MATHAIA 21:5 - PATHIAN LEKHABU IRTHIANG C.L. Bible (BSI)

⁵ “Zion nâinu kha hril roh, En ta, ni rêng chu ni kuang a hong e, Sakuartung te chung ngeia,” ti thu hi.

MATHAIA 21:5 Iomraidhean Croise

IRPHUTNA 49:10

Reng khianghrol chu Juda kuang ata irsam no nia; roirêltu khianghrol khom a ke kâr ata irsam no ni. Nam tinin ama thu la zôm an ti.

2 SAMUELA 16:2

Reng Davida khan, Ziba kuang khan, “Khahai kha imo ni ilo hrang?,” a tia. Ziba khan, “Sakuartunghai hi rêng in sûng mihai chuangna hrang a nia, bai le theihai hi ruathartehai fâk hrang a ni, uain hi chu ramchâra a sôl murdihai in hrang a ni,” a tia.

1 RÊNGHAI 1:33

Reng kôla khan an honga, rêng khan an kuang, “Mi lianhai hruai unglân, ki nâipa Solomona kha ki sakuartung chunga inchuangtir unglân, Gihon-a hruai sa roi.

1 RÊNGHAI 10:26

Solomona’n sakor tâli sângkhat irzaminli le sakor chung chuang thei sîngkhat sânghni a neia. Senkhat chu Jerusalema a siaa, a danghai chu khopui hmun da danga a siahaia,

INPÂKNA HLAHAI 9:14

Nangma inpâkna murdi chu kin hriattir theina hrangin; Zion nâinu mikothaia chu, Ni ni saninhringna hin râiinfân ki ti.

ISAIA 12:6

Zion tânga omhmun khuarhaio, Râifân takin zâi unglân, khêk suak roi; Nin laia om, Israel mi irthiang chu a roiinpui ok a ni.

ISAIA 40:9

Tâng irsânghaia lui maiin lân, Zion kuanga thu lômom chu inring takin hril ro, Jerusalem kuanga thu lômom chu inpuang ro, indîn loiin Judai ram khopuihai chu hrilhaiin lân, “Nin Pathian chu a hong tung ta,” ti roh.

ISAIA 62:11

Nam tin inhriatin Rengpa’n an puang ta. Zion nâihai chu hril ro, “Rengpa’n nangni a hong san ta, a isansuakhai a hong hruaihaia. A irtan saihai an fâhai ta,” tiin.

EZEKIELA 34:24

Kei Rengpa hi an Pathian ni ki ta, ki sinthotu Davida anga rêng kha an chunga roirêltu ni a ti, keiin ki iti a ni.

EZEKIELA 37:24

Reng ki sinthotu Davida ang khan an rêngin om an ta, an rêngin roirêltu inkhat hnuaia inthurual takin om an ta, khanchu iamom takin ki dânhai chu zôm an ti.

HOSEA 1:7

Juda sûngkuahai rêk chu inren ki ta, thal ngul mani, khandai mani, irdoina mani sakor mani, sakor chung chuang mi mani anni saninhring loiin, Rengpa an Pathian khan saninhring ki ti, a tia.

MIKA 5:2

Khannisian nang Bethlehem Efrata, Juda rama sâng tamtakhai laia kopa a sân chîn khomin lân, nangma ata hi Israelhai roirêltu hrang kha ki ta hrangin zuang suak a ta; a zuang suakna kha tianlai ata le kumtuang ata a ni.

NAMBAR 24:19

Israel namhaiin sirphahai an ta, a la hring sunhai khom la’rhmangtir ving thei a ti,” a tia.

MATHAIA 11:29

Ki ringkol irbun unglân, ki kuang irchu roi, thuhnuairôl tak le irngaiintôm tak ki ni sikin, Khanchu nin irtha ta hrangin irngamna hmu nin ti.

MATHAIA 2:2

“Khôn mo Judahai rêng hranga nâi zuang suak kha? Nisua tianga a ârsi kin hmua, ama, chubai mûk hrangin kin ihong a ni,” an tia.

MATHAIA 2:6

“Nang, Bethlehem, Judai rama om, Judai ram khopui laia hin chîn ual hliak mak che, Ni sûng ata optu a zuang isuak hrang a ni, ki mi Israelhai hruaitu hrang chu iti hi,” tiin an sâma.

MATHAIA 21:6

Khanchu, irchutirhai kha an va fea, Jisua’n thu a ipêkhai ang takin an thoa.

LUKA 24:27

Khanchu, Mosia ata irphutin deipu murdi thu suiin Pathian Lekha thua, a thurchi irziakna hmun tina a hrilfiah pehaia.

JOHANA 1:49

Nathanaela’n, “Rabbi, Pathian Nâipa ni ni. Israelhai rêng inlaltak ni ni kêng,” tiin a sâma.

2 KORINTH 10:1

Keima, Paula, nin laia ki oma nin chunga irngaiintôm le dâiriama oma, nin kuanga ki om no le nin chunga lum raka om ngaitu an iti hin Krista thuhnuairôlna le nunhoina songin nangni ki ngên a ni.

DÂN INHNINA 17:16

Reng khan a sipaihai hrangin sakor a inei intam hrang ni ma, Aigupta rama sakor la’nsap hrangin mi a itîr hrang ni ma; Rengpa khan ‘Kha tiang khan nin ikîr nôk hrang ni ma,’ a tia.

ROIRÊLTUHAI 12:14

Abdona’n nâipasal sômminli le tupa sômthum a neia, an chuangna hrang sakuartung sômsari a neia. Abdona’n Israelhai chu kum riat a hruaia.

ROIRÊLTUHAI 5:10

Sakuartung chunga chuang ngaihaio. Nangni toihmun irsâ taka toihai khomin lamintûn zongtuhai leh hin hi thu hi inpuang roi.