MATHAIA 5:44 - PATHIAN LEKHABU IRTHIANG C.L. Bible (BSI)

⁴⁴ Keiin chu nangni ki hril; ni râlhai kha lungthungin lân, deng nangni intheitirtu chu chongchai pe ro,

MATHAIA 5:44 Iomraidhean Croise

2 RÊNGHAI 6:22

Elisa’n, “Khandai le thala nin irdoipuia nin ichelhai lua that loiin te, an fâk hrang bu le tui pehaiin lân fâkin inhai sianlân, an pu kuang tiang inkîrtirhai ro,” a tia.

INPÂKNA HLAHAI 7:4

Ki rual chu sualnaa thuan ki lei ni’n chu, Dikloi taka ki râlhai inzôk mani ki ni’n chu.

THUVÂRHAI 19:11

Irngai thiamna nei mi’n chu, a ningmur an suai thei ngai. Mi tho’nsualna uksak loi hi roiinpuina a ni.

LUKA 23:34

Jisua’n, “Ka Pa, annihai hi ngaidam roh, an sintho hi inhre mahai” a tia. A silkaihai kha tasânin an irsema.

JOHANA 13:34

“Thupêk thar nangni ki pêk; lungirthung irhlôm roi; keiin lung nangni ki ithung ang hin nangni khom lungirthung roi.

TÎRTÔNHAI SINTHO 16:28

Khannisianlân, Paula khan inring takin a khêka, “Ite irlo no roh, kin rêngin hin kin la om zit hi te,” a tia.

TÎRTÔNHAI SINTHO 7:60

Khûksadelin, inring takin “Rengpa, hi an sintho insual hi inhre pehai mai no roh,” a tia. Kha thu kha an sîr zoiin chu a hrang a chat tâka. Saula khomin an ithat kha a pompuihaia.

ROM KHUAA MIHAI KUANGA TÎRTÔN PAULA LEKHATHON 12:14

Deng nangni intheituhai chu satvurhai unglân, khua sâlhai no roi.

1 THESALONIKA 5:15

Tukhomin tu sual khom suala thuan loi hrangin irdîn unglân, itiklai khomin thil sa tho’rhlômin mi murdi chunga thil sa tho mai roi.

1 PETERA toc2 1 PETERA 2:23

Mi ingo’n a om laiin ngo nôk ngai maka, dik taka roirêl ngaitu Pathian kuanga khan tûngna a inkoltir tâk a ni.

1 PETERA toc2 1 PETERA 3:9

Sual kha sualin thuan no unglân, khuasâlna khom khuasâlna’n thuan loiin satvurhai roi; satvurna dong hrang kêngin Pathianin nangni a ikoi.

1 SAMUELA 24:17

Kha hnung chu Davida kuang khan, “Nangma ni dika, keima ki idik loi a ni, nangin chu ki chunga thil sa ni thoa, keima’n chu thil saloi ni chunga ki itho a ni.