MATHAIA 24:1 - PATHIAN LEKHABU IRTHIANG C.L. Bible (BSI)

¹ Khan, Jisua a suaka, Tempil ata a fe laiin, Tempil inen hrangin ar chutirhai a kuang an honga.

MATHAIA 24:1 Iomraidhean Croise

JEREMIA 51:61

Seraia chu kin hrila, “Babulon ni tung tika, hi irziaka om murdi hi mihai kuang inring takin ni tep ngêt a nih ti inhrenfel roh.

JEREMIA 6:8

Jerusalem mihaio, hi buaina hi nin irdînna hrangin irningna thil tung ri se, khano’nchu nangni ki imâksan hrang kêng. Nin khopui hi ramchârin siam ki ta; tûte zel om thei no ih,” a tia.

EZEKIELA 8:6

Ama’n ki kuang, “Mihriam nâipa, an sintho hi ni hmu mo? Israel in sûngkuahaiin thil porinche liantak tak an itho hi ni hmu mo? ki hmun irthiang rengata hlataka ki fe irhmang pat theina hrangin. Hi nêka thil porinche ual la hmu nôk zêl ni ti,” a tia.

HOSEA 9:12

An nâihai puihling khomhai sian pasal reng om loi hrangin insûntir ngêt ki ti. A ni, anni kha ki’rheisan tika chu, an chung kha rik ual a ti.

MATHAIA 21:23

Tempila a lûta, ar chuhai laiin Ochai inlalhai le vântâng upahai kha a kuang an hong kâia, “I irchamneina’n mo hi sinhai hi ni itho? Tu’n mo ircham nang a ipêk?” an tia.

MATHAIA 23:39

Nangni ki hril, Rengpa irhminga hong chu Pathianin satvur ri se, nin ti mâka chu atûna irthokin ni hmu ta no chin ni,” a tia.

JOHANA 2:20

Judahai khan, “Sûn thum sûngin ni indingtir nôk hrang mo? Hi Tempil sinna hranga hin kum sômminli kiruk a inang kêng,” an tia.