MATHAIA 5:4 - PATHIAN LEKHABU IRTHIANG C.L. Bible (BSI)

⁴ “Irtha’nvâihai chu an vân a sa e, irtharngam la ni an ti.

MATHAIA 5:4 Iomraidhean Croise

ISAIA 12:1

Kha ni tena chu hiang hin ti ni ti: “O Rengpa, nang kin pâk, ki chunga hin ni ning an mura, Khannisian ni ningmur insum mak chea, Irtharngam ni ni saka.

ISAIA 25:8

Rengpa Pathianin thinahai chu invol a ta, a mihai mitrithi hui infâi a ti; rammual pumpuia a mihai inhnêa omhai khom om ta no ni, Rengpa’n kha kha a insîr tâk a ni.

ISAIA 30:19

Nangni Zion tânga mi Jerusalem khuaa omhaio, chap nôk ta no chin ni; changpui innanga nin khêk irhâi an hriatin chu nangni inren a ta, nangni donsui a ti.

ISAIA 35:10

Rengpa irtanhai hong kîr an ta, zâipumin Zion pan an ta kumtuang lômna changin om an ti. Râifân lômin sip an ta, beidong le chapna om ta no ni.

ISAIA 57:18

An omdân chu kin hriat vinga, khannisian an natnahai indam pehai ki ta, hruaihai ki ta, sanhai mai ki ti, lusûn tuanghai irtharngam sakhai ki ti.

ISAIA 66:10

Jerusalem tuangpuituhaio, lômpui unglân, hi khopui indittuhaio, lôm ving roi.

ISAIA 66:2

Thil tinrêng hi keima kut ngêia ki isiam an nia, khanchu an hong oma, Rengpa thusuakin a ti. Ki ihmu nuamhai hi tuhai moh an ini? Lungrîla irngaiintôm le irsîra ki hê lâkhai hi kêng an ini.

EZEKIELA 7:16

Khannisianlân, khataka hong suak theihai chu, tânga om an ta, an rênga sualna chunga irtha’nvâi takin sûn an ti.

EZEKIELA 9:4

Khan, Rengpa’n a kuang, “Khopui chu irfangin lân, Jerusalem chu irfangsuak ro; a sûnga thil porinche an thoa poi tia chap tâkhai chu an michala irsinsiana sia ro,” a tia.

ZAKARIA 12:10

Davida irchi suanpâra mihai le Jerusalema mihai chunga khan khonzâna le chongchai nuamna irtha chu buak ki ti. Khanchu an lei isun that tâk kha en an ta, mi’n a nâi khât a ichâ angin ama chu la châ an ti. Nâilutîr sûntuhai angin a sân la sûn an ti.

LUKA 16:25

“Abrahama’n chu, ‘Ki nâipa, nangin ni dam laiin thil sa inzen ni donga, khaang dênin Lazara’n thil saloi inzen a idong kha inhre mai ro ba; atûn chu ama chu irtharngam takin hi hin a om ta, nang chu natna tuangin ni iom tâk a ni.

LUKA 6:21

Nangni atûna phîngchâmhaio, nin vân a sa, Nin la khop hrang sikin! Nangni atûna chaphaio, nin vân a sa, nin lan nui hrang sikin.

LUKA 6:25

Nangni atûna khophaio, nin chung a rik e, nin phîng a la châm hrang sikin! Nangni atûna innuihaio, nin chung a rik e, beidongin nin la ichap hrang sikin!

LUKA 7:38

Jisua hnung tiang a ke bula a ngîra, a chapa, a mit irthîn a kehai a zunga, a samin a huia, a ke kha a tuma, a sahriak mirimhoi kha a pol tâka.

LUKA 7:50

Khan, nupang kuang khan, “Ni iamna hin nang a isaninhring a ni, irtharngam takin fe ta ro,” a tia.

JAKOBA toc2 JAKOBA 1:12

Fiana tonga, ngîr indet khak mi chu a vân a sa, fiaa a om hnungin Rengpa’n ama lungthungtuhai pêk a inkung, chôiindômna lukhum, hringna kha, a ichang hrang a ni.

THUPHUANG 21:4

“An mit ata mitrithi murdi huipai pehai a ti. Thina om ta no nia, beidongna hai, chapna hai le natna hai khom om ta no ni; thil miluihai kha a boi zoi ta,”, a iti kin hriat.