MATHAIA 7:11 - PATHIAN LEKHABU IRTHIANG C.L. Bible (BSI)

¹¹ Khanchu, nangni mi sualhai luan nin nâihai thil sa pêkna châng nin inhriatin te, nin Pa irvâna mi khan a nghituhai kha thil sa a ipêk intam ual hrang mo ni ma!

MATHAIA 7:11 Iomraidhean Croise

IRPHUTNA 6:5

Khan Rengpa’n irnênga a mihriam siamhai sual dân chu a’rkhêl hrai a nih ti le, an lungrîl ngaituana murdi hi sual ringot a nih ti a’rhriat suaka.

IRPHUTNA 8:21

Khan Rengpa’n, kha rimhoi kha an hriata, Rengpa’n a lungrîlin, “Irnêng chung hi chu mihriam sikin khuasâl ta no ninga, mihriam lungrîl ngaituana hi an chînte ata an sual sikin, atûna ki isoisak ang hin chu thilhring murdihai khom hi soisakhai ta no ning.

2 SAMUELA 7:19

O Rengpa Pathian hi khom hi nangma mithmua chu thil chînte ni a ti, khannisian kum tamtak la hong tung hranga ni suak irchi suanpârhai hong om mai hrang lam lei hrilin, O Rengpa Pathian thoithar la hong om hrang kha ni nir hmutir tâka.

JOBA 15:16

Mihriam sualna le porchena sip tui in anga sualna intuhai chu a iiam thei ngân hrang mo!

INPÂKNA HLAHAI 84:11

Rengpa Pathian kha misa le phô a ni: Rengpa khan lungkhamna le roiinpuina nang pe a ta: Diktaka omhai ata chu thil sa rêng rêng inhnar no ni.

INPÂKNA HLAHAI 85:12

A ni, Rengpa khan thil sa pêk a ta; Kin ram hin a thil mông chu pe sa a ti.

INPÂKNA HLAHAI 86:15

Khannisianlân, O Rengpa, nang chu Pathian, inrennaa sip, lung nin kham theitak, milung ir-ial, lungkhamna le thutaka sip ni ni.

INPÂKNA HLAHAI 86:5

Rengpa, nang chu ni saa, ngaidam ni nuama, Nang a koitu murdi chunga lungkhamna ni sip ngai a ni.

ISAIA 49:15

Nu’n a nâi irhnûk lai moh irnghil thei ni? A rîla ra mo irnghil thei ni? nuhaiin an nâihai an irnghil ngai khomin, keima’n chu nangni irnghil viat no ning.

ISAIA 63:7

Rengpa khonzazia dân hi hong hril nôk ki ti. Keima hranga a sin tho murdihai hi, Israel in sûng mihai hranga a isa lam hi lungkhamna ni vur mai ngai sikin, Ama inpâkin hla sak ki ti.

JEREMIA 17:9

Mihriam lungrîl hi thil dang nêka porinche tak a nia, siam insa tak tak a ni, Tu mo an hriat thei hrang?

JEREMIA 33:14

Khan Rengpa’n, “Israel in sûngkua le Juda in sûngkuahai laia ki chonginkung kin tungna hrang nikhua chu a hong nâi thiai ta a ni.

HOSEA 14:2

Rengpa kuanga khan kîr nôk unglân, a kuanga khan hiang hin insîr ro: a tho’nsualna murdi kha la paiin lan a sa ka kai kha pom ro; khanchu ei hmûr rahai kha sehrât chalpa irthûlin ki hong inhlan e.

MIKA 7:18

Nang anga pualoina ngaidamtu le irchon dongtum la omsun, tho’nsualna lôipaitu Pathian tu mo om? A ninginmurna kha vong mai ma, lungkhamnaa a lôm tak tak ngai sikin.

MALAKIA 1:6

Sipaihai Rengpa’n nin kuang, “O Ochai, ki’rhming hmusittuhai, nâipa’n a pa an zaa, siahloin a hruaitu: khaanga pa ki niin chu, kho mani nin ni inzâna? hruaitu ki niin chu, kho mani nin ni ichina? Nangni’n chu, ‘kho mani nir hming kha kin ihmusit?’ nin tia.

MATHAIA 23:9

Irnêng chunga hin tûte ‘Ka pa,’ ti no roi, pa inkhat vai irvâna nin nei sikin.

MATHAIA 7:10

Nga nghi sianlân, tu mo mirûl pe hrang?

JOHANA 3:16

Pathianin rammual lung a thung tak taka, khanchu, a Nâipa khât neisun a pêka, ama iam tâk ka chu irhmang loia kumtuang hringna an neina hrangin.

ROM KHUAA MIHAI KUANGA TÎRTÔN PAULA LEKHATHON 3:19

Dân thuhai chu Dân hnuaia omhai chunga hmang hrang a nih ti ei inhriat; tûte’n ite an insîr thei loina hrang le rammual hi Pathian roirêla a omna hrangin.

ROM KHUAA MIHAI KUANGA TÎRTÔN PAULA LEKHATHON 3:9

Khante eini Judahai hi ei isa bîk ma ni? Nâi sâi mak e! Judahai le Grikhai chu sual suaka om zit ei nih ti kin insîr infel tâk kha te:

ROM KHUAA MIHAI KUANGA TÎRTÔN PAULA LEKHATHON 8:32

Ama Nâipa ngei khom hôi loia ei rênga hranga pêktu khan itinrêng manboiin a ni ipêk sa loi hrang ma ni?

GALATIA 3:22

Khannisianlân, Pathian Lekha thu khan, “Itinrêng hi sual thuhnuaia a om ta,” a tia; khanchu Jisua Krista iam sika dong hrang thil inkung kha a iam murdi kuang pêk a ni.

JAKOBA toc2 JAKOBA 1:17

Thilpêk sa le thilpêk irkip chu irvâna irthoka danglamna le irthûlna nei viat ngailoi Pathian, irvâna vâr Siamtu kuanga irthoka zuang chum ngai a ni.

1 JOHANA 3:1

Irngai u ta, Pa lung ni thungna hi a lûminna bâka! Pathian nâihaia a ni ibe tâk hi; khaang kha ei hong ini kêng. Hi sika hin rammualin nin hre ma, ama kha an inhriat no sikin.

1 JOHANA 4:10

Hi ngêt hi a ni lungthungna chu: Eini’n Pathian lung ei ithung ni loiin, Ama’n lung a ni thunga, ei sual thuphachôina hrangin a Nâipa a zuang tîr tâk a ni.