MATHAIA 6:9 - PATHIAN LEKHABU IRTHIANG C.L. Bible (BSI)

⁹ Khanchu, nangni chu hiang hin chongchai roi: ‘Kin Pa, irvâna mi, Ni’rhming mahripin om ri se, Ni Ram zuang tung ri se.

MATHAIA 6:9 Iomraidhean Croise

2 SAMUELA 7:26

Itinrêng sinthei Pathian chu Israelhai Pathian a nia tiin nir hming chu kumtuangin chôiindômin om ri se. Khanchu ni suak Davida in sûngkua khom ni makunga indetin om ri se.

1 RÊNGHAI 8:43

An izong chu sâmhaiin lân, khanchu, rammuala mi murdi’n ni mi Israelhai ang dênin nang an inhriat theina hrangin. Hi tempil ki isin hi nangma chubai mûkna a nih ti an inhriat theina hrangin.

1 THURCHI SUINA 17:24

Ni’rhming roiinpui a ta, ni mihaiin itinrêng Rengpa hi Israelhai hrangin Pathian tak a lei ni tâk hi; la ti an ti. Kin lalna khom hi kumtuangin indet ni ti.

2 THURCHI SUINA 20:6

Inring takin a chongchaia, “O Rengpa, kin irchibulhaiin Pathian sinthothei tak ni ni, tûte chelthung thei ni mak che.

NEHEMIA 9:5

Khasikin Pathian biak hranga koihai chu; Levi mi, Jesua le Kadmiela hai, Bania hai, Hasabneia hai, Serebia hai, Hodia hai, Sebania hai, le Pethahia haiin, “Ngîr unglân, Rengpa nin Pathian chu kumtuanga hrangin inpâk roi. Chôiindômna le inpâkna murdiin a iphâk loi irhming roiinpui chu inpâkin om ri se,” an tia.

INPÂKNA HLAHAI 111:9

Ama khan a mihai kuang irtanna a zu tîra, A thuthung chu kumkhua hrangin an kunga; A’rhming chu a’rthiangin a roiinpui a ni.

INPÂKNA HLAHAI 115:3

Kin Pathian chu irvâna a oma; A inuam nuam a isin a ni.

INPÂKNA HLAHAI 72:18

Rengpa Pathian, Israelhai Pathian chu, inpâkin om ri se, Ama vai hin sinirkhêl a tho ngaia:

ISAIA 37:20

Rengpa atûn hin a kut ata ni sansuakin lân, khanchu rammual murdia mihaiin nang vai hih Rengpa chu ni nih ti nan hre ving an ti,” a tia.

ISAIA 57:15

Hmun irsânga om, kumtuanga hring, mi irthiangin hiang hin a ti: Hmun irthiang irsângtaka om khom inlân, mi thuhnuairôl le irsîrhai kuang chu, chôiirsâng le nin har nôk hrangin ki om mai ngai.

ISAIA 6:3

“Itinrêng Rengpa chu a’rthiang e, a’rthiang e, a’rthiangliai, irnêng pumpuia a roiinpuina’n a sip,” tiin an irsam irhlôm, an irsam irhlôma.

ISAIA 63:16

Nang chu kin pa ni nia, Abrahama’n nin hre pha mah. Nang chu, Rengpa, kin pa ni nih. Itiklai khoma ni sûnghualtu ni nih.

ISAIA 64:8

Nang chu, Rengpa kin Pa ni nih, keini hi, pilbêl kin nia, nangma hi a vuaktu ni nih; kin rêng hin ni kut suak kin ni.

ISAIA 66:1

Rengpa’n hiang hin a ti: “Irvân ki rêngtoihmun a nia, irnêng hi ki ke irnghatna a ni; i anga in moh nin ni isin pe hrang, khôn mo ki iom hrang?

EZEKIELA 36:23

Khan ki’rhming roiinpui tak irthiangzia nam tinhai laia nin lei porinchetir tâk kha ki târinlang tena chu Rengpa ki nih ti inhre ta an ti, kei Rengpa Pathianin ki iti a ni. Nangma chu nam tinhai laia ki’rthiangzia inlangtirtu ni hrangin nang hmang ki ti.

EZEKIELA 38:23

Khaang khan nam tinhai kuang ki sinthotheina le ki’rthiangna chu inlangtir ki ti. Kha tena chu Rengpa ki nih ti inhre thei ta an ti,” a tia.

LEVI DÂN 10:3

Mosia’n Arona kuang, “Rengpa’n hi chungchânga hin hiang hin a ti; ‘Ki sinthotuhaiin chu ki irthiangna hi an iuksak hrang a ni. Ki mihai makunga ki roiinpuizia inlangtir ki ti,’ a ti lele kha te,” a tia. Arona chu a dâihreka.

HABAKUKA 2:14

Tuikhanglian kha tuihaiin a isip angin, Rengpa roiinpuina inhriatna khan irnêng hi a isip hrang a ni.

ZAKARIA 14:9

Khan Rengpa chu irnêng chung murdia rêngin om a ta; mi tinin Pathian angin ama chu biak an ta, ar hming khom inkhat vai ni a ti.

