MATHAIA 4:16 - PATHIAN LEKHABU IRTHIANG C.L. Bible (BSI)

¹⁶ Inthim hnuaia toihai khan vâr roiinpuitak an hmua, Thina ram inthim hnuaia toihai chunga a zuang vâr ta,” tia a lei insîr kha a hong tung indikna hrangin, kha kha a hong iom a ni.

MATHAIA 4:16 Iomraidhean Croise

JOBA 10:22

A zîng irsâna ram, zân zîng chardongna hmun chu, Thina dâihlîm, lampui ite om loina vâr khom inthim a changna hmuna khan.

JOBA 3:5

Beidongna le inthim irsa khakin, an dongtum irchu sian, sûmin inbokdel sian, sûn vâr inthimtir kha a charindongtir ri se.

JOBA 34:22

Thil saloi thohai irbîkna hrang, Inthim irsa om maka, Thina dâihlîm khom om ual mah.

INPÂKNA HLAHAI 44:19

Nangin sihalhai omnaa ni ni soisak chita, Thina daihlîma nir khûna hrangin.

ISAIA 9:1

Chardong taka omhai hrangin chu ngûina rêng rêng om ta no nia. Tianlai khan Zebulun le Naftali ram chu, hnuaisia om tak a nia, zoro hnungkhôna chu la roiinpuitir a ti, tuipui kôl ata Jordan varâl Galili ram, Jentailhai omna ram chu.

ISAIA 9:2

Inthim hnuaia omhai namin chu, vâr roiinpui tak an hmu tâka, raminthim taka omhai hrangin khua a hong vâr ta.

JEREMIA 13:16

Rengpa nin Pathian chôiirsâng roi, inthim a zuan tunga, tâng tiang nin irthon mân hin; nin itûng ngai vâr kha inthim le a vârro lai takin a hong ni mân hin.

AMOSA 5:8

Sîruk le sîvazûn siamtu le thina dâihlîm zînga inchangtirtu le sûn kha zân inthima siamtu, tuikhanglian tuihai koia, irnêng chunga inluangtirtu kha, ama kha zong unglân, ar hming chu Rengpa a ni,

MIKA 7:8

O ki râl, ni manêp mai no ro: ki tûk tika khom thoi nôk ki ti: inthima ki toi khomin Rengpa kha ki ta hrangin vâr ni a ti.

LUKA 2:32

Jentailhai kuang ni vâr inlangtir hrang le ni mi Israelhai roiinpuina hrang chu,” a tia.