MATHAIA 4:3 - PATHIAN LEKHABU IRTHIANG C.L. Bible (BSI)

³ Khanchu, Setana kha a honga, a kuang, “Pathian Nâipa ni ni lele’n chu hi lung hi bai chang hrangin thu pe ro,” a tia.

MATHAIA 4:3 Iomraidhean Croise

FESUAKNA 16:3

Israelhai khan an kuang, “Aigupta rama hmê bêl kôla kin toi lai le bai khoptela kin fâk lai khan Rengpa kuta kin ithi ni sian chu o! atûn nangni lakin ramchâra hin phîngchâma thi hrangin mipui irbukkhôm murdi hi hin nin ni hong hruaia,” an tia.

MATHAIA 14:33

Khanchu, irkuanga irchutir omhai khan, “Pathian Nâipa ni ni lele kêng,” tiin Jisua chubai an mûka.

MATHAIA 16:16

Simon Petera’n a kuang, “Mesia Pathian hring Nâipa kha ni ni,” tiin a sâma.

MATHAIA 26:63

Jisua kha a dâihreka, Ochai inlaltak khan, “Pathian hring irhmingin nang ki ti; Krista, Pathian Nâipa chu ni ni lele mo ni hril roh,” a tia.

MATHAIA 3:17

Irngai ta, irvân ata hnuk irhâiin, “Hi hi ki nâipa, lungthung tak chu a ni, a chunga ki lôm tak tak,” a tia.

MARKA 1:1

Pathian Nâipa; Jisua Krista Thurchi Sa irphutna chu;

MARKA 3:11

Ramilhli ichelhai khomin ama kha an hmu rikipin a makunga an hong inboka, “Nang Pathian Nâipa ni ni,” tiin an khêk ngaia.

MARKA 5:7

Inring takin a khêka, “Jisua, Inchungtaka Pathian Nâipa, imo ni lo hrang ni iti? Deng nin thei loi hrangin Pathian irhmingin nang ki ngên,” a tia.

LUKA 1:35

Vântîrtôn khan a sâma, “Irtha Irthiang kha ni chunga zuang om a ta, Anchungtaka sinthotheina khan nang irhli khu a ti; khasikin nâi zuang suak hrang chu mi irthiang, Pathian Nâipa tih an ti.

LUKA 22:70

Khan an rêngin, “Nang hi Pathian Nâipa ni ini mo?” an tia. Ama’n, “Ni nih, nin ni ti khate,” a tia.

LUKA 4:3

Diabola’n a kuang, “Pathian Nâi ni ni’n chu, hi lung hi bai inchangtir ro,” a tia.

LUKA 4:41

Khan, “Pathian Nâipa ni ni,” tia khêkin ramilhlihai khom mihai sûng ata an suak tâka. Krista a ni tih an inhriat sikin. Jisua’n ramilhlihai kha chong hrang phalhai ma.

LUKA 4:9

Khanchu, Diabola’n Jerusalema a hruaia, Tempil sîp irzuma a siaa, “Pathian Nâipa ni ni’n chu irchôm tha roh.

JOHANA 1:34

Johana’n, “Kha kha ki hmu tâka, hi mi hi Pathian Nâipa a nih ti nangni kin hriattir a ni,” tiin.

JOHANA 1:49

Nathanaela’n, “Rabbi, Pathian Nâipa ni ni. Israelhai rêng inlaltak ni ni kêng,” tiin a sâma.

JOHANA 20:31

Jisua kha Krista Pathian Nâipa a nih ti nin iam theina hrang le nin iam sika khan ama irhminga hringna nin nei theina hranga hihai hi irziak a ni.

JOHANA 9:35

An inhnot suak tih Jisua’n a lei inhriatin, a va zong suaka, a kuang, “Mihriam Nâipa hi ni iam mo?” tiin ar dona.

TÎRTÔNHAI SINTHO 9:20

Sinagokhaia khan Jisua Pathian Nâipa a nih ti a hril irphut zôi tâka.

2 KORINTH 1:19

Pathian Nâipa, Jisua Krista, a thu Sila, Timothea le keima’n kin insîr kha, “A ni,” le “Ni mak,” a ni no sikin, Ama kha Pathian “A ni” ti a ni.

GALATIA 2:20

Keima hringna pangaia hring ni ta ma unga, keimaa hin Krista kha a hring tâk a ni. Atûna taksaa ki ihring hi, a ni lungthungtu ki ta hranga hringna pêktu, Pathian Nâipa iama hring ki ni.

1 THESALONIKA 3:5

Iamnaa nin det mai le det mai loi inhre loia om kin thei ta no sikin, Timothea kha kin hong itîr a ni, inthêmtu’n inthêmpai hrangin kin sin sôlna chanlamboi a chang thei itinin tia kin hong itîr a ni.

HEBRAI toc2 HEBRAI 12:16

Khabana, tûte irdit song mi mani, Esaua anga rammual mi mani, om loi hrangin en zit roi; ama kha a nâi lutîr nina a ni.

HEBRAI toc2 HEBRAI 4:14

Pathian omna irvâna fe tâk, Ochai Reng roiinpui tak Jisua, Pathian Nâipa kha ei nei sikin ei thurin hi intûk indet ngit ei ti.

HEBRAI toc2 HEBRAI 7:3

Melkisedeka pa mani, nu mani, ar chibulhai mani, irziak zel om maka; a suak ni le a thi ni khom irziak om sa ma. Pathian Nâipa angin ochaiin a iom mai a ni.

1 JOHANA 3:8

Thil sual thotu chu Diabola ata suak a ni; a phut rengata Diabola khan thil sual a thoa. Pathian Nâipa a zuang inlangna san chu, Diabola sinthohai inboi hranga a ni.

THUPHUANG 2:10

Ni tuang hranghai hi ite chi no roh. Irngai ta! nin laia mi senkhat intângna ina khumin Setana’n nangni a ifia hrang a ni. Khante, sûn sôm dengthei nin ti. Thina dênin keimaa iamomin om roh, khanchu inhnêna lômmanin hringna rêng lukhum nang pe ki ti.