MATHAIA 8:4 - PATHIAN LEKHABU IRTHIANG C.L. Bible (BSI)

⁴ Jisua’n a kuang, “Tûte kuang insîr no roh, aniachu Ochai kuang va fe’n lân, ni dam ngêt tih mihaiin an inhriat theina hrangin Mosia’n irbôlna thilinhlan hrang a inkung kha inhlan roh,” a tia.

MATHAIA 8:4 Iomraidhean Croise

ISAIA 42:21

Rengpa’n a dikzia inlangna hrangin A dân chôiindôma roiinpui a inuam a ni.

LEVI DÂN 13:49

a êm angin mani, a sen angin mani ni’n an langin chu, phâr hri an darh zât a nia, ochai inentir hrang a ni.

MATHAIA 10:18

Keima sikin hruaituhai le rênghai makunga la ngîr nin ti, anni leh Jentailhai chu Thurchi Sa nin insîr pehai theina hrangin.

MATHAIA 16:20

Khanchu, Mesia a nih ti tûte hril loi hrangin irchutirhai kha thu a pêkhai ta.

MATHAIA 17:9

Khanchu tâng ata an zuang chumin chu Jisua’n an kuang, “Mihriam Nâipa thina ata a thoinôk mâka chu nin thil hmu hi tûte hril viat no roi,” tiin thu a pêkhaia.

MATHAIA 3:15

Khannisianlân, Jisua’n, “Atûn hin a sa ti chian ro, hianga Pathianin a inuam murdi ei tho zit hrang a ni,” a tia. Khanchu, Johana’n a sa a ti tâka.

MATHAIA 5:17

“Dân thua mani, Deipuhai thua mani, insiat hranga zuang ni iam no roi, insiat hrang ni loiin irkiptir hranga zuang kêng ki ini.

MATHAIA 6:1

“Nin thil sa thohai kha mihriam makunga, an hmu hranga tho loi hrangin irdîn roi; khano’nchu nin Pa irvâna mi kuang lômman hmu no chin ni.

MATHAIA 9:30

Kha hnung chu an mit a hong vâr pehai ta, Jisua’n ngar takin an kuang, “Hi thu hi tûte hril no roi,” tiin chong a bêhaia.

MARKA 13:9

“Nangni chu irdîn roi; ichel la ni nin ta, roirêltuhai kuang hruaiin la om nin ti. Sinagoka zêm phiar ni nin ta, anni Thurchi Sa nin insîr pe theina hrangin ki’rhming sikin roirêltuhai le rênghai makunga la ngîr nin ti.

MARKA 3:12

Khanchu a thurchi kha tûte inhrilhai loi hrangin a khaphai ngita.

MARKA 5:43

Jisua’n an kuang, tûte kuanga insîr loi hrangin hê a bêhaia a khapa, “Fâk rua pe roi,” a ti saa.

MARKA 6:11

Kho khua khomin nangni lôm loia, nin thu an irngai no’n chu, marak unglân, nin kea vâiphin kha hui tha roi. Kha kha an ta hrangin irningna ni a ti,” a tia.

MARKA 7:36

Khan, Jisua’n mipuihai kuang, tûte hril viat loi hrangin thu a pêka, khannisianlân, a khap lia an inpuang li lia tâka.

MARKA 8:30

Kha hnung chu a thurchi kha tûte hril viat loi hrangin a khaphai khaka.

MARKA 9:9

Tâng rengata an zuang chum laiin Jisua’n an kuang, “Mihriam Nâipa mithi lai ata a thoinôk mâka chu nin thil hmuhai kha tûte kuang hril no roi,” tiin a hrilhaia.

LUKA 17:14

Anni kha a hong hmuhaiin chu, “Fe ta unglân ochaihai van entir roi,” a tia. Khaanga an fe lai khan an hong irthiang tâka.

LUKA 21:13

Kha kha nin ta hrangin Thurchi Sa hril inchumna zoro la nih a ti.

LUKA 4:41

Khan, “Pathian Nâipa ni ni,” tia khêkin ramilhlihai khom mihai sûng ata an suak tâka. Krista a ni tih an inhriat sikin. Jisua’n ramilhlihai kha chong hrang phalhai ma.

LUKA 5:14

Khan, Jisua’n a kuang, “Tûte inhril no roh, aniachu, Ochai kuang van entirin lân, mi tinin ni dam tâk ti an inhriat theina hrangin, Mosia dân angin irbôlna inhlan roh,” a ti pea.

LUKA 8:56

A nu le pa khan ar khêl an ti tak taka, khannisianlân, thil om lam kha mi dang hril a khap khaka.

LUKA 9:21

Khan, Jisua’n hi thu hi tûte kuang insîr loi hrangin thu a pêka.

JOHANA 5:41

“Mihriam inpâk zong ma ung.

JOHANA 7:18

Tukhom mâni iphuachôpa thu insîrtu chu mâni roiinpuina a izong a ni. Khannisian a tîrtu roiinpuina zongtu chu iam a oma, amaa dik loina rêng rêng om mah.

JOHANA 8:50

Keima roiinpuina hrang zong ni ma ung, a zongtu le a ngaituatu chu inkhat a om.