MATHAIA 9:2 - PATHIAN LEKHABU IRTHIANG C.L. Bible (BSI)

² Irngai ta, zenginthi inkhat a zâlna le ileh a kuang an hong irzôna. Jisua’n an iamzia a hmu’n zenginthi kuang khan, “Ki nâi, irtharngam takin om roh, ni sualhai ngaidam a ni tâk e,” a tia.

MATHAIA 9:2 Iomraidhean Croise

THUHRILTU 9:7

Fe’n lân, lôm takin ni bai fa ro, ni uain chu milung raifân takin in ro; ni sinthohai chu Pathianin a pom tâk sikin.

ISAIA 44:22

Phâivua’n sûm a isêmpai angin ni sin insiatna ki’rnghila, phâivua’n sûm a isêm irhmang angin nin sualnahai ki sêm irhmangtir ta, khasikin ki kuang hong kîr ta roi, nang a’rtantu ki ni.

MATHAIA 14:27

Jisua’n a lei chongpuihai zôi zela, “Lungirngam takin om roi, keima kêng ki ini, chi no roi,” a ti pehaia.

MATHAIA 4:24

Khanchu, Suria ram murdia a thurchi an thang tâka; damloi murdihai, damloina le natna tinrêng tuanghai, ramilhli ichelhai, hrisangol le zenginthihai, a kuang an hong hruaia, a lei indamhaia.

MATHAIA 6:12

Kin chunga tho insualtuhai kin ngaidam angin, nang khomin kin tho insualnahai ni ngaidam roh.

MATHAIA 8:10

Jisua’n kha kha an hriatin a sân ar khêl a tia, a zuituhai kuang khan, “Thudik nangni ki hril, Israelhai laia hiang dôra iamna nei hi tûte la hmu ma ung.

MATHAIA 8:16

Khohloi a hong ni’n chu a kuang ramilhli ichel tamtak an hong hruaia, Jisua chongbâiin, ramilhlihai kha an hnot suaka, damloi hong murdihai khom kha an damtir sa a ni.

MATHAIA 9:22

Jisua chu a hong irheia, khanu kha a hmua, a kuang, “Ki nâinu, irtharngam takin om roh; ni iamna hi ni idampui a ni,” a tia. Khanchu, kha zoro taka khan a hong dam tâka.

MATHAIA 9:5

‘Ni sualhai ngaidam a ni ta’ ti le ‘Thoiin lân fe ta roh’ ti hi, a kho hi moh ti a ol ual?

MATHAIA 9:6

Mihriam Nâipa hin irnêng chunga hin sualhai ngaidam theina ircham a nei ti nin inhriat theina hrangin,” a tia. Khanchu, zenginthi kuang khan, “Thoiin lân, ni zâlhmun lan lân, ni ina fe ta ro,” a ti pea.

MARKA 1:32

Kha khohloi, misa tâk hnung chu, damloi murdi le ramilhli ichelhai a kuang an hong hruaia.

MARKA 10:49

Jisua a ngîra, “Hong koi u ta”, a tia. Khan mitchopa kha an hong koia, a kuang, “Lungirngam takin omin lân, thoi roh, nang a koi,” an ti pea.

MARKA 5:34

Jisua’n a kuang, “Ki nâinu, ni iamna hi ni idampui a ni, irtharngam takin fe tan lân, ni natna ata kha hong dam suak ta ni ti,” a tia.

MARKA 6:50

Ama an hmua an rêngin irtha tâk rakin an oma. Voikhat rengin Jisua’n an kuang, “Lungirngam takin om roi! Keima kêng ki ni, chi no roi,” a ti pehaia.

JOHANA 16:33

Keimaa irtharngamna nin hmûna hrangin nin kuang hi thu hi ki insîr a ni; rammuala hin intak nin tuang ngai; khannisian hâi takin om roi! Keiin rammual kin hnê ta,” a tia.

JOHANA 2:25

Mi thurchi tûte’n inhril ngai mahai, an milung sûnga om murdi kha a inhriat zit a ni.

JOHANA 21:5

Jisua’n an kuang, “Nâihaio, ite nin iman loi mo?” a tia. Anni khan, “Man viat ma ung,” tiin an sâma.

TÎRTÔNHAI SINTHO 14:9

Kha pa khan Paula thu’nsîr kha a’rngaia, Paula’n a en chiana, damna hrangin iamna a nei ti an hriatin,

TÎRTÔNHAI SINTHO 19:12

Paula’n a lei ihmang ngai hmâihuina le a puan silhai kha dam loihai kuang an chôia, an natnahai a boi pehai ngaia, an sûnga ramilhli ten khom an suak ngai.

TÎRTÔNHAI SINTHO 23:11

Kha zân khan Rengpa kha Paula kôla a ngîra, “Hâi takin om roh; Jerusalema ki thu ni ihril ang takin Rom khuaa khom ni ihril hrang a ni,” a tia.

ROM KHUAA MIHAI KUANGA TÎRTÔN PAULA LEKHATHON 5:11

Kha vai khom kha ni mah, atûna irngeina ni pêktu ei Rengpa Jisua Krista zâra Pathiana ei ilôm a ni.

JAKOBA toc2 JAKOBA 2:18

Mi tu khôkin mani, “Mi inkhatin iamna a neia, mi dangin sintho a nei,” ti a ti. Khannisian, keima sâmna chu, “Itin mo, mi’n sintho boiin iamna a inei thei lam nir hmu roi; keima’n chu sintho’n ki iamna nang irhmu ki ti,” ti hi a ni.