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

MATHAIA 10:29

Chongzong inhni poisa khatin nin irchôk thei, khannisian, an laia inkhat lua nin Pa thu ni no’n chu irnênga ta no ni.

MATHAIA 23:9

Irnêng chunga hin tûte ‘Ka pa,’ ti no roi, pa inkhat vai irvâna nin nei sikin.

MATHAIA 26:29

Nangni ki hril, ka pa Rama nangni leh uain thar ki in nî a tung mâka chu hi uain hi in nôk ta no ning,” a tia.

MATHAIA 26:42

A va fe nôka, a chongchaia, “Ka Pa, hi tuangna khilât hi ki in noa, khâipai thei a ni no’n chu, nangma ircham ni ri se,” a tia.

MATHAIA 5:16

Khaang dênin nin vâr kha mi mit hmu’n vâr ri se; khanchu, nin thil tho sahai kha hmu an ta, nin Pa irvâna mi chôiindôm thei an ti.

MATHAIA 5:48

Khanchu, nin Pa irvâna mi a sa irkip angin nangni khom nin isa irkip ngêt hrang a ni.

MATHAIA 6:14

“An tho’nsualnaa mihai nin ngaidamin chu, nin Pa irvâna mi khomin nangni ngaidam a ti.

MATHAIA 6:6

Nangni’n chu nin chongchai zoro’n, nin chontan sûngrîla lût unglân, in khâr unglân, nin Pa mita hmu theiloi kuanga khan chongchai roi. Khanchu, inrûka nangni hmu ngaitu khan nangni thuan a ti.

MATHAIA 7:11

Khanchu, nangni mi sualhai luan nin nâihai thil sa pêkna châng nin inhriatin te, nin Pa irvâna mi khan a nghituhai kha thil sa a ipêk intam ual hrang mo ni ma!

LUKA 15:18

Thoi lik ki ta, ka pa kuang fe ta ki ta, a kuang, ‘Ka pa, Pathian chunga le ni chunga ki itho’nsual ta a ni.

LUKA 15:21

A nâipa khan, ‘Ka pa, irvâna Pathian chunga le ni chunga thil ki tho’nsual a ni, ni nâipaa irti inruk ni ta ma ung,’ a tia.

LUKA 2:14

“Anchungtaka khin Pathian roiinpui takin om sianlân, Irnênga a lômhai kuang irngeina lêng ri se,” an tia.

JOHANA 20:17

Jisua’n a kuang, “Ni tôn no roh, Pa kuang khom la hong fe ma ung; khannisianlân, ki urênghai kuang va fe’n lân, an kuang, ‘Ka Pa, nin Pa, Ki Pathian, nin Pathian kuang kâi hrang ki ni’ a ti, ti roh,” a tia.

ROM KHUAA MIHAI KUANGA TÎRTÔN PAULA LEKHATHON 1:7

Pathianin a lungthung le ama mi irthiang ni hranga a ikoi Rom khuaa mihai chubai nangni ki mûk a ni. Pathian ei Pa le Rengpa Jisua Krista kuang ata lungkhamna le irngeina nin kuang om ri se.

ROM KHUAA MIHAI KUANGA TÎRTÔN PAULA LEKHATHON 8:15

Nin Irtha dong kha suak anga ichia nangni inomtir nôk hrang ni loiin nâia nangni siam hranga Irtha a ni ual; khasika khan, “Abba! ka Pa” tiin ei ikhêk suak ngai a ni.

GALATIA 1:1

Kei Paula, tirtôn, mihriam itîr ni loi, mihriam inkung khom ni loi Jisua Krista le mithi lai ata ama kaithoitu Pa Pathian inkungtu hin,

GALATIA 4:6

Nâi nin nih ti a felna hrangin, Pathian khan a Nâipa Irtha kha ei milung sûnga a hong tîra, “Abba, Ka pa” tiin a khêk suak ngai.

1 TIMOTHEA toc2 1 TIMOTHEA 6:16

Ama vai hi thi theiloi, nâisâiloi zât, vâra om, tûte la ihmu loi le hmu thei ni sa loi kha a ni, a kuanga chôiindômna le sinthotheina kumtuangin om ri se. Amen.

1 PETERA toc2 1 PETERA 1:17

Theibîk nei loia mi tin an sintho ang taka ngaitua petu kha “Pa” tia nin koiin chu, hi rammuala nin om sûng hin ama chi pumin om roi.

THUPHUANG 4:11

“Kin Rengpa le Kin Pathian! Roiinpuina le chôiindômna, sinthotheina hai hmurua ni ni, Nangma’n thil tinrêng ni siama, Ni’rchama om le a hring an ni,” an tia.

THUPHUANG 5:12

Khahai khan hnukirhai inring takin, “Belrate that tâk hi, Sinthotheina hai, irchongna hai, vârna hai, hrâtna hai, chôiindômna hai, roiinpuina hai le inpâknahai hmurua a ni,” an tia.