Biblia Todo Logo
Bìoball air-loidhne

- Sanasan -




MATHAIA 6:5 - PATHIAN LEKHABU IRTHIANG C.L. Bible (BSI)

5 “Nin chongchai khomin mi vârirlethai angin tho no roi; mi’n an hmu theina hrangin Sinagok haia, kholaidung haia, ngîr puma chongchai an ngaipoimo ngai. Thudik nangni ki hril, an lômman chu an hmu zoi ta.

Faic an caibideil Dèan lethbhreac




MATHAIA 6:5
34 Iomraidhean Croise  

Ki Reng le ki Pathian, ki khêkirhai hi le’rngaitua roh; Ni kuanga chongchai ki ni hi.


Khohloi hai, zînga hai, sûna hai, ki lunginzîngna thu kin sîrin inrûm ki ta: Khanchu, ama’n ki’rhâi irngai a ti.


Mi pualoihai irbôlna chu, Rengpa ta hrangin intirom a nia, mi felhai chongchaina chu a ifel a ni.


Lungrîla lârirpâk murdi chu Rengpa hranga intirom an ni; dengtheina tuang loiin insua no ni.


Ni ngênin nin bân phar khom unglân, ki mit nangni insîngsan ki ti, chongchai sabak khom unglân, ki mikuar sung no ning.


Khanchu ki’rhming irlam nin ta, ki kuanga hongin chongchai nin ta, nangni sâm ki ti.


Daniela’n a thu irziak kha irhming irziak a ni tah ti an hriatin in sûnga a lûta, a itho ngai angin sûn khata voithum a khûksadela, a chongchaia, a Pathian kuang lômthu a hrila.


Nin iamin chu chongchaia nin inghi murdi chu hmu nin ti”, tiin a sâma.


“Nangni Dân irchutirtu le Farisai vârirlethaio, nin chung a rik! vân Ram lampui kha mihai nin khâr pehai ngaia; nangni lak lût mak chêia, a lût hranghai khom an ilût lak phal mak chêi.


An sintho murdi kha mihai hmu hrangin kêng an itho ngai; an bân khit le michal khitnaa Pathian chong irziakhai hi en u ta, an inhrol vang na! An songkol irfual irvonahai khom hi en u ta, an sei vang na!


Hruaithena hmuna toina satakhai, Sinagoka toina langsârhai, dukana chubai irmûk hai,


“Nin thil sa thohai kha mihriam makunga, an hmu hranga tho loi hrangin irdîn roi; khano’nchu nin Pa irvâna mi kuang lômman hmu no chin ni.


“Bu nin nghei zoro khomin mi vârirlethai angin ngûi hmêl irput no roi; anni’n chu mi mit hmu’n bu nghei an inlangtir theina hrangin ngûi hmêl an irput ngai. Thudik nangni ki hril, an lômman chu an hmu zoi ta.


Khanchu, lungkham thilpêk nin pêkin, mi vârirlethaiin mi inpâk an hlo theina hrangin Sinagokhai le kholaidunghaia an itho ngai angin ni matona bekul tum no roh. Thudik nangni ki hril, an lômman chu an hmu zoi ta.


Khasikin a bu ât hranga sintho hranghai tîr hrangin, bu Neitupa kuang khan nghi roi,” a tia.


Khan, chongchai hranga nin ngîr rikipa, tu chunga khom nuarna nin nei khomin ngaidam roi, nin pa irvâna mi khomin nin inchâinahai nangni a ngaidam theina hrangin.


A’rchutirhai pumin an kuang, “Dân irchutirtuhai ata irdîn roi, anni chu songkol irfual innghâka chai an nuam ngaia, bazar haia, chubai irmûk an irngaiirsânga.


Nangni Farisaihaio, nangni lan tak pe ti, Sinagoka toina satakhai le dukanhaia chubai mûk nin irngaiinhlu ngaia.


Khan, beidong loia chongchai mai mai hrang a nizia chongirkhekin Jisua’n a hrila.


“Khâzana irfuangtu chu inhnung tiang a ngîra, irvân tiang khom tang ngam maka, ‘O Pathian, keima mi sual hi lung nin kham roh,’ tiin a rôp ar chûm tâka.


Hi mihai hin meithâi sum fa pe zoia, mi hmu hrangin vai, sôt tak tak chongchai ngaihai hin hremna tuang ual an ti,” a tia.


“Nangni irchonghaio, nin chung a rik e, inhoina murdi nin hmang zoi tâk sikin!


Atûn ten ki’rhmingin ite la zong mak chêi; zong roi, khanchu hmu nin ti, nin lôm ar kip theina hrangin” a tia.


Chongchai mai unglân, Pathian chu nin innang rikipin zong unglân, Irtha hruai ang takin, itiklai khom chongchai roi. Nin chongchainaa khan mi irthiang murdi hrangin mongloiin zong roi.


mongloiin chongchai unglân,


Khasikin, Pathianin lungkhamna a ni ipêk hi a lian ual. Pathian Thubu’n, “Pathianin lârirpâkhai a doia, Irngaiintômhai chu lung an kham ngai,” ti a ni.


Lean sinn:

Sanasan


Sanasan