MATHAIA 7:13 - PATHIAN LEKHABU IRTHIANG C.L. Bible (BSI)

¹³ “Mikot irchêpa khan lût roi, irhmangna mikot chu a’rzata, a lam khom a hoia, kha lampuia fehai chu tamtak an ni.

MATHAIA 7:13 Iomraidhean Croise

IRPHUTNA 6:12

Khanchu Pathianin irnêng chung hi a ena, irngai roi a isiat zoi tâk kêng, taksa om murdihai hin an omdân a isiat zoi tâk a ni hi teh a tia.

IRPHUTNA 6:5

Khan Rengpa’n irnênga a mihriam siamhai sual dân chu a’rkhêl hrai a nih ti le, an lungrîl ngaituana murdi hi sual ringot a nih ti a’rhriat suaka.

THUVÂRHAI 16:25

Mâni irngaia lam dik ni le irhoia inlang, khannisian a mongna chu thina khom a om.

THUVÂRHAI 7:27

A ina ni fe’n chu mithi khua pan ang kha ni ni. Thina lampui nâitak chu a ni.

THUVÂRHAI 9:6

Nin môlna kha masanin lân, hring ro. Khante, inhriatna lampui kha zui ro,” tiin.

ISAIA 1:9

Itinrêng Rengpa’n a dam sun tômte hi chu nihai no sianlân, Sodom khua ang khan irhmang zoi ei ti, Gomora khua angin om ei ti.

ISAIA 35:8

Khatak khan lamlian om rum a ta, “Lampui irthiang,” ti an ti. Mi porinchehai fe no nihaia, hi hi a nih anni fena hrang lampui chu, a fe murdi, mi’ntohai khom hruai irhmang no nihai.

ISAIA 55:7

Mi sualhaiin an omdân chu masanhai sian, mi tukhomin an ngaituana sual mâksanin, Rengpa tiang hong kîrhai sian, len renhai mai a ti; ei Pathian hi mi ngaidam nuam tak a ni.

MATHAIA 23:13

“Nangni Dân irchutirtu le Farisai vârirlethaio, nin chung a rik! vân Ram lampui kha mihai nin khâr pehai ngaia; nangni lak lût mak chêia, a lût hranghai khom an ilût lak phal mak chêi.

MATHAIA 25:41

“Kha zoia chu, a vei tianga mihai kuang khom khan, ‘Khosâl tonghaio, kumkhuaa mei, diabola le a siahlohai ta hranga lei siama khan ni rotsan roi.

MATHAIA 25:46

“Kha mihai kha, kumtuang hremnaa fe an ta, mi felhai chu kumtuang hringnaa fe an ti,” a tia.

MATHAIA 3:2

“Irlet roi, Irvân Ram anai tâk e!” a tia.

MATHAIA 3:8

Nin sualhai ata nin irlet ngêt a nih ti inlang hrangin sin tho roi.

MATHAIA 7:14

Hringna mikot chu a chîna, a lampui khom ar chêpa, a hmutuhai khom tômte an ni.

LUKA 14:33

Khaang dênin nangni laia mi khom a inei murdi a mâk zit no’n chu ki irchutir ni thei no ni.

LUKA 9:33

Mihai khan Jisua an mâksan tôn chu, Petera’n a kuang, “Irchutirtu, hitaka om hi ei ta hrangin a sa, kairêng inthum sin ki ta, nangma ta hrang inkhat, Mosia ta hrang inkhat, Elija ta hrang inkhat,” a tia, (kha thu kha imo a iti khom a inhriat infel loi a ni.)

JOHANA 10:9

Keima hi mikot chu ki ni. Tukhom keimaa lût chu inzôkin om a ta, lûtin suak a ta, fâk hrang hmu sa ti.

JOHANA 14:6

Jisua’n a sâma, “Keima hi lampui le thutak le hringna ki ni, keimaa fe no chu tukhom Pa kuang tung ngai mahai.

TÎRTÔNHAI SINTHO 3:19

Khasikin nin sualhai irlet unglân, Pathian tiang hong kîr nôk roi.

ROM KHUAA MIHAI KUANGA TÎRTÔN PAULA LEKHATHON 9:22

Khaang khan Pathianin a tho ngai, a ninginmurna le a sinthotheina inlang nuam khomsian, a ninginmurna dongtu bêl irhmang zôi zâthai chu a tuang zâm zâma,

2 KORINTH 4:4

Hi rammuala pathian saloi khan an milung inchong inthima a sia pehai sikin an iiam loi a ni. Krista, Pathian angna neitu roiinpuizia Thurchi sa vâr an chunga zuang inlang kha an hmu loina hrangin an mit a incho pehai a ni.

2 KORINTH 6:17

Khasikin, “Anni laia irthokin hong suak unglân, A bingin om roi, Thil porinche rêng rêng tôn no roi, Rengpa’n a ti. Khanchu, nangni pom ki ti.

GALATIA 5:24

Jisua Kristaa omhai khan an taksa irzukna hai le nuamna hai khan an hembe ta a ni.

FILIPI 3:19

Khahai mongna hrang chu siatna a ni, fâk hrang hi Pathiana an bêa, an inzakpui hrang thilhai kha an song uala, rammual thil ringot an ingaitua a ni.

1 JOHANA 5:19

Rammual pumpui hi Mi sualpa thuhnuaia om sian khom Pathian ata suak ei nih ti ei inhriat.

THUPHUANG 12:9

Khanchu, dragon lianpa, rûlpui tar, Diabola le Setana an iti, rammual pumpui inlemtu kha an paithâk ta. Irnênga an paithâka, ama vântîrtônhai khom an paithâk sa.

THUPHUANG 13:8

Irnêng le irvân siam mâna that tâk Belrate hringna bua irhming chuanghai ti no’n chu irnêng chunga om mi murdi’n chubai mûk an ti.

THUPHUANG 20:15

Tukhom hringna lekhabua ar hming chuang loi ka chu meidîla khan an pai thâk sa ta.

THUPHUANG 20:3

Khurmongboia khan a pai thâka, a khura kum sângkhat a hek mâka chu nam tin a huang loina hrangin a kal khak tâka. Kha hnung chu zoro sôtnote hrangin insua nôk ni a ti.