MATHAIA 6:16 - PATHIAN LEKHABU IRTHIANG C.L. Bible (BSI)

¹⁶ “Bu nin nghei zoro khomin mi vârirlethai angin ngûi hmêl irput no roi; anni’n chu mi mit hmu’n bu nghei an inlangtir theina hrangin ngûi hmêl an irput ngai. Thudik nangni ki hril, an lômman chu an hmu zoi ta.

MATHAIA 6:16 Iomraidhean Croise

2 SAMUELA 12:16

Davida’n nâite ta hranga khan Pathian kuang a chongchaia, bu a ngheia, a tentana a lûta, zânsôt irnênga a zâl raka.

2 SAMUELA 12:21

A mi lianhai khan a kuang, “Ni thil tho hi itina mo a ini? Nâite a la dam lai khan bu ni ngheia, ni chapa, khannisian nâite a thi leh chu ni thoia, bu ni inêk tâk hi,” an tia.

1 RÊNGHAI 21:27

Elija’n kha thu a hril zoiin chu Ahaba khan a puansil an potthêra, bora puan a sila, bu a ngheia, bora puan leh a zâla, ngûi takin a om tâka.

NEHEMIA 1:4

Khan hiang hi a nia, kha thu kha kin hriatin chu ki toiraka, ki chapa, sûn iza vêl mani chu a sân ki ngûipuia; bu ki ngheia, irvân Pathian makunga ki chongchaia,

ESTHERI 4:16

“Fe’n lân, Susa khuaa Juda om murdi koi khômin lân, ki ta hrangin a sûn a zânin bu ngheiin sûn thum sûng chongchai roi. Ki siahlo dôngmatehai leh hin keini khomin khaang khan chongchai kin ti. Kha zoia chu dân ni no khom sian rêng makunga ki thi le ki thi irhuamin, va fe ki ti,” a tia.

INPÂKNA HLAHAI 109:24

Ki’rkhûkhai hi bu nghei sikin a’rzal tâka; Ki takpum hi ru le vun vai a ni ta.

INPÂKNA HLAHAI 35:13

Keima’n chu an dam no’n bora ki sila: Bu ki ngheia, kûn chian chianin ki chongchaia.

INPÂKNA HLAHAI 69:10

Ki chapa, bunghei puma ki hringna ki sep le, Ama kha mi hrilinsiatna a lei ni ngai.

DANIELA 9:3

Bu ngheiin, bora puan hai, vâiphin irthua chongchaina le zongin, Rengpa Pathian tiang ki hor heia.

MALAKIA 3:14

Pathian sintho hi mâkana a ni: a chonginkung ei izôm le sipaihai Rengpa makunga ning nin inthik tâka. ei ilêng hen hi imo a’rfêna om?

MATHAIA 6:1

“Nin thil sa thohai kha mihriam makunga, an hmu hranga tho loi hrangin irdîn roi; khano’nchu nin Pa irvâna mi kuang lômman hmu no chin ni.

MATHAIA 6:2

Khanchu, lungkham thilpêk nin pêkin, mi vârirlethaiin mi inpâk an hlo theina hrangin Sinagokhai le kholaidunghaia an itho ngai angin ni matona bekul tum no roh. Thudik nangni ki hril, an lômman chu an hmu zoi ta.

MATHAIA 6:5

“Nin chongchai khomin mi vârirlethai angin tho no roi; mi’n an hmu theina hrangin Sinagok haia, kholaidung haia, ngîr puma chongchai an ngaipoimo ngai. Thudik nangni ki hril, an lômman chu an hmu zoi ta.

MARKA 2:18

Johana irchutirhai le Farisaihai bu nghei ni khan mi tuhai manni an honga, a kuang, “Itho sika mo Johana irchutirhai le Farisai irchutirhaiin bu an ngheia, ni irchutirhaiin chu an inghei loi?” an hong tia.

LUKA 18:12

Hapta tin bu ki nghei ngaia, ki inei murdi sôma inkhat ki pêk ngai,’ a tia.

LUKA 2:37

Kum sômriatminli a meithâi tâka. Ama khan Tempil rotsan loiin bu a nghei hena, sûn zân chongchaiin Pathian a biak ngai.

TÎRTÔNHAI SINTHO 10:30

Kornelia khan, a vuan hin a sûn minlina a ni ta, atûn ang zoro hi chohnung dâr thuma ki chongchai laiin; irngai ta, mi inkhat puan chek sil ki kuang a hong ngîra,

TÎRTÔNHAI SINTHO 14:23

Koiindang tina upahai an thangpui thiaia bu ngheiin an chongchaia, an iiam Rengpa kuang an inkoltir maia.

1 KORINTH 7:5

Chongchai hranga nin irpêk theina hrang le nin irhmun nôk theina hrangin bongtea hrangin a sa nin ti seng seng no’n chu, nin irchamneina irchu irhlôm no roi; khano’nchu, nin irdîn zoi nona sikin Setana’n nangni an thêm itinin.

2 KORINTH 11:27

Sin intamin ki buaia, fâkrua ki’rsam mai ngaia, silkai boiin phalbi dâi ki tuang ngai.

2 KORINTH 6:5

Zêm bitin, intângna ina khumin le mipui zêmin kin oma; sinsôlin, inmu inhnâiin le bu ngheiin kin om ngai.