Khan Rengpa’n a iti chu, “Deipu khan ki’rhmingin minlak a tho a ni, anni chu tîrhai ma unga, thupêkin an laia chongbâi khat lua ki iti loi a ni. Inlârna thu an ihrilhai kha keima ata suak ni maka; an thu inpuanghai chu hlutna nei loi, an lungrîla an ingaitua lik a ni.
Khan Rengpa’n, “Hi deipuhai hi ki itîr ni mahaia, ki tîrhai no khomin an ife a ni. chongbe ite pehai ma unga, khannisian ki’rhmingin thu an insîr ngai a ni.
Babulon-hai hong kîr no nih tia nin binga irhuang loi hrangin keima Rengpa’n irningna chong nangni ki ipêk a ni, a san chu an hong kîr nôk hrang sikin.
Krista dolhai le deipu dolhai an la isuak hrang a ni, khahai khan thei len vânghai sian chu inthanghai lua an huang theina hrangin irsinsiana le thilirkhêl inthang tho an ti.
Jisua’n an kuang, “Mihriam Nâipa hi nin inkhâi tika keima ki ni tih le, keima irchamin i khom tho ma ung Pa’n a ni ihril ang vai kin sîr ngai tih lan hria nin ti.
Nâihaio, zoro hnungkhôn a hong ni tâka, Krista râl la hong om a ti, ti nin inhriat ang khan, atûn hin Krista râlhai tamtak an hong suak ta; khasika khan zoro hnungkhôn kha a ni tah ti ei inhriat a ni.