MATHAIA 6:10 - PATHIAN LEKHABU IRTHIANG C.L. Bible (BSI)

¹⁰ Ni nuamlam irvâna mi’n an isin angin, irnênga mi’n sin ri se.

MATHAIA 6:10 Iomraidhean Croise

NEHEMIA 9:6

Israel mipuihai chu hiang hin an chongchaia, “Rengpa, nangma vai hi Rengpa ni nia, irvân le a sûnga om murdihai leh, irnêng le a sûnga om murdihai le, tuikhanglian le a sûnga om murdihai ni kut suak a nia; khan irvân tianga omhai khomin chubai nang an mûk ngaia.

INPÂKNA HLAHAI 2:6

Rengpa’n “Keima ngeiin ki tâng irthiang Zion-a khan, Ki rêng inthang chu ki intoitir a ni ta,” a tia.

INPÂKNA HLAHAI 40:8

O ki Pathian, ni nuamlam tho hi ki nuamlam tak a ni; A ni, ni dân thu chu ki milunga a om maia,” ki tia.

ISAIA 2:2

Zoro hnungkhôna chu Rengpa in omna tâng chu, tâng roiinpui tak ni a ta, tâng tinrênghai khêl a ta, Nam tinrêng hong nuam an ti.

JEREMIA 23:5

Khan Rengpa’n, “Davida irchia mi fel, rêng chang hranga kin thang zoro a hong itung thiai a ni. Rengin vâr takin sintho a ta.

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

DANIELA 4:35

Khan irnêng luatu murdihai hi ite bêa bê loi a ni. Irvân sipai rualhai laia chu ama thutak a nia, tûte’n ama kut chu irngamtir thei ni ma, nangin te itin mo ni ti? ti lua irdon ngam mahai.

DANIELA 7:13

Zân inlârnaa khan irngai ro, vân sûmlâia zuang mi inkhat mihriam nâipa anga om ki hmua, kumtuanga om pa kuanga khan an hong hruaia.

DANIELA 7:27

Khan ram le roirêlna, irvân pumpui hnuaia ram roiinpuina chu inchungtak mi irthianghai kuanga pêk ni a ti: a ram chu ramhlu a ni sikin, a iop ram murdi’n a sintho an ta, ama iam an ti.

ZAKARIA 9:9

O Zion nâinu, a sân nin raiinfân roi; O Jerusalem nâinu, raifânin khêk roi. En ta ni rêng chu ni kuang a zuang e! Ama chu mi dik a nia, saninzôkna neiin irngaiintôm takin sakuartung chunga, Sakuartungte chung ngeia zuang chuangin.

MATHAIA 12:50

Tukhom ka Pa irvâna mi nuamlam thotuhai hi ki urênghai, ki farnuhai, ka nuhai an ni,” a tia.

MATHAIA 16:28

Thudik nangni hril ki ti, hitaka ngîr senkhathai hi, Mihriam Nâipa, inlal taka a zuang an hmu mâka chu thina irtem loi hrang an om,” a tia.

MATHAIA 26:42

A va fe nôka, a chongchaia, “Ka Pa, hi tuangna khilât hi ki in noa, khâipai thei a ni no’n chu, nangma ircham ni ri se,” a tia.

MATHAIA 3:2

“Irlet roi, Irvân Ram anai tâk e!” a tia.

MATHAIA 4:17

Kha tena khan Jisua’n, “Irlet roi, irvân Ram chu anai tâk e,” tiin a hril irphut tâka.

MATHAIA 7:21

“‘Rengpa, Rengpa,’ ni ti narânhai chu irvân Rama lût no nihaia, ka Pa irvâna mi nuamlam thotuhai kêng an ilût hrang.

MARKA 11:10

Ram zuang tung hrang ei pa Davida ram chu inpâkin om ri se; Anchungtaka khin Hosana,” tiin an khêka.

MARKA 3:35

Tukhom Pathian nuamlam thotuhai kha kêng, ki urênghai, ki farnuhai, ka nuhai an ni,” a tia.

LUKA 19:11

Kha thu kha an irngai lai khan Jerusalem khom a hong nâi tâk sikin le Pathian Ram kha zuang tung zel hrangin an iam sikin, hi chongirkhek thu hi Jisua’n an sîr tâka.

LUKA 19:38

“Rengpa irhminga hong chu, inpâkin om ri se, Irvâna irngei lêng sianlân, Anchungtaka khin roiinpuina om ri se,” an tia.

LUKA 22:42

“Ka pa, sa ni ti’n chu, hi khilât hi ni lapai pe roh, khannisianlân, keima ircham ni loiin nangma ircham ni ual ri se,” a tia.

JOHANA 4:34

Jisua’n an kuang, “A ni tîrtu nuamlam sin le a sintho zoi hi ki bu a ni.

JOHANA 6:40

Ka Pa nuamlam chu hi hi a ni; Nâipa hmua ama iam murdi’n kumtuang hringna an neia, anni kha zoro hnungkhôna chu kaithoihai ki ti,” a tia.

JOHANA 7:17

Tukhom Pathian nuamlam tho nuam chu, ki thu irchutir hi Pathian kuang ata mo, keima iphuachôp moh ti inhria an ti.

TÎRTÔNHAI SINTHO 13:22

Ama kha a hnôl hnunga khan an rêng hrangin Davida a siam ta. Kha chungchâng kha Pathianin hiang hin an sîr. “Davida, Jesaia nâipa, ki lungchuk mi ki hmu ta, ama khan sin hranga ki inuam murdi sin a ti,” a tia.

TÎRTÔNHAI SINTHO 21:14

Inthêm thei a ni no tena chu, ‘Rengpa ircham cham ni ri se,’ kin tia, kin chîn tâka.

TÎRTÔNHAI SINTHO 22:14

Ama khan, ‘Ei irchibulhai Pathianin a nuamlam inhriata Mi feltak kha hmua, a hnuk irhâi ngêt inhre hrangin nang an thang ta.

ROM KHUAA MIHAI KUANGA TÎRTÔN PAULA LEKHATHON 12:2

Hi rammual om lam ang hin om no unglân, Pathian nuamlam, a sa le lôm inruk le satirkip kha nin inhriat infel theina hrangin, nin lungrîl a thara omin hong danglam ta roi.

EFESI 6:6

Mihriam inlômtir tumtuhai ang dêna an hmu lai ringota sin loiin Krista suak ni irhoiin lungrîl takin Pathian nuamlam tho unglân,

KOLOSA 1:13

Ama khan inthim irchamneina ata a ni san suakin, a Nâipa lungthung taktu rama khan a ni hruai inlût ta a ni.

KOLOSA 1:9

Khasika khan irtha tiang vârna le inhriat thiamna tinrêng nuamlam nin inhriat irkip theina hrangin, nin thurchi kin inhriat ni ata chongchai le ngên pe mong ma ung.

1 THESALONIKA 4:3

Pathianin irthiangliai hrang le irdit mapai hrangin nangni a inuam a ni.

1 THESALONIKA 5:18

itinrênga lômthu hril mai roi. Hi hi Krista Jisuaa khan Pathianin nin tho hranga a inuam chu a ni.

HEBRAI toc2 HEBRAI 1:14

Khante, vântîrtônhai hi imo an ni? Vântîrtônhai chu irtha Pathian sinthohai an nia, saninhringna hmu hranghai changpui hranga tîr suakhai an ni.

HEBRAI toc2 HEBRAI 10:36

Pathian nuam lam nin sina, a inkung kha nin hmu theina hrangin diarna nin inang a ni.

HEBRAI toc2 HEBRAI 10:7

Khanchu keima’n, ‘O Pathian, Dân lekhabua ki thurchi irziak ang khan, Ni lungdo sin hrangin keima hin ki om’ ki tia,” a tia.

1 PETERA toc2 1 PETERA 2:15

Ite inhre loihai thu’nsîr inmôl kha thil sa thoa nangni in-ôktir hrangin Pathianin a inuam a ni.

1 PETERA toc2 1 PETERA 4:2

Atûn rengata chu taksaa nin hring sûng chu mihriam irzuknahai irzûl ta loia Pathian nuamlama om theina hrangin.

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

THUPHUANG 12:10

Kha hnung chu, irvâna hnukirhai inring takin, “Atûn chu ei Pathian saninhringna le a Reng ninaa a sinthotheina le a Krista irchamneina hai kha a zuang tung ta! Ei Pathian makunga ngîrin, a sûn a zâna ei urênghai hnôl ngaitu kha irvân ata an paithâk tâk sikin.

THUPHUANG 19:6

Khanchu, mipui tamtak hnukirhai angin le tuitâk irhai angin le khonripui irhai angin, “Haleluia, Rengpa ei Pathian Itinrêngthothei khan roi a rêl ta!

THUPHUANG 20:4

Khan, rêngtoihmunhai ki hmua, a chunga mi an toia, kha a toihai kuang khan roirêl thei hrangin irchamneina pêkin an om. Khabana, Jisua inhriatpuitu an nina sik le Pathian thu an inpuangna sika an lu an itan pehai irtha kha ki hmu sa. Anni khan sahrâng le a’rlim chubai mûk mahaia, sahrâng irsinsiana kha an michala mo an kuta mo se mahai. Khahai kha an hong hringa, kum sângkhat sûnga hrangin Krista leh roirêlin an om ta.