MATHAIA 22:16 - PATHIAN LEKHABU IRTHIANG C.L. Bible (BSI)

¹⁶ Khan, an irchutir senkhathai le Heroda pâla mi senkhathai a kuang an tîra, kha mihai khan, “Irchutirtu, thutak nin sîr ngai ti kin inhriat tukhom uksak ual ngai mak chea, tukhom theibîk loiin mihriam ta hranga Pathian lungdo thutak kha nir chutir ngai.

MATHAIA 22:16 Iomraidhean Croise

1 RÊNGHAI 22:14

Khan Mikaia khan, “Rengpa mihriam hring irhming a hong kîr khan, Rengpa’n hril hrang a nih iti vai kêng ki ihril hrang,” a tia.

INPÂKNA HLAHAI 12:2

Mi tinin an bômhai kuang thu ite ni loi mai mai an insîr ngai: Mi inpâk pai pai hmûr le huangna milung irputin thu an insîr ngai.

INPÂKNA HLAHAI 5:9

An bâia chu iamomna rêng rêng om maka; An phîng sûng chu pualoina inzen a ni: An hrok chu thân irhong ang a ni; An mileiin mi an inpâk pai pai ngai.

INPÂKNA HLAHAI 55:21

A bâi chu sahriak angin a tora, A milung chu irdoina a nia: A thuhai chu sahriak nêkin ar nâla, Khannisianlân khandai phôisaihai a ni.

THUVÂRHAI 29:5

A rualhai inpâk pai pai tum chu ama in-ôkna hranga châng kam a ni.

MALAKIA 2:6

Thutak dân kha a bâia a oma, thu insual a hmûra om ma: Irtharngamna tak le irdîn takin ki makunga a lêng ngaia, mi tamtak an pualoina ata an kîrtir a ni.

MALAKIA 2:9

Khasikin kei khomin, ki lampui chu tukhomin a hro om mak chêia, Dân thua mi theibîk nin inei ang zêlin, mi murdi makunga hmusitom le irhniamin nangni siam ki ti.

MATHAIA 22:24

A kuang, “Irchutirtu, Mosia’n, ‘Mi nâi nei loiin a dôngma thisan sianlân, a sangpa khan meithâi kha lua nôkin a upa ta hrangin irchi a inei pe hrang a ni,’ a tia.

MATHAIA 22:26

A sangpa a inhnina chunga khom, khaang dênin a oma, inthumna chunga khom, a sarina dênin, an lua senga.

MATHAIA 26:18

Ama khan, “Khopuia tu mo khat kuang va fe unglân, a kuang, ‘Irchutirtu khan ki zoro anâi tâka, ki irchutirhai leh Ferkân kût ni ina hmang kin ti duah, a ti’ va ti roi,” a tia.

MATHAIA 26:49

Juda kha Jisua kuang a theng thaia, a kuang, “Irchutirtu, ni chunga irtharngamna om ri se,” tiin a biang a tuma.

MARKA 10:17

Khan, Jisua kha fe nôk hrangin a hei irphêt le chu, mi inkhat a kuang a hong intâna, khûksadelin, “Irchutirtu sa, kumtuanga hringna ki nei theina hrangin imo ki itho hrang?” tiin ar dona.

MARKA 12:13

Khan, a thu’nsîra irthokin chel hrangin Farisai senkhathai le Heroda pâla mi senkhat a kuang an tîra.

MARKA 12:14

A kuang an hong tungin chu, “Irchutirtu, mi dik tak ni nia, tukhom ngaisak bîk nei mak che ti kin inhriata, tukhom hnôl ual loiin thei dôrin Pathian thu mi nir chuhai ngaia, khan, Kaisara kuanga khâzana chôi hi mo a’rthiang, irthiang ma mo? kin ipêk hrang mo, kin ipêk loi hrang mo?” an tia.

MARKA 3:6

Khanchu, Farisaihai kha an suaka, Jisua an that theina hrang dân ngaitua’n Heroda pâla mihai leh khan an chong zôi tâka.

MARKA 8:15

Khan, Jisua’n an kuang, “Farisaihai chol le Heroda chol ata irhrung unglân, irdîn roi,” a ti ngita.

LUKA 20:21

Kha mihai khan, “Irchutirtu ni thu’nsîr le ni thu irchutir hi a dik ti kin inhriat; tukhom inza bîk nei ual loiin Pathian thu dik tak nir chutir ngai.

LUKA 7:40

Jisua’n a kuang, “Simon, nang hril hrang ki nei,” a tia. Simona’n “Ti ro ba, irchutirtu,” a tia.

JOHANA 14:6

Jisua’n a sâma, “Keima hi lampui le thutak le hringna ki ni, keimaa fe no chu tukhom Pa kuang tung ngai mahai.

JOHANA 18:37

Pilata’n, “Khante, rêng mo ni ini?” a tia. Jisua’n a sâma, “Nangma’n rêng ni ni ti khate; kei chu thutak inhriattir hi ki isuakna san le rammuala ki izuangna san chu a ni; tukhom thutaka omhai chu ki’rhâi an irngai ngai,” a tia.

JOHANA 7:18

Tukhom mâni iphuachôpa thu insîrtu chu mâni roiinpuina a izong a ni. Khannisian a tîrtu roiinpuina zongtu chu iam a oma, amaa dik loina rêng rêng om mah.

2 KORINTH 2:17

Mi tamtak chu Pathian thu hi irvaina hmang an iom ang khan, keini chu hmang ma ung. Pathianin a ni tîrna sikin Krista zuituhai ang khan Pathian mit hmua dik takin kin ichong a ni.

2 KORINTH 4:2

Thil irthup le inzakpuiom sinhai kha kin mâka, milakin sin ma unga, Pathian thu huangna khomin hmang sa ma ung. Thutak vârna irkipin Pathian mithmua khan inlêngin mi tin sia le sa inhriatna mit tung kin tum ual ngai.

2 KORINTH 5:16

Khasikin mihriam irkhî lamin tûte hril insiat ta no ni ung. Mihriam irkhî dânin Krista lei inhre ta khom unglân, tho ta ma ung.

GALATIA 1:10

Khante! mihriam inlômtir mo ki itum Pathian inlômtir mo? Mihriam lôm lam insîr tumin ki ihong ma ni? Mihriam inlômtir tum ni inlân Krista suak ni no ning.

GALATIA 2:6

Hruaitu poimo nia inlanghai, an ni tak tak le ni loi, ki ta hrangin danglam ual mah, Pathianin pên tiang inlang dân vai ngaisâng ma, hihai luan insîr hrang ite nei mahai.

DÂN INHNINA 33:9

A nuhai, an pahai, chunga an iamom nêkin, ni chunga an iiamom ual a ni. Ni thupêk an zôma, ni thuthunga a iamom a ni.

1 THESALONIKA 2:4

Thurchi Sa inkoltir inruka Pathianin a ni inkung ang dênin, mihriam inlôm hrang ni loiin ei lungrîl fiatu Pathian inlôm hrangin thu kin ihril ngai a ni.

JAKOBA toc2 JAKOBA 3:17

Chung tiang ata vârna zuang suak chu a maton taka a’rthianga, kha zoiin irngei a nuama, a milung ar uaia, changpui a hoia, lungkhamna le ra saiin a sipa, theibîkna le vârirletna nei ngai mah.

1 JOHANA 5:20

Pathian Nâipa kha a zuanga, Pathian tak kha inhre thei hrangin inhriat theina a ni pêk ti ei inhriat sa; khanchu Pathian tak khan ei iom a nia, Nâipa Jisua Kristaa khan. Hi hi a ni Pathian dik tak kha, hi hi a ni kumtuang hringna chu.