MATHAIA 7:14 - PATHIAN LEKHABU IRTHIANG C.L. Bible (BSI)

¹⁴ Hringna mikot chu a chîna, a lampui khom ar chêpa, a hmutuhai khom tômte an ni.

MATHAIA 7:14 Iomraidhean Croise

INPÂKNA HLAHAI 16:11

Nangin hringna lampui kha nin hretir ni ta, ni makunga chu râifâna sip lêtin a oma; ni kut chang tiang chu kumkhuaa lômna hrang a om.

THUVÂRHAI 8:20

Felna lampui ki hroa, Dikna lampuihai ki zuia,

ISAIA 30:21

Chang tiang mo, vei tiang mo nin fe hrangin chu, “Ama hi lampui dik chu a ni, hi hin fe roi,” nin hnunga hong thiai thiai a ti.

ISAIA 35:8

Khatak khan lamlian om rum a ta, “Lampui irthiang,” ti an ti. Mi porinchehai fe no nihaia, hi hi a nih anni fena hrang lampui chu, a fe murdi, mi’ntohai khom hruai irhmang no nihai.

ISAIA 57:14

Hiang hin a ti: Buk inpông roi, lamlian siamin irnêng inpôngtir roi, ki mihai fena hrang sât infâi roi.

JEREMIA 6:16

Rengpa’n a mihai kuang, “Lamsuamhaia ngîr unglân, hei thîr hi roi, tianlaia lampui dik omna irdonhai roi. Kha khan fe unglân, irtharngam takin lêng roi,” a tia.

MATHAIA 20:16

Khanchu, Jisua’n, “A hnungkhônhai chu a masa tak la ni an ta, a masa takhai chu a hnungkhôn tak la ni an ti,” a tia.

MATHAIA 22:14

Khan, Jisua’n, “Fialhai chu tamtak an nia, khannisianlân, inthanghai chu tômte an ni,” a tia.

MATHAIA 7:13

“Mikot irchêpa khan lût roi, irhmangna mikot chu a’rzata, a lam khom a hoia, kha lampuia fehai chu tamtak an ni.

MATHAIA 7:15

“Deipu dolhai ata irdîn roi, khahai kha belra vun silin nin kuang an hong ngai; an sûng tiang chu inê ang an ni.

MARKA 8:34

Khan, Jisua’n mipuihai le a irchutirhai kha a koihaia; an kuang, “Tukhom a ni zui nuam ka chu mâni irnghilin, a Kros irputin ni zui ri se.

LUKA 12:32

Pôl tômtehaio, chi no roi, Ram nangni pêk hi nin pa nuamlam tak a ni.

JOHANA 16:2

Sinagok haia nangni kêlsua an ta; nangni that tumtuhaiin Pathian sin an itho anga an bê zoro la hong tung a ti.

JOHANA 16:33

Keimaa irtharngamna nin hmûna hrangin nin kuang hi thu hi ki insîr a ni; rammuala hin intak nin tuang ngai; khannisian hâi takin om roi! Keiin rammual kin hnê ta,” a tia.

TÎRTÔNHAI SINTHO 14:22

“Intakna tamtak tuangin Pathian Rama ei ilût hrang a ni,” tiin iamtuhai lungrîl an indettira, iamna kha chel khak hrangin an inthorhaia.

ROM KHUAA MIHAI KUANGA TÎRTÔN PAULA LEKHATHON 12:2

Hi rammual om lam ang hin om no unglân, Pathian nuamlam, a sa le lôm inruk le satirkip kha nin inhriat infel theina hrangin, nin lungrîl a thara omin hong danglam ta roi.

ROM KHUAA MIHAI KUANGA TÎRTÔN PAULA LEKHATHON 9:32

Itho sikin mo? Iamna’n zong loiin sinthoa hmu an tum sika a ni. Tûkna lunga khan an itûk tâk a ni.