaa khan itiklai khomin an iom thei hrang ni mah ti a chuanga.

NEHEMIA 13:1 Iomraidhean Croise

2 RÊNGHAI 23:2

Judai le Jerusalema om ochai le deipuhai, mipuihai, inriang le irchonghai, an rêngin tempila an honga, kha tempila an ihrût thuthung bu kha rêngin an rênga inhriat hrangin a tep suaka.

NEHEMIA 13:23

Kha zoroa khan Juda mi, Asdod, nupanghai, Amon nupanghai, Moab nupanghai, dôngma neihai ki hmua;

NEHEMIA 2:10

Khan Horon mi Sanbalata le Amon mi siahlo Tobia haiin an len hriatin chu Israelhai san hrangin an hong a nih tiin an milung chuk pehai maka.

NEHEMIA 2:19

Khannisian Horon mi Sanbalata le Amon mi, siahlo Tobia le Arab mi Gesema’n haiin an inhriatin chu an nin nuisanin, an ni hmusita, “Nin sintho hi itho sika mo? Reng chunga hin nin tehel nin izong ma ni?” an ni tia.

NEHEMIA 4:3

Khan a kuang Amon mi Tobia khan, “Hong inding ngân ri sehai; Sihal khom luihai sian, an lung irkulnahai chu chim pehai ta no ni mo,” a tia.

NEHEMIA 8:2

Khanchu tha sarina sûn khat nî chu ochai Ezra’n ar bûmhai nu le pa an hriat theihai laia khan dân bu kha a hong chôia.

NEHEMIA 9:3

An omna hmun chita an ngîra, kha nikhua hmun minlia semin, hmunkhat chu Rengpa an Pathian dân bu an tepa; khan hmun minlia sena hmunkhat dang sûnga khan thupha an chôia, Rengpa an Pathian an biaka.

ISAIA 34:16

Rengpa lekha bu zongin lân tep ro, inkhat khom irhmang no ni, chanpui an inei ving hrang a ni. Rengpa’n thu a pêk tâka, a’rtha’n hruai khôm a ti.

JEREMIA 48:1

Hi hi Moab chungthua Rengpa Itinrêngthothei iti chu a ni: “Nebo mihai lungkham an om e, an khopui chu a isiat tâk a ni! Kiriathaim chu lâkpai a ni tâka, a kul roiinpuihai khom insimtir a ni tâka. A mihai chu mualphoiin an oma;

AMOSA 1:13

Rengpa’n hiang hin a ti, “Amon nâihai tho’nchâina inthum sikin, a ni, minli sikin, a hremna kha inboi no ning: an ram an irzat theina hrangin, Gilead khuaa nupang nâi vonghai an ât phorhai sikin:

NAMBAR 22:5

Khasikin Balaka rêngin Amaw rama Eufrates tuidung kôla Pethor-ah om Beora nâipa Balaama kuang mi a tîra, “Irngai ro, nam inkhat Aigupta rengata hong an oma, hmun tin an sip zoi tâka; ki ram kôla hin an oma.

LUKA 10:26

Jisua’n a sâma, “Dân bua mo a chuang? A itak mo nin itep ngai?” a tia.

TÎRTÔNHAI SINTHO 13:15

Dân bu le deipu Lekhabu tep zoi chu Sinagok hruaituhai khan mi an tîra, “Urênghaio, nin ni inthorna hrang thu imo nin neiin chu insîr roi,” an va tia.

TÎRTÔNHAI SINTHO 15:21

Mosia Dân chu tian ata Sabat ni rikipin Sinagoka an insîr ngai ta,” a tia.