Rengpa chia, a thu lâkhaiin chu, a thuhril hi irngai roi, nin u le sanghaiin nangni en nuam mahaia, Rengpa roiinpuina chu hor lang ri se, nin lôm ngân moh inhre thei kin ti! an la ti mai mualphoi irla an ti.
Khua inkhat ata an nuam nuamin nangni an lo’n chu, kho danga rot pat roi. Thudik nangni ki hril, Mihriam Nâipa a zuang mân Israel ram kho murdia nin sintho zoi no chin ni.
“Kha tika chu inlaltak rêng khan a chang tianga mihai kuang, ‘Hong roi, ka pa satvurhaio, hong unglân, rammual siam irphut ata nin ta hranga ram sinsiam kha chang roi.
Khannisianlân, Jisua’n kha kha a hmu’n chu a ning an mura, a irchutirhai kuang, “Nâipangtehai kha ki kuang inhongtirhai unglân, khaphai no roi, Pathian Ram chu hiang mihai ta kêng a ini.
hi dam sûng renga hin in mani, urênghai mani, farhai mani, nu mani, pa mani, nâihai mani, ramhai mani, a bâk irza’n hmu an ta, dengintheina le, zoro la hong hranga kumtuang hringna hmu sa a ti.
Khannisianlân, kha thilhai kha a hong tung mân nangni chel an ta, Sinagokhaia hruaiin, intângna ina nangni khum an ti, deng nangni an inthei hrang a ni. Ki’rhming sikin rênghai le roirêltuhai makunga nangni hruai an ti.
Suak a pu nêkin roiinpui mah ti thu nin kuang ki insîr kha inhre mai roi. Anni’n deng an ni inthei ang khan nangni khom deng nangni lan theitir an ti; ki thu an zômin chu nin thu khom zôm an ti.
Saula khom khan Stefana thi kha a sa a ti saa. Kha nikhua ata khan Jerusalem-a Koiindang kha deng an theitirhai tâka. Khanchu, tîrtônhai vai no chu Juda le Samari ram kho tina an indarh zit tâka.
Khanchu, doituhai chu i ang khomin chi loiin, hâitakin om unglân; khanchu, nangni inhnê no nihaia, inhnêhai nin ti, kha kha anni ta hrangin irhmangna a nih ti irsinsiana feltak ni a ti; asan chu inhnêna nangni petu kha Pathian a ni.
Antiokei-a hai, Ikoniona hai le Lustra khua haia dengintheina le intakna tak tak ki chunga zuang tunghai dengintheina hai ki ituang irkhêlzia le khatak ata Rengpa’n a ni isansuak thu hai kha nin hriat.
Fiana tonga, ngîr indet khak mi chu a vân a sa, fiaa a om hnungin Rengpa’n ama lungthungtuhai pêk a inkung, chôiindômna lukhum, hringna kha, a ichang hrang a ni.
Diar taka tuangtu kha vânsa ei irti a ni. Joba tuangdiarzia nin inhriata, Rengpa’n a hnungkhôna a pêk dânhai nin inhriat. Rengpa kha za’rngaina le lungkhamna’n a sipa.
Ni tuang hranghai hi ite chi no roh. Irngai ta! nin laia mi senkhat intângna ina khumin Setana’n nangni a ifia hrang a ni. Khante, sûn sôm dengthei nin ti. Thina dênin keimaa iamomin om roh, khanchu inhnêna lômmanin hringna rêng lukhum nang pe ki ti